Өлкөнүн алдыңкы атлеттери спорт журналисттерин куттуктап, ыраазычылык айтты. Видео

122
(жаңыланган 12:55 02.07.2020)
Бүгүн, 2-июлда, Кыргызстанда спорт журналисттеринин кесиптик майрамы белгиленип жатат. Бул күндү утурлай өлкөнүн алдыңкы спортчулары жана машыктыруучулар аларды куттукташты.

Атлеттердин куттуктоосу Жаштар иши, дене тарбия жана спорт агенттигинин YouTube каналына жарыяланды.

Спортчулар журналисттердин ишине ийгилик каалап, алардын ийгилигин элге бөлүшкөндүгү үчүн ыраазычылык айтышкан. 

Ат-Башыдан Бишкекке чейин чуркап, 400 чакырымды багынткан Оболбек. Сүрөттөр

Ошондой эле кабарчыларды Спорт агенттигинин жетекчиси Канат Аманкулов да куттуктап, алардын спорт тармагына кошкон салымын белгилеген.

“Спортук тематика ар убак актуалдуу, көп кырдуу жана кызыктуу болуп кала беришинде сиздердин салымыңыздар чоң. Жараткан эмгегиңиздер кесипкөй спортчуларды шыктандырат жана жаңы чемпиондордун жаралышына өбөлгө түзөт. Кыргызстан калкынын арасында дене тарбия жана спортту популяризациялоого, дени сак жашоо мүнөзүн жайылтууга кошкон жардамыңыздар үчүн ыраазычылык билдирем”, — деген Аманкулов.

Ал журналисттерге чың ден соолук, үй-бүлөлүк бакыт жана чыгармачылык ийгилик каалаган.

Спорт журналисттеринин эл аралык күнү жыл сайын 2-июлда белгиленип келет. 2013-жылы Жаштар иши, дене тарбия жана спорт боюнча мамлекеттик агенттик тарабынан Кыргызстандын спорт журналисттеринин клубу түзүлгөн.

122
Белгилер:
видео, куттуктоо, журналистика, спорт, Кыргызстан
Тема боюнча
Шевченко World MMA Awards премиясына эки категория боюнча көрсөтүлдү
КМШ өлкөлөрүнүн биринчи спорттук турнирин сентябрда өткөрүү пландалууда
Месси карьерасындагы 700-топту киргизди

"Спутник V". Россиялык вакцинага 20 өлкө кызыгууда. Видео

140
(жаңыланган 09:57 13.08.2020)
Владимир Путин дүйнөдө коронавирустун алгачкы вакцинасы катталгандыгын жарыялады. Препарат Россиянын Коргоо министрлиги менен Гамалея атындагы илим-изилдөө борбору тарабынан иштелип чыгып, "Спутник V" деген аталышка ээ болду.

Вакцина каалоочуларга жасалып, сыноодон ийгиликтүү өттү. Тестирлөөнүн катышуучулары белгилегендей, алар вакцина сайдыргандан кийин өздөрүн жакшы сезип, эч кандай терс реакция байкалган эмес.

Медиктердин айтымында, катышуучуларда COVID-19га иммунитет иштелип чыккан жана препараттын коопсуз экендиги тастыкталган. Мындан тышкары, Россиядан чыккан жаңы дарыга дүйнөнүн көп өлкөлөрү кызыгып, азыр тестирлөө мүмкүнчүлүктөрү жана аны башка мамлекеттерде өндүрүү иштери сүйлөшүлүүдө.

Каттоодон өткөн россиялык вакцина жапырт колдонууга качан чыгары айтылды

Россиянын Коргоо министрлиги менен Гамалея атындагы илимий борбордун биргелешкен ишинен тышкары, вакцина чыгаруу менен россиялык дагы эки компания — Новосибирскидеги "Вектор" вирусология жана биотехника мамлекеттик борбору менен Санкт-Петербургдагы вакцина илим-изилдөө институту алектенип жатат.

Россиялыктарды жапырт эмдөө үчүн препараттардын алгачкы партиясы августтун ортосунда пайда болору күтүлүүдө.

140
Белгилер:
Россия, коронавирус, Владимир Путин, вакцина
Тема:
Дүйнөгө жайылган коронавирус
Тема боюнча
Путин COVID-19га каршы россиялык алгачкы вакцина каттоодон өткөнүн кабарлады
Каттоодон өткөн россиялык вакцина жапырт колдонууга качан чыгары айтылды

Бир айдан бери түтөп жатат! Бишкекте карьердеги өрт кантип өчүрүлүүдө. Видео

170
Дээрлик бир айдан бери калаанын түштүк тарабындагы быкшыган карьер өчүрүлбөй жатат. Күйүктүн жыты шаардын түштүк тарабын каптоодо. Sputnik Кыргызстандын кабарчылары жерине барып, шаар бийлиги көйгөйдү кантип чечип жатканын көрүп келди.

Бул көйгөйдү биринчилерден болуп шаар тургундары айтып чыкты. Алардын бири Михаил Дудиндин билдиргенине караганда, сасык жыттан улам айнекти ачып уктоого мүмкүн болбой калган.

"Түн ортосунда киши чыдагыс жыттан улам ойгондум. Ошондон кийин бир нече күн айнектерди ачкан жокпуз. Өрт өчүрүүчүлөр келип, суу чачып кетишет. Бирок бир нече саттан кийин таштанды кайра күйө баштайт", — деди Бишкек тургуну.

Баса, карьер көптөн бери иштетилбей калган. 1990-жылдардын аягында бул жерден топурак алышчу. Кийин, шаардыктардын айтымында, карьерге кайрадан топурак төгүлчү, ал эми өткөн жылдын жайынан бери таштанды ыргытылып жатат. 2020-жылдын жазынан тарта таштандыларды тобу менен алып келип төгө башташкан.

Караңгыдагы алоолонгон жалын. Бишкектеги өрттүн асмандан тартылган видеосу

Отту өчүрүү үчүн кескин чаралар көрүлө баштаганын Октябрь районунун акиминин орун басары Таалайбек Акматбаев айтат.

"Азыр жеринде бульдозер иштеп, таштандыларды көтөрүп жатат. Биз анын алдындагы оттун тутанган жерин табышыбыз керек", — деди ал.

Орун басардын айтымында, жергиликтүү бийлик органдары таштанды ыргыткан адамдарга бир нече жолу айып пул салышкан. Бирок шаардыктар көнгөн адатын токтотушкан эмес.

170
Белгилер:
өрт, таштанды, карьера, Бишкек
Тема боюнча
Бишкектин 11-кичи районундагы быкшыган түтүн токтой элек. Видео
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

0
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

0
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн