Бөйрөгүмдү сатайын десем, жараксыз экен. Майып кыздын оорулуу энесинин баяны

(жаңыланган 12:20 30.05.2020)
Ош шаарынын 38 жаштагы тургуну Жыпаргүл Нарматова учурда өзүнүн ден соолугунан да кызынын басып кеткенин маанилүү деп билет. Кичинекей Касиетке биринин артынан бири боло берип, баш-аягы сегиз операция жасалган.

10 жаштагы Касиет төрөлгөндөн баштап эле эки буту кыймылдабайт, өз алдынча баса албайт. Бул оору үч айлык ымыркай кезинде байкалыптыр. Келечекте балерина болууну самаган кыз буттары баспагандыктан, кадалып бир орунда отурууга аргасыз. Анткен менен соңку операциядан кийин буттары бир аз кыймылдай баштаган, бирок басууга жарай элек.

Жыпаргүл Нарматова биз менен болгон маегинде жалгыз бой экендигин айтып отурду. Майып кызынан сырткары 11 жаштагы Абдуазиз аттуу уулу бар.

Ал 2008-жылы Бишкек шаарында түпкүлүгү өзбекстандык, Жизак аймагынан келген жигитке турмушка чыккан.

"Өзүм Ноокат районунун Көк-Жар айыл аймагында төрөлүп, өстүм. Бишкек шаарында тигүү цехтеринде иштеп жүрүп, турмушка чыктым. Алгач уулдуу, андан соң кыздуу болдук. Ымыркай үч айга толгондо дарыгерлер кызымдын буттары төрөлгөндөн баштап эле кыймылдабай турганын аныкташты. Ошол мезгилде мени тагдырдын оор сыноосу күтүп турган экен. Жолдошум бул кабарды угаары менен чалкасынан кетип, "кызыбызды балдар же майыптар үйүнө тапшырып салалы, майып баланы бага албайм, ага каражат көп кетет" дей баштады", — деди эне көзүнө жаш ала.

Нарматова, албетте, күйөөсүнүн айткандарын четке каккан. Аргасы түгөнгөн, акырында жолдошу менен ажырашып, эки баласы менен жалгыз калат.

"Боор этимден жаралган чүрпөмдү кантип балдар же майыптар үйүнө таштайм. Наристеден баш тартып, күйөөнү тандоого жүрөгүм чыдамак эмес. Ошол себептен 10 жылдан бери кызымды жонумда көтөрүп, чоңойтуп келе жатам", — деди Нарматова. 

Жительница Оша Жыпаргуль Нарматова с 10-летней дочкой с ОВЗ Касиет
© Sputnik / Зульфия Тургунова
Жыпаргүл Нарматованын майып кызынан сырткары 11 жаштагы Абдуазиз аттуу уулу бар

Германиядан дарыгер чакыртуу үчүн батиримди саттым...

10 жаштагы Касиетке жергиликтүү дарыгерлер төрөлгөндө эле "буттарынын сөөктөрү өз ордунан жылып чыгып кеткен" деген аныктама коюшкан.

"Кызым басып кетсин деген тилек менен медиктерге кеңешип, издеп, Германиядан атайын дарыгерлер тобун чакыртууга аргасыз болдум. Шаардагы үч бөлмөлүү батиримди саттым. Себеби операция жасатууга жана андан кийинки дары-дармектерине 30 миңдей доллар керек эле. Операцияны Германияга биз барып жасатсак кете турган акча ал жактан дарыгерлерди чакырганга караганда кыйла арзаныраак болмок. Бирок ал жакка баруу үчүн мыйзам боюнча чек арадан кызымды алып өтүүгө мурунку жолдошумдун уруксаты керек эле. Ал кишинин кайда экенин таппай күйбөгөн жерим күл болду", — дейт Нарматова.

Германиялык дарыгерлер майып кызга "шал илдетине чалдыккан" деген аныктама коюшкан.

Касиеттин буттары буга чейин эч нерсе сезбесе, акыркы операциядан соң бир аз кыймылга келе баштаган. Бирок кыз тура албайт, өз алдынча баса албайт.

Кызын айыктыруу үчүн бардык нерсеге даяр эне өз батирин саткан соң учурда жатакананын бир бөлмөсүн ижарага алып күн кечирүүдө. 

10-летняя Касиет с ОВЗ уже перенесла 8 операций
© Sputnik / Зульфия Тургунова
10 жаштагы Касиет төрөлгөндөн баштап эле эки буту кыймылдабайт, өз алдынча баса албайт. Бул оору үч айлык ымыркай кезинде байкалыптыр

Бөйрөгүмдү сатайын десем, кант диабетине кабылыптырмын

"Касиет чоңойгон сайын ага салмак кошулуп, ары-бери көтөрүү мен үчүн канчалык азап болсо да чыдоого мажбурмун. Атасы бизди таштап кеткен бойдон бир ирет да кайрылып балдарын сураган жок. Эми кезектеги операцияны Түркиядан жасатууга акча каражатым жок. Баш-аягы 18 миң доллар керектелет экен. Атам буга чейинки операциясына акыркы торпогун сатып акчасын берди. Аргам түгөнгөндө Оштогу облустук ооруканадагы дарыгерлерге кайрылып, "донор издеген бейтаптар болсо таап бериңиздер, кызымдын операциясы үчүн бөйрөгүмдү сатам, канымды да кошо берем" дедим. Алар менден анализ алып, кант диабетине чалдыгып калганымды, ошол себептен бөйрөгүм да, каным да башка бирөөгө керекке жарабай турганын айтышты", — дейт Нарматова. 

Жительница Оша Жыпаргуль Нарматова с 10-летней дочкой с ОВЗ Касиет
© Sputnik / Зульфия Тургунова
Эне кызынын илдети менен күрөшүп жүрүп, ден соолугу жабыркап, өтүн алдырган. Көп узабай кант диабети, андан сырткары, боор оорусуна да чалдыкканын байкабай калган

Ал кызынын илдети менен күрөшүп жүрүп, ден соолугу жабыркап, өтүн алдырган. Көп узабай кант диабети, андан сырткары, боор оорусуна да чалдыкканын байкабай калган.

"Касиетти көпкө чейин көтөрүп койсом, боорум шишип кетет. Азыр мага кызымдын ден соолугу үчүн күрөшүү маанилүүрөөк. Анын келечеги алдыда деп ойлойм", — дейт ал.

Нарматованы азапка салган дагы бир көйгөй — кызын Түркиядан операция жасатууга алып баруу үчүн мурдагы жолдошунун аталык укугунан баш тарттым деп жазып берген катын ала албай жүргөнү. Жолдошу Абдулхамид Искендеров, жогоруда айтылгандай, Өзбекстандын жараны болгондуктан анын телефон номерин таап, бир ирет байланышка чыккан, бирок кайра дайын-дарегин билдирген эмес.

Белгилер:
донор, бөйрөк, акча, операция, шал, эне, кыз, майып, Ош шаары
Тема боюнча
Оорумду укса апамдын көзү көрбөй калат. Ракка чалдыккан беш аялдын тагдыры
Танзила Эргешова: ракка кабылганымды билген күйөөм таптырбай кетти

Түштүк магистраль узартылып, ТЭЦ-2ге чейин жеткирилет. Видео

(жаңыланган 17:54 23.04.2021)
Бишкектеги Түштүк магистраль дагы эки чакырымга узартылганы жатат. Бул үчүн бийлик Сокулук районунун элинен тиешелүү жерди алды.

Бишкек шаарындагы Түштүк магистралын узартып, Сокулук районундагы ТЭЦ-2 аймагына чейин жеткирүү үчүн өкмөт сегиз гектар жерди трансформациялады. Бул тууралуу маалыматты Sputnik Кыргызстан редакциясына Жер агенттигинин Жерге жайгаштыруу, жер кадастры, геодезия, картография, мамлекеттик чек араларды делимитациялоо жана демаркациялоо боюнча башкармалыгынын башчысы Турсунбек Кубанычбеков тастыктады.

Жол куруу үчүн өкмөт Чүй облусунун Орок айыл аймагынын жашоочуларынын жеке менчик айдоо жерлерин алды. Ордуна бийлик менчик ээлери менен келишим түзүп, башка тилке бөлүп берген.

"Бул жерлер мурда айыл чарба багытында эле. Жолду куруу үчүн эми өнөр жай өндүрүшү, транспорт, байланыш, энергетика жана башка багытындагы жерлер категориясына өткөрүлдү", — деди жетекчи.
Вид на жилмассив Арча-Бешик, где ведутся работы по продлению Южной магистрали с новостройкой ТЭЦ-2
© Sputnik / Акылбек Батырбеков
Бишкек шаарындагы Түштүк магистралын узартып, Сокулук районундагы ТЭЦ-2 аймагына чейин жеткирүү үчүн өкмөт сегиз гектар жерди трансформациялады

Эске салсак, Сокулук районунун сөз болуп жаткан аймагында Ак-Ордо, ТЭЦ-2 баш болгон мыйзамдуу түрдө башы ачылбай жаткан конуштар бар. Бирок Кубанычбековдун түшүндүрмөсүндө бул жолку трансформациялоонун аларга тиешеси жок.

"Өкмөттүн бул токтомунун негизинде Түштүк магистралынын уландысын куруу үчүн 8 гектар гана жер трансформацияланды. Анын тегерегиндеги тилкелер мурдагыдай эле макамда калтырылды. Алардын категориясын алмаштыруунун тартиби башка", — деп түшүндүрдү ал.

Түштүк магистраль — Бишкектеги негизги көчөлөрдүн бири, 7-апрелден Байтик баатыр көчөсүнө чейинки бөлүгү Аалы Токомбаев деп аталат. Байтик баатырдан Дооронбек Садырбаев көчөсүнө чейин Абсамат Масалиевдин ысымын алып жүрөт. Садырбаевден Чортеков көчөсүнө чейин Жайыл баатыр деген аталышта.

Вид на жилмассив Арча-Бешик, где ведутся работы по продлению Южной магистрали с новостройкой ТЭЦ-2
© Sputnik / Акылбек Батырбеков
Учурда көчөнү Арча-Бешик конушунан тарта талаа менен алып өтүп, Сокулук районундагы ТЭЦ-2 аймагына жеткирүү пландалып жатат

Учурда көчөнү Арча-Бешик конушунан тарта талаа менен алып өтүп, Сокулук районундагы ТЭЦ-2 аймагына жеткирүү пландалып жатат.

Маалыматка караганда, жолдун жаңы курулчу бөлүгүнүн узундугу эки чакырымдан ашат.

Курулуш качан башталып, жол качан колдонууга берилери азырынча айтыла элек.

Белгилер:
видео, курулуш, жол, Чүй облусу, Бишкек
Тема боюнча
400 үй көчүрүлбөйт. Өкмөттүн өкүлү митингчилер менен жолукту
Бишкектин жаңы башкы планы тез арада иштелип чыкмай болду

Ийинин таптап... Андраде Шевченко менен кантип тиктешти. Видео

(жаңыланган 10:26 23.04.2021)
Мушкер кыздар UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

UFC уюмунун чемпиону, кыргызстандык мушкер кыз Валентина Шевченко кезектеги атаандашы Жессика Андраде менен көз караштар таймашына чыкты. Чемпиондук наам үчүн кармашуучу спортчулардын видеосун аталган уюм өзүнүн Instagram баракчасына чыгарды. 

Посмотреть эту публикацию в Instagram

Публикация от ufc (@ufc)

Мушкер кыздар 24-апрелде (Бишкек убактысы боюнча 25-апрелде) АКШнын Флорида штатындагы Жексонвилл шаарында өтүүчү UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

Видеонун астына промоушен "Чемпион наамын коргоп кала алабы же жаңы чемпион чыгабы?" — деген таризде билдирүү калтырган.

Кыргызстандык мушкер беделдүү уюмдун бел курун 2018-жылы польшалык Жоанна Енджейчикти уткандан кийин тагынган. 2019-жылы америкалык Жессика Айды, Лиз Кармушту, ал эми былтыр америкалык Кэтлин Чукагянды, бразилиялык спортчу Женнифер Майяны утуп, наамын төрт ирет коргоп калган.

Ал эми атаандашы бразилиялык спортчу эң жеңил салмактын чемпиону болгон. Акыркы беттешин 2020-жылдын 17-октябрында Кэтлин Чукагян менен кармашып, нокаут менен уткан.

Жессика Андраде карьерасында 29 кармашка чыгып, сегиз ирет жеңилген. Кызыгы, бразилиялык кыз Камару Усман менен Хорхе Масвидель чемпиондук кур үчүн таймашкан UFC 251 мелдешинде Роуз Намаюнаска жеңилген. Андраденин Шевченко менен беттеши да дал ушул Камару Усман менен Хорхе Масвидель чемпиондук кур үчүн таймашкан UFC 261 турниринин алкагында өтөт.

Белгилер:
наам, беттешүү, Жессика Андраде, Валентина Шевченко, мелдеш, UFC
Тема:
Валентина Шевченко Жессика Андраденин беттеши
Тема боюнча
Шевченконун көптөн күттүргөн беттешин кайсы жактан көрсө болот. Тизме
Дана Уайт: Шевченко удаасы менен эки супер беттеш өткөрүшү мүмкүн
Жазгы талаа иштери. Архив

Ишембиге карата аба ырайы

23-24-апрелде жаап өткөн жаан-чачынга жана абанын температурасынын жогорулашына байланыштуу Кыргызстандын тоолуу райондорунда кар көчкү түшүүcү жана кар күрткүсү күтүлөт.

БИШКЕК, 23-апр. — Sputnik. 24-апрель, ишембиде республика боюнча жамгыр жаабайт. Түштүк-чыгыштан соккон шамалдын ылдамдыгы секундасына 5-10 метрге жетет. Мындай маалыматты Кыргызгидромет таратты.

Абанын температурасы Чүй, Талас өрөөндөрүндө +15...+20, Ош, Жалал-Абад жана Баткен облустарында +17...+22, Ысык-Көл жана Нарында +9...+14 градус жылуу болот.

Ош жана Бишкек шаарларында күн ачык болуп, борбор калаада +18...+20, Ошто +20...+22 градусту көрсөтүп турат.

Белгилер:
Кыргызстан, аба ырайы
Тема боюнча
Кар көчкүдөн улам Каракол — Эңилчек жолу жабылды. Сүрөт