Жетим козуларды эмизген пони. Англиядагы окуянын видеосу

168
Англиянын Сомерсет графтыгындагы жайытта жетим калган үч козуга пони мээримин төгүп, кайтарып, ал тургай эмизип баштаган.

Маалымат National Geographic Россия сайтына чыкты.

Бул туурасында алардын кожоюну Бэки Попэм да айтып берип, социалдык тармактагы баракчасына жазган. 

Үч козу бир ай болгондон кийин энесинен ажыраган. Кожоюну аларды жакын жайгашкан Хайди деп аталган понинин короосуна киргизген. Жылкы аларды жерибей, тескерисинче, мээримине алып, карап, кайтарып, кам көрө баштаган. Ал эми кийин анын сүт чыкпаган эмчегин козулардын ээмп жатканын байкап, ээси таң калгандыгын жашыра алган эмес. Субай бээнин желинине козулар эмгенден кийин сүт чуркаган.

Бэки Попэм бул окуядан кийин ветеринарга кайрылганда, адис мында таң кала турган эч нерсе жоктугун, болгону анда энелик инстинкт ойгонгондугун түшүндүргөн.

"Себеби Хайда буга чейин бешти тууган. Жаныбар болсо деле энелик сезим ойгонсо башканы карап, бага берет экен", — деген жылкынын ээси.

Учурда козулардын пони энеси менен кошо жатып, кошо туруп, аркасынан калбай ээрчип аларын кошумчалаган.

168
Белгилер:
энелик, инстинкт, пони, жетим, эмизүү, козу, Англия
Тема боюнча
Көңүл көтөрөт! Эне пил баласын ойготуп жаткан видео

30 күн убакыт берем, уурдаган акчаңарды кайтаргыла! Жапаровдун видеокайрылуусу

413
(жаңыланган 16:42 21.10.2020)
Бир жолку берилүүчү экономикалык мунапысты пайдалануудан баш тарткандарга мыйзам чегинде катуу чаралар көрүлөрү эскертилди.

Премьер-министр, президенттин милдетин аткаруучу Садыр Жапаров экономикалык мунапыс жарыялай турганын айтып, 30 күндүн ичинде казынадан уурдаган акчаларды кайтаргыла деп эскертүү берди.

Төмөндө Жапаровдун кайрылуусу толугу менен берилет:

Ушул күндөрү мамлекеттик бийлик бутактарына олуттуу милдеттер жүктөлүп жатат. Анын ичинде президент жана өкмөт башчынын милдетин аткарып жаткан мага өтө чоң жоопкерчиликтүү ыйгарым укуктар берилди.

Мындан улам, бизге ишеним арткан жалпы журттун жүгүн көтөрүү үчүн бүгүндөн тартып мен расмий түрдө өлкөдө экономикалык амнистия жарыялайм.

Максатым:

  • мамлекеттик бюджетти толтуруу, кошумча киреше алуу;
  • өлкөдөн чыгып кеткен жана чыгып жаткан мыйзамсыз капиталды кайра кайтаруу;
  • оффшордук эсептердеги акчаларды кайрып келүү;
  • көмүскө бизнестин ресурстарын толугу менен мыйзамдаштыруу;
  • ишкердик чөйрөнүн баарына тең шарттарды түзүү;
  • макроэкономикалык оң натыйжаларга жетишүү;
  • өлкө экономикасына зарыл болгон каражатты тезинен табуу;
  • мамлекеттик тышкы карыздарды төлөө.

Бул максаттарга жетүү үчүн соңку 30 жыл бою эң кирешелүү тармактар болгон энергетика, бажы, салык, дары-дармек, лицензия берүүчү, тоо кен жана башка тармактарга 30 күн убакыт берем. Бул төмөнкү тараптарга тиешелүү:

  • өзүнүн коррупциялык схемаларын түзүп, элдин ырыскысын тоноп жүргөн коррупционерлерге;
  • ар кандай компанияларга үлүштөргө отуруп алган мурдагы чиновниктерге;
  • ири ишканалардын акцияларына рейдерлик жол менен мыйзамсыз ээ болуп алган аткаминерлерге;
  • салыктарды төлөбөй качып жүргөн жарандарга;
  • кирешесин аз көрсөтүп жүргөн ишкерлерге;
  • мыйзамдарды бузуп жүргөн чиновниктердин тобуна;
  • министрликтер менен ведомстволордун жетекчилерине;
  • бажычыларга жана финансисттерге.

