“Реал” 500 миллион евро кредит алып стадионун жаңылап жатат. Видео

160
(жаңыланган 17:57 14.06.2020)
Коронавирус пандемиясынан улам киргизилген карантин маалында Мадрид шаарында “Реал Мадрид” футбол клубуна таандык “Сантьяго Бернабеу” стадиону реконструкцияланып жатат.

Кадрларда аренанын бир бөлүгүнүн бузулганын көрүүгө болот, ал жерге жылып жүрүүчү оюн талаасын куруу пландалууда.

Ошондой эле стадиондо жайгашкан соода борбору менен жер алдындагы автоунаа токтотуучу жай да түрттүрүлгөн. Эми жаңы автоунаа токтотмо жана жөө адамдар өтүүчү зона салынат. Оюн көрүүгө ылайыкталган жаңы мунаралар пайда болот.

Стадионду реконструкциялоого үч жарым жыл кетери айтылат. Орундуктардын саны 800гө көбөйүп (учурда 81 миң орундуу), аренанын чатыры, ачылып-жабылган чатырын кошкондо дагы 12 метрге бийиктейт. Стадионго түнү ар кандай түс берип туруучу материал төшөлөт.

Оңдоо иштерине клуб 2,5 пайыздык чен менен 500 миллион евро кредит алган.

Азырынча клуб сезон бүткөнгө чейин (көрүүчүлөрү жок) оюндарды Вальдебебастын базасындагы 6000 орундуу “Альфредо ди Стефано” стадионунда өткөрүүнү пландап жатат.

“Нуэво Эстадио Чамартин" атындагы Мадриддин башкы стадиону 1944-жылы 75 миң адамга ылайыкташып ачылган. Ага чейин “Реал” 25 миң көрүүчү баткан "Чамартин” стадионунда ойноп келген. Азыркы аталышын 1955-жылы легендарлуу клубдун президентинин ысымынан койгон.

160
Белгилер:
Реал Мадрид ФК, реконструкция, стадион, футбол
Тема боюнча
Футбол борборун курууга грант бөлүнмөй болдубу? КР Федерациясынын жообу
Мамагенттик футбол стадионун куруу үчүн инвестор издейт

АКШ Россияны "талиптер менен байланыш" үчүн опузалады. Ал эми ТИМ далил сурады

94
(жаңыланган 16:46 14.08.2020)
АКШнын мамлекеттик катчысы Майк Помпео эгерде талиптер менен байланыш аныкталып калса, Россияга анын баасын өтө кымбат төлөгөнгө туура келет деп опузалады.

Окуя Россия Афганистандагы террорчуларга америкалык аскерлерди өлтүргөнгө акча төлөйт деген маалыматты июнда The New York Times гезити жазып чыкканда башталган. Макалада эч кандай факты келтирилген эмес. Болгону куру сөздөр айтылган. Алар атайын кызматтын аталбаган маалымат булагынын айтканына негизделген. Россия ТИМи The New York жазган макала карандай калп экенин айтып, АКШдан далил талап кылды.

"Тезинен аткаруу зарыл": АКШ Россияны эмнеге жазалагысы бар?

Америкалыктар мындай олуттуу билдирүү менен эмнени жашырганы, дегеле Россияны террорчулар менен байланыштыруу Трампка жардам бере алар-албасын биздин видеодон көрсөңүз болот.

94
Белгилер:
күнөө, талиптер, Россия, ТИМ, Афганистан, АКШ
Тема боюнча
АКШнын чалгын кызматы Россиянын талибдер менен "жакындыгын" төгүндөдү
Афганистанда бир нече теракт болуп, анын жоопкерчилигин "Талибан" алды. Видео
Афганистанда 20 киши набыт болду. "Ислам мамлекети" түрмөгө чабуул койду

Хабиб Нурмагомедовдун беттеш алдындагы маалымат жыйыны видеодо

191
(жаңыланган 16:21 14.08.2020)
UFC уюмунун жеңил салмактагы чемпиону Хабиб Нурмагомедов Gorilla Energ командасынын пландары жана алдыдагы беттеши тууралуу айтып берет.

Жеңил салмактын чемпиону Хабиб Нурмагомедов америкалык Жастин Гэтжи менен беттешке чыгат. Гэтжи 9-майда мекендеши Тони Фергюсонду уткандан кийин россиялык мушкерге башкы атаандаш болгон.

Аралаш мушташ спортунда 31 жаштагы Гэтжи 22 ирет жеңишке жетип, эки жолу утулган. Ал эми анын атаандашы Нурмагомедов 28 жолу октагонго чыгып, жеңилип көрө элек.

191
Белгилер:
беттешүү, UFC, Хабиб Нурмагомедов
Тема боюнча
Шайтан алгыр! Сен-Пьер аны Нурмагомедов менен беттештирүү боюнча үн катты
Океанга чөктүрөм. Хабиб атаандашы Гэтжиге "тап берди"
Жайлоодо мал кайтарып жүргөн киши. Архивдик сүрөт

Ишембиге карата аба ырайы

0
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

0
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды