Россиянын Кыргызстандагы элчиси Николай Удовиченко коронавирус пандемиясы учурунда Россия Кыргызстанга 2 миллион доллар суммасында жардам көрсөткөндүгүн белгиледи.
Исмаилова: Россиядан бүгүн келген медиктер аймактарга жөнөтүлүшү мүмкүн
Анын айтымында, бул каражатка медициналык жабдуулар менен дарылар сатып алынган.
"Кыргызстанга медиктердин алып келингени эсепке кирбейт. Бүгүн Россиядан дарыгерлердин экинчи тобу келгендигин белгилей кетейин. Эртең абдан көп дары-дармек жүктөгөн атайын учак келип конот. Бир аз убакыттан кийин республикага дарылар, кычкылтек концентраторлору, өпкөнү жасалма дем алдыруучу аппараттар келет", — деди Удовиченко.
Элчи бул жардамдар бекер жасалып жаткандыгын кошумчалады.
Удовиченко Россиянын берген жардамы өлкөдөгү эпидемиологиялык абалды жакшыртканга жардам берет деген ишенимин билдирди.
Россия Кыргызстанга COVID менен күрөшүүгө кандай жардамдарды көрсөткөнү айтылды
Пандемия башталгандан бери Кыргызстанда коронавирус жуктурган 30 326 учур (пневмония менен кошо) катталган. 16 791 адам сакайып, 1 169 жаран каза болгон.
Коронавируска байланышкан акыркы жана маанилүү маалыматтарды биздин Telegram-каналдан окуңуз.