Силер өзүңөр деле ар бир тармак боюнча коррупциялык схемаларды абдан сонун билесиңер. Аларды өзүңөр ачыкка чыгаргыла. Анын баарын мамлекеттик казынага кайтарып бергиле! Мамлекеттен алган, казынадан жеп жаткан, жаап-жашырган ар бир тыйынды өз ыктыярыңар менен ордуна койгула. Мүлкүңөрдү, чыныгы капиталыңарды ачыкка чыгаргыла. Азырынча мен силерге убакыт жана мүмкүнчүлүк берип жатам. Кыска мөөнөттүн ичинде экономикалык мунапыс берүү жана акча каражаттарын, кыймылдуу-кыймылсыз мүлктү мыйзамдаштыруу үчүн укуктук-ченемдик негиздер даярдалат.

Эскерте кетсем, бул иш-чара бир гана жолу болот.

Ошондуктан жогоруда аталган адамдар жакшылап ойлонуп, капиталына жана мыйзамдуу жүгүртүүдөн чыгарылган мүлкүнө мунапыс алуу үчүн ушул учурду колдонуп калышы керек.

Укук коргоо, тергөө органдары менен кызматташып, ички инвестиция жасап, акчаларды экономикабызга кайрып бергиле. Ошондо баарыңарга административдик жана экономикалык кечирим болот.

Мен декларациялануучу мүлктөр менен кирешенин кол тийбестигине кепилдик берем. Мүлктү жана кирешени ыктыярдуу түрдө декларациялоо процессинде сыр сакталат. Эгерде экономикалык амнистияны пайдаланбасаңар, мыйзам чегинде катуу чаралар көрүлөт.

Бул элдин талабы!

Бул мага ишенип тапшырган элдин мүдөөсү!

413
Белгилер:
коррупция, кайтаруу, каражат, экономика, мунапыс, кайрылуу, Садыр Жапаров
Тема боюнча
Өзүбүз чакырганбыз. Жапаров Жээнбековдун отставкага кантип кеткенин айтты
Аягына чыгарабыз! Мамытканов бажыдагы коррупциялык схема боюнча оюн билдирди
Жапаров: уулума телефон чалып, кызмат үчүн 300 миң доллар сунуштагандар бар

ЖК депутаттары кайрадан резиденцияга жыйынга чогулду. Видео

196
(жаңыланган 15:38 21.10.2020)
Бүгүнкү жыйында эл өкүлдөрүнүн шайлоо боюнча мыйзамга өзгөртүүлөрдү киргизүү маселесин карашы күтүлүүдө.

"Ала-Арча" мамлекеттик резиденциясында Жогорку Кеңештин депутаттарынын жыйыны өтүп жатат. Анда эл өкүлдөрү шайлоо боюнча мыйзамга өзгөртүүлөрдү киргизүү маселесин карай турганы күтүлүүдө. Буга чейин өзгөртүү киргизүү боюнча мыйзам долбоорун парламенттин конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитети жактырган.

Садыр Жапаров президенттик шайлоого катышар-катышпасын айтты

Эмнелер өзгөрөт десеңиз, биринчиден, шайлоочулардан алчу жети пайыздык ченди үч пайызга түшүрүү сунушталууда. Ал эми күрөө катары берилчү 5 миллион сом бир миллионго түшүрүлмөкчү. Мындан тышкары, жашаган жеринен добуш берүүгө шарт түзгөн форма №2 көйгөйүн чечүү маселеси каралган.

196
Белгилер:
депутат, мыйзам, Жогорку Кеңешке шайлоо, Кыргызстан
Тема:
Шайлоо-2020
Тема боюнча
БШК кайрадан парламенттик шайлоо өткөрө турган күндү бекитти
Садыр Жапаров президенттик шайлоого катышар-катышпасын айтты
Саргарган дарактар. Архив

Бейшембиге карата аба ырайы

0
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

0
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт