Кытай: автобус сууга кирип кетип, 21 окуучу каза тапты. Трагедиянын видеосу

940
(жаңыланган 09:04 08.07.2020)
Ичинде бир топ жүргүнчүсү бар автобус жол боюндагы бетон тосмолорду талкалап өтүп, сууга кирип кеткен.

Кытайдын түштүк-батыш тарабындагы Гуйчжоу провинциясында окуучулар түшкөн автобус суу сактагычка түшүп кеткен. Анын ичиндеги жүргүнчүлөрдөн 21 бала каза таап, 15и жабыркаган. Трагедия кечээ чак түштө болгон.

Кытайда жер оюлуп, эл ташыган автобус түшүп кетти. Жүрөк зыркыраткан видео

Камерага түшүп калган видеодон транспорт жолдон бурулуп келе жатып жээкти көздөй түз өтүп, жол боюндагы бетондорду талкалап, сууга киргенин көрүүгө болот. Учурда тартип коргоочулар кырсыктын себебин изилдеп жатат.

940
Белгилер:
суу сактагычы, окуучу, жол кырсык, Кытай
Тема боюнча
Эки киши өрттөнүп кетти. Ысык-Көлдөгү үрөй учурган кырсыктын видеосу
Бишкектин чок ортосунда кичи автобус оодарылып кетти. Видео

Финпол "Бишкек" эркин экономикалык аймагынан мыйзамсыз майнинг-ферма тапты. Видео

165
(жаңыланган 15:11 07.08.2020)
"Бишкек" эркин экономикалык аймагында мыйзамсыз иштеп жүргөн майнинг-ферма аныкталды. Бул тууралуу Экономикалык кылмыштарга каршы күрөшүү мамлекеттик кызматынан кабарлашты.

Ага ылайык, 6-августта Финполдун кызматкерлери тергөө сотунун буйругуна ылайык, криптовалюта чыгарат деп жабдылган ферманын кампасын тинтишкен.

"Имараттын ичинде электр энергиясы жана интернет түйүндөрүнө туташтырылып иштеп жаткан майнинг-системалар табылган", — деп айтылат маалыматта.

Азыркы тапта Финполдун кызматкерлери мыйзамсыз ишке катыштыгы бар делген ишкана жетекчилерин жана аткаминерлердин тобун аныктап жатканы кошумчаланды.

165
Белгилер:
тинтүү, майнинг, текшерүү, Бишкек
Тема боюнча
Кыргызстанда эң коррупциялашкан мамлекеттик беш орган аталды. Рейтинг

Оор эмес кылмыш жасаган кыргызстандыктар кандай түзөтүлөт. Видео

96
(жаңыланган 12:59 07.08.2020)
Сот бул жаранды 280 сааттык коомдук жумушка тартты. Ал бөтөн адамдын аймагына кирген деп соттолгон. Өкүм угузулгандан кийин соттолгон адамды Бишкек шаарындагы Урология борборуна иштөөгө бөлдү.

Өткөн жылы Кыргызстанда Пробация борбору иштеп баштаган. Уюмдун милдети оор эмес кылмыш жасаган адамдарды түзөтүү болуп саналат. Пробация абакка кесүү эмес, гумандуу жаза колдонууну жактайт.

Юстиция министрлигинин Бишкек, Чүй, Талас облустары боюнча Аймактар аралык башкармалыгынын башкы адиси Айбек Бердалиев жумуш кандайча уюштурулганын айтып берди.

"Пробация кызматынын жумуш системасын соттун чечими менен 280 сааттык коомдук жумушка тартылган адамдын мисалында талдап көрөлү. Соттолгон жаран бөтөн адамдын аймагына уруксатсыз өткөнү үчүн жазага тартылган. Ал үй-бүлөсү менен катаал турмуш-шартка байланыштуу бирөөнүн үйүндө жашаган. Сот айыпталуучуга карата түзөтүү жумушунда иштөөгө өкүм чыгарган. Биздин ишибиз — соттолгон адамга жумуш табуу жана анын сот белгилеген мөөнөтү бүткөнчө ар дайым көзөмөлдөп туруу", — дейт адис.

Романов: пробация органдары эми ыктыярчылар менен иштешет

Соттолуучу Урология борборуна жумушка бекитилди. Пандемия башталганда оорукана COVID жуккандарды дарылоо үчүн ылайыкташтырылып кайра жабдылган.

Соттолгон адам жана башка жумушчулар жасалма дем алдырууда (ИВЛ) бейтаптарга кычкылтек жеткирилишин камсыз кылууга жооптуу.

"Жумуш чынында жеңил эмес, бир баллондун салмагы 90 килограмм чыгат, аны ар бир 20-30 мүнөт ичинде алмаштырып туруу зарыл. Биз көзөмөлдөгөн жаран башка жумушчулар менен кошо бул иш менен сутка бою алек болот. Жумуш маанилүү, анткени кычкылтеги бар баллон атайын аппаратка туташтырылып, андан ары кычкылтек түтүк аркылуу борбордун жандандыруу бөлүмүнө барат. Ал жерде жасалма дем алдыруу аппаратына туташтырылган бейтаптар дем алышат", — дейт Бердалиев соттолгон адамдын иши тууралуу айтып берип жатып.

Январдан июлга чейинки мезгил аралыгында Бишкек жана Чүй облусунда коомдук жумушка тартылган 71 адам, анын катарында 10 киши түзөтүү боюнча эсепте турган. Анын ичинен баш калаада 20 адам коомдук жумушка, бешөө түзөтүү ишине тартылган.

Пробациянын кардарларына көбүнчө аймактарды тазалоо жумуштары тапшырылат, алар жүк түшүрүүчү жана башка түрдүү жумуштарды жасоочу катары ишке тартылышат.

Молдокул уулу: пробация кардарлары санитардык кызматтарды аткарууда

Жумуш жайын жергиликтүү өз алдынча башкаруу органдары аныктап беришет. Өлкөдө коронавирус эпидемиясы башталгандан бери пробацияга алынган 14 кардар өз ыктыяры менен Улуттук госпиталда санитар, чарба иштериндеги түрдүү жумуштарга, кычкылтек баллондорун көтөрүүгө, ошондой эле 150 дарыгерге 10 күн бою тамак-аш жеткирүү иштерине тартылышты.

Пробация департаменти өткөн жылдын башында түзүлгөн, 1-сентябрдан тарта Жазаларды аткаруу мамлекеттик кызматынын (ЖАМК) карамагынан Юстиция министрлигине өткөн. Пробациянын кардарлары майда жана оор эмес жаза мөөнөтү беш жылдан ашпаган кылмыштарды жасаган жарандар болуп саналат. Мындан сырткары, жаза мөөнөтү бүтө электе шарттуу түрдө боштондукка чыгарылгандар да пробация кызматынын кардары болот.

96
Белгилер:
сот, жаза, пробация, Кыргызстан
Тема боюнча
Романов: аймактарда пробация жыйындарынын жетекчиси — аким
Кырыгзстандын мурдагы президенти Алмазбек Атамбаев. Архив

Атамбаевди кармоо ушул күнү башталган. Былтыркы Кой-Таш окуясын эске салабыз

0
(жаңыланган 20:36 07.08.2020)
Былтыр ушул күнү, 7-августта, мурдагы президент Алмазбек Атамбаевди күч түзүмдөрү кармоо аракетин көргөн. Андагы каршылык көрсөтүүлөр, башаламандыктар жана окуянын өнүгүшү түнгө чейин кыргызстандыктарды кирпик кактырган эмес.

Атамбаев эртеси гана багынып берип, кийин өзү менен кошо бир топ кишиге кылмыш иши козголуп, соттук отурумдар азыркыга чейин уланууда.

Sputnik Кыргызстан маалымат агенттиги 7-8-августтагы Кой-Таш окуясы кандайча башталганынан тарта анын учурдагы жагдайына чейин айтып берүүнү чечти.

Атамбаев эмнеге күч менен кармалган?

Былтыр кримтөбөл Азиз Батукаевдин өлкөдөн мыйзамсыз чыгып кетиши боюнча козголгон иштин алкагында Алмазбек Атамбаев күбө катары үч жолу суракка чакырылган, бирок экс-президент "бийлик алгач укуктук талаага келсин" деп барбай койгон. Кийинчерээк ал адвокаты аркылуу кат түрүндө жооп берүүгө даяр экенин билдирген.

Экс-президент КР Алмазбек Атамбаев около своего дома в селе Кой-Таш, где собираются люди
© Sputnik / Табылды Кадырбеков
Ситуация около дома экс-президента КР Алмазбека Атамбаева в селе Кой-Таш

Ага чейин Жогорку Кеңеш Алмазбек Атамбаевди кол тийбестигинен ажыраткан. Башкы прокурор Өткүрбек Жамшитов парламенттеги депутаттык комиссия койгон алты күнөөнүн бешөө негиздүү экенин ырастап, бул боюнча өзүнүн корутундусун дагы билдирген.

Ошол кезде Атамбаев жашаган Кой-Таш айылындагы үйүндө тарапташтары тарабынан "Элдик штаб" уюштурулган. Ал жерге саясаттагы үзөңгүлөштөрүнүн, партиялаштарынын жана элдин аягы үзүлбөй келген.

7-августтагы ийгиликсиз операция

Атамбаевди кармоону Улуттук коопсуздук мамлекеттик комитетинин атайын даярдыктагы "Альфа" кызматы колго алып, 7-август күнү кечинде ишин баштаган. Бул тууралуу аймактык ЖМКларга саат 19:00-20:00 маалым болгон.

7 августа вечером в селе Кой-Таш спецназ ГКНБ попытался провести операцию по задержанию Атамбаева, но штурм был отбит его сторонниками. 8 августа правоохранители провели повторный штурм, в итоге политик сдался.
© Sputnik / Табылды Кадырбеков
Штурм дома Алмазбека Атамбаева в селе Кой-Таш

Бирок Атамбаев жана анын тарапташтары күч түзүмдөрүнө каршылык көрсөткөн. Мурдагы мамлекет башчынын үйүнүн ичи-тышында ызы-чуу башталган. Сырттагы эл милиция менен кагылышып, таш ыргытып, өрт коюп, тилекке каршы, жаракат алгандар каттала баштаган. Ал Атамбаевдин үйүнүн ичиндеги тарапташтары аскерлерди сабап, кармап алышкан. Мындай көрүнүш түнгө чейин уланган.

Атамбаевдин кайсы мүлкү конфискацияланат. Тизме

Андан соң Атамбаев жана анын депутат тарапташтары бийликке кайрылуу жасап, баскынчылык кадамдарды токтотууга чакырган. Ал күнү мурдагы президентти бийлик кармай алган эмес. Аскерлер эл менен кагылышты күчөтпөө үчүн Кой-Таш айылынан кетишкен.

Саламаттык сактоо министрлигинин 8-август, таңкы саат бешке берген маалымат боюнча, атышуудан 50гө чукул киши жабыркаган. Анын көбүн спецназ менен жай тургундар, азыраагын милиция кызматкерлери түзгөн. УКМК жоокерлери желим ок колдонгонун, чыныгы октор Атамбаевдин тарапташтары тарабынан атылган дешкен. Кийин жалпысынан Кой-Таш окуясынан 100дөн ашуун киши жабыр тартканы маалым болгон.

Бир спецназ аскери каза таап, милиция башчысы катуу жабыркаган

8-августка караган түнкү саат бирлерге чукул Бишкек шаардык травматология жана ортопедия илим изилдөө борборунан бир жоокер үзүлгөнү белгилүү болгон. Көкүрөк тушка ок жеген аскер "Альфа" командиринин орун басары Үсөнбек Ниязбеков экендиги белгилүү болгон... Артында төрт баласы калды, президент жакындарына "Эрдик" медалын тапшырган. Быйыл Башкы прокуратура спецназдын жоокери Атамбаевге таандык куралдан өлгөнүн айтты.

Пострадавший после штурма дома бывшего президента Алмазбека Атамбаева показывает гильзу в селе Кой-Таш
© Sputnik / Табылды Кадырбеков
Штурм дома Алмазбека Атамбаева в селе Кой-Таш

Ал эми Чүй облустук милициянын жетекчиси Самат Курманкулов башынан оор жаракат алып, жандандыруу бөлүмүндө бир нече күн жаткан. Андан кийин узак убакыт бою Москвада дарыланып, бир нече ирет операция болгон. Ушул жылы апрелде Бишкекке келген, азыркыга чейин жумушка чыга элек.Ага дагы "Эрдик" медалы ыйгарылган.

Экс-премьер-министр Феликс Кулов УКМКнын Атамбаевди кармоо боюнча операцияга шалаакы, мажирөө аракет деп баа берип, тиешелүү тараптар жооп бериши керектигин айткан.

Жээнбеков эмгек өргүүсүн токтотуп, жыйын курган

Жээнбеков 7-август түндө Ысык-Көл облусундагы кыска мөөнөттүү эмгек өргүүсүн токтотуп, Бишкек шаарына келген. Эртеси, 8-августта Коопсуздук кеңешинин жыйынын өткөрүп, бир катар кызматтарга тиешелүү тапшырмаларды берген. Ошондой эле Атамбаевдин кадамдарын катуу сындаган.

Ал эми Жогорку Кеңештин депутаттары кезексиз сессияга чогулуп, ага Жээнбеков дагы катышкан.

Атамбаев оңой менен багынган эмес

Эртеси, 8-августта, абал тынч деп бааланган. Бирок Атамбаев тарапташтары үй жагынан тарабай, кайра чогула баштаган. Бул убакта жүздөгөн милиция тартылып, Кой-Ташка өтө турчу жолдорду бууган. Кечке жуук эл менен милиция кайрадан кагылышкан. Укук коргоо органдары көздөн жаш агызуучу газды жана катуу үн чыгаруучу граната колдонушса, Атамбаевдин тарапташтары аларга таш жана бензин куюлган бөтөлкөлөрдү ыргыткан.

Сотрудники правоохранительных органов в селе Кой-Таш во время спецопрации по задержанию бывшего президента КР Алмазбека Атамбаева
© Sputnik / Табылды Кадырбеков
Штурм дома Алмазбека Атамбаева в селе Кой-Таш

Ошондой эле Кой-Ташта интернет начар иштеп, байланыштар азайган. Мындан улам ал жактагы окуядан кабар алууда дагы кыйынчылыктар жаралган.

Алмазбек Атамбаев пневмониядан айыгып кайра абакка которулду

8-августта кечки жетилерде ИИМ кызматкерлеринин Алмазбек Атамбаевди Кой-Таштагы үйүнөн кармап кетишкени белгилүү болгон. Интернетке тараган видеодо аны багынып берүүгө ошол кездеги ИИМ министринин орун басары Курсан Асанов көндүргөн. Ал мурдагы мамлекет башчыга жана тарапташтарына күч колдонбой турганын айтып, тынчтык жолу менен алып чыгып кеткен. Бирок 13-августта Курсан Асанов "кыргыз милициясына чыккынчылык кылды, ишенимден кетти" деген негиз менен кызматтан бошотулуп, кылмыш иши козголгон. Азыр үй камагында.

Атамбаевди алгач ИИМдин Башкы тергөө башкармалыгына алып келишип, андан кийин УКМКга өткөрүп беришкен.

Ошол күнү кечинде "Ала-Тоо" аянтында Атамбаевдин жүздөн ашуун тарапташы чогулуп, аларды милиция таркатуу үчүн түн бир оокумга чейин жүргөн.

Сторонники экс-президента Киргизии Алмазбека Атамбаева во время столкновений с милицией на площади Ала-Тоо в Бишкеке.
© Sputnik / Табылды Кадырбеков
Сторонники А. Атамбаева перекрыли площадь Ала-Тоо в Бишкеке

Тарапташтары биринин аркасынан экинчиси кармалып, чакырылган

Кой-Таш окуясынын алкагында "Массалык башаламандыкты уюштуруу", "Бейбаштык", "Адам өлтүрүү", "Адам өлтүрүүгө аракет кылуу", "Бийлик өкүлдөрүнө карата зомбулук", "Туткунга алуу" жана башка беренелер боюнча кылмыш иштери козголгон.

Атамбаевдин артынан эле тарапташы Фарид Ниязов, Алга Кылычев, Амантур Жамгырчиев, Элдик штабдын жетекчиси Кыяз Смаилов камакка алынган. Андан кийин Канат Сагымбаев, Марат Шаменов, Рысбек Карыпбек уулу, Фархат Баабиев, Канат Осмоналиев, Нооруз Капарбек уулу жана башкалар кармалган.

Атамбаевдин сотто костюм-шымчан отурган ирмеми. Сүрөт

Ал эми мурдагы президенттин кеңешчиси Кундуз Жолдубаева, Жогорку Кеңештин депутаттары Ирина Карамушкина, Асел Кодуранова, саясатчылар Равшан Жээнбеков менен Мээрбек Мискенбаев суракка чакырылган. Учурда Кодуранова, Карамушкина жана Жолдубаева үй камагында.

Атамбаевдин азыркы тагдыры

Бир ай мурда Атамбаев Батукаевдин иши боюнча 11 жыл эки айга эркинен ажыратылып, үй мүлкү конфискацияланып, андан сырткары мамлекеттик бардык наамдары менен сыйлыктарынан кол жууду.

Бирок Кой-Таш окуясы боюнча соттук отурумдар уланып жатат. Жалпысынан Атамбаев сегиз эпизод менен шектелүүдө. Өзү баш болгон 14 кишиге расмий түрдө айып тагылган.

Жакында эле ал эки тараптуу пневмонияга кабылып, ооруканадан айыгып чыккан.

0
Белгилер:
кылмыш иши, кармоо, операция, президент, Алмазбек Атамбаев, УКМК, ИИМ, Кой-Таш
Тема:
Атамбаевдин Кой-Таштагы үйүндөгү атайын операция