Россияда COVID-19га каршы вакцина алгандар ооруканадан чыкты. Видео

1656
Коронавируска каршы россиялык вакцинаны сыноого биринчилерден болуп катышкан ыктыярчылар Бурденко атындагы госпиталдан үйүнө чыкты.

Медиктер сайылган вакцина алардын организмине кандай таасир берерин 28 күн бою байкап турушту. Вакцина коопсузбу, органдарга зыяны жокпу деген нерселерди көзөмөлгө алышты. Ооруканадан чыгар алдында бардык ыктыярчылардан кандын анализин алганда организм ооруга туруштук берген антителолорду иштеп чыга баштагандыгы жана ооруга каршы иммунитет пайда болгондугун көрсөттү.

Анткен менен адистер инфекцияны жеңдик деп кубанууга али эрте экендигин, препарат өзүнүн натыйжалуулугун көрсөтүшү керектигин айтышты. Келерки этапта окумуштуулар эмдөө алган адамдарда пайда болгон иммунитет канчага чыдаарын текшеришет.

Россия COVID-19га каршы дары жана тесттерди дүйнөлүк рынокко алып чыгууга даяр

Аны менен катар эле препаратты өндүрүүнү баштоо маселеси да курч турат. Адистердин айтымында, вакцинаны чыгаруу Саламаттык сактоо министрлиги жактыргандан кийин бир нече айдан соң гана барып башталат.

Бурденко атындагы Аскер госпиталынын терапия бөлүмүнүн жетекчиси Светлана Волчихина төмөнкүлөрдү айтып берди.

"Эки топтон турган ыктыярчылардын бир тайпасы биринчи компонентти, дагы башка тобу экинчи компонентти алган. Кечээ, 28 күндөн кийин, алар чыкты. Бактылуу жана көңүлү ток болуп үйлөрүнө кайтты. Иммунитети бар, антителолор иштелип чыгууда, эми алар коронавирустан алыс болушат, себеби коргонушту", — деген ал.

Келишим менен кызмат өтөгөн Юрий аттуу ыктыярчы оюн төмөнкүчө билдирди.

"Эми коркунучтуу эмес, толук 100 пайыз коопсузбуз. Мындан кийин коркпой чыга берсек болот", — деген ал.

Россия коронавируска каршы дагы бир дары чыгарды. Мүнөздөмөсү

Сеченов атындагы Дарыларды клиникалык жактан изилдөө борборунун жетекчиси Елена Смолярчук мындай дейт:

"Вакцина өз алдынча жалгыз турганда кооптуу болушу мүмкүн деген нерселер айтылып келет. Ал эми биз вакцина сайгандар татынакай эле жашап жатпайбы, эч жамандыкка кабылган жок. Азыр эл негизги — вакцина коопсуз экендигин укса дейм", — деди Смолярчук.

Дагы бир ыктырячы Наталья Агеева кандай болгонун айтып берди.

"Чынын айтканда, мага чын эле вакцина салдыңарбы деп сурадым. Себеби болор-болбос ооруткандан башка эч нерсе байкаган жокмун. Башка органдарыма терс таасирин тийгизгени сезилбей, ал тургай дене табым да көтөрүлгөн жок. Вакцинаны 18-июнда эртең менен сайгандан бери өзүмдү жакшы эле сезип келе жатам", — деди ыктыярчы.

COVID: авифавирди амбулатордук түрдө колдонууга уруксат суралууда

Смолярчук эгерде вакцинанын майнаптуу болгону далилденсе, башкаларга, элге да сайылышы үчүн чыгарыла баштаарын айтты. Эми пайда болгон иммунитеттин канчага чыдай турганын аныктоо милдети турат. Бул келерки 30 ыктыярчы кошулгандан кийин башталат.

Сеченов университетинин Салттуу медицина жана биотехнологиялыр институтунун директору Вадим Тарасов кийинки иштерге даярдык кызуу жүрүп жатканын айтты.

"Албетте, министрлик бардык маалыматтарды карап чыгат. Ал эми биз андан аркы сунуштарды жана буйрукту күтөбүз. Дагы бир учур — технологиялык бөлүгү. Ал өндүрүштү киргизүү. Көп сандагы вакцинаны чыгаруу өтө көп мээнет, түйшүктүү эмгекти талап кылган татаал нерсе экендигин түшүнүшүбүз керек. Менин билишимче, бул үчүн түзүлгөн компаниялардын өндүрүш технологиясын машстабдуу кылыш үчүн азыр кызуу иштеп жаткан кези. Буга канча убакыт кетерин билбейм, бул суроо мага эмес. Бирок алар эң жакынкы арада, эң тез дегенде бир нече айдан кийин башталат", — деди Тарасов.

Россиянын коронавируска чыгарган дарылары менен вакцинасына Дүйнөлүк саламаттык сактоо уюму кызыгып жатканы буга чейин маалымдалган.

1656
Белгилер:
Аскер кызматкери, коронавирус, ыктыярчылар, вакцина, Россия
Тема:
Дүйнөгө жайылган коронавирус (1169)
Тема боюнча
ДССУ: дүйнөдө коронавируска каршы 141 вакцина иштелип чыгууда
Новосибирск: окумуштуулар коронавирусту нейтралдаштырган антитело тапты

Димаштын сагынычы... Ырчы пандемиядан кийин кезектеги шедеврин тартуулады. Видео

229
(жаңыланган 21:06 05.12.2020)
Казакстандын дүйнөгө таанымал ырчысы Димаш Кудайберген коронавирус пандемиясынан берки топ жарган ырын жарыкка чыгарды.

"Я скучаю по тебе" аттуу жаңы ырын Москвадагы "Жаңы жылдык көгүлтүр оттун" видео жаздыруусунда аткарган. Анын автору композиторлор Игорь Крутой менен Игорь Николаев.

ЖМКлар Димаш туура тогуз айдан соң сахнага кайтканын жазышты. Анын чыгармасын бир күндө эле 45 миңден ашуун киши укккан.

229
Белгилер:
чыгарма, ыр, Димаш Кудайберген, Казакстан
Тема боюнча
Эркектей болуп ырда! Димаш бала кезинде шылдыңга кабылганын айтып берди

Токтоо тартып, окуяга сүңгүп кирип... Үмөттүн манас айткан видеосу

76
(жаңыланган 19:24 05.12.2020)
Жумурай журтка таанымал жаш манасчы Үмөт Дөөлөтов Sputnik агенттигине Семетейдин Таласка келип Бакайга жолуккан жеринен үзүндү айтып берди.

Үмөт бул өнөр менен эл алдына 3,5 жашында чыгып, Кыргызстандагы эң кенже манасчы атка конгон. Айрым илимпоздор аны 7 жашында кичинекей гений деп аташкан. Ал эми 9 жашында "Маданияттын мыкты кызматкери" төш белгиси тапшырылган.

Ал редакцияга берген маегинде акыркы кезде эмне менен алектенип жүргөнүн, жаштардай интернетке көп кирбей турганын, режиссёр болсо Саякбай манасчы тууралуу тасма тартарын айтып, кичирээк чакта эсте калган учурлары жөнүндө кеп кылды. Кененирээк Sputnik даярдаган интервьюдан окуй аласыз

76
Белгилер:
Талас, Семетей, өнөр, манасчы, Манас, Үмөт Болот уулу
Тема боюнча
Саякбай манасчы жандай көргөн "Карачологу" менен. Таберик сүрөт
Табият кырсыгынан тарта манасчы Дөөлөт жана дрондор шоусуна чейин. Апта ирмеми
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен