Москвада танк биатлону боюнча мелдеш башталды. Видео

237
(жаңыланган 00:07 24.08.2020)
Кыргызстандын экипажы 25-августтан тарта Россия, Казакстан жана Өзбекстан менен бир командада ойнойт. Мелдеш күчтүү команданы аныктап, ошондой эле көрүүчүлөргө заманбап аскер техникасынын мүмкүнчүлүктөрүн көрсөтөт.

Москванын жанындагы Алабино полигонунда "АрМИ-2020" VI армия оюндарынын алкагында танк биатлону башталды. Оюндар 23-августтан 5-сентябрга чейин өтөт.

Тогузунчу ирет өтүп жаткан мелдеш эң кесипкөй танк экипажын аныктап, көрүүчүлөргө заманбап аскер техникасынын мүмкүнчүлүктөрүн көрсөтүп берет.

"AрМИ-2020" турниринин ачылыш күнүндө экинчи дүйнөлүк согуштун мыкты согуштук техникасы деп эсептелген советтик Т-34 танкаларында экипаждарынын жарышы өтөт.

КР аскерлери катышат. Москвада танк биатлону боюнча мелдеш старт алды

Уюштуруучулардын айтымында, 19 мамлекеттин аскер бөлүктөрү, анын ичинде Кыргызстан, Беларусь, Казакстан, Кытай жана башкалар танк биатлонуна катыша турганын тастыкташкан.

Быйылкы мелдеште ок атуу тапшырмалары көбөйтүлүп, анын таамайлыгына, ылдамдыгына маани берилери айтылды.

"Жеке жарыш" этабындагы чүчүкулактын жыйынтыгы боюнча биринчи мелдешке Беларусь, Азербайжан, Кытай жана Сербиянын экипаждары катышат. Кыргызстандын экипажы Россия, Казакстан жана Өзбекстан менен биргеликте 25-августта өтө турган экинчи жарышка чыкмакчы.

Россиядагы танк биатлону жылдырылды, бирок кыргыз жоокерлери ага кам көрүүдө

Буга чейин Кыргызстандын Куралдуу күчтөрүнүн Генералдык штабы аскерлер пандемияга карабай эл аралык танк биатлонуна даярдык көрүп жатканын билдирген.

Танк биатлону боюнча АрМИ мелдеши — Россияда жыл сайын өткөрүлүп келген аскердик ири иш-чаралардын бири. Ага ондогон өлкөнүн аскерлери катышат. Былтыр Россиянын, Ирандын жана Армениянын командаларынан барган өз тайпасында Кыргызстан экинчи орунду алган. Кыргызстан бул мелдешке 2013-жылдан бери катышууда.

237
Белгилер:
Аскер, мелдеш, биатлон, танк, Москва
Тема боюнча
"Армата" экспортко чыгат: россиялык жаңы Т-14 танкын биринчи ким алат?

Тоолуу Карабах: Азербайжан менен Армения согушту токтотуп, кепке келеби. Видео

106
(жаңыланган 16:13 29.09.2020)
Тоолуу Карабахта чатак кайрадан ырбады. 27-сентябрда таанылбаган республикада куралдуу кагылышуу башталып кетти.

Тирешкен Армения менен Азербайжан бири-бирин чагымчылдыкка күнөөлөп жатат. Эки жак тең каршылаш тарап кол салып, кайра чабуул жасоого мажбур кылды деген билдирүү таратты. Анын кесепетинен жай жарандар менен аскерлер көз жумду.

ЖККУ Карабахтагы абал боюнча тынчсыздануусун айтты. Башкы катчынын билдирүүсү

Мындай тирешүү Карабахта 1994-жылдан бери кайталана элек болчу. Анда согуштук кагылышуу токтоп, бирок конфронтация уланып келе жаткан. Юридикалык жактан алганда Тоолуу Карабах Азербайжандын жери. Анткен менен 1991-жылы референдумдун негизинде республика өзүн көз карандысыз деп жарыялаган. Бирок анын көз карандысыздыгын дүйнө азыркыга чейин тааный элек. Эзелтен бери Карабахта армяндар көбүрөөк санда жашап келет. Талаштуу аймактагы курчуган азыркы абал тууралуу биздин видеодон көрүңүз.

106
Белгилер:
өлүм, атышуу, согуш, чатак, Армения, Азербайжан, Тоолуу Карабах
Тема боюнча
БУУнун Коопсуздук кеңеши Карабахтагы абалды талкуулай турганы айтылды
ЖККУ Карабахтагы абал боюнча тынчсыздануусун айтты. Башкы катчынын билдирүүсү
Карабах чыры: Түркия Азербайжанга жан үрөсө, РФ эч кимди кийлигишпөөгө чакырды

Жээнбеков менен Путиндин Сочидеги жолугушуусу. Видео

153
(жаңыланган 23:48 28.09.2020)
Өлкө башчылары Сооронбай Жээнбеков жана Владимир Путин Сочи шаарында КР жетекчисинин жумушчу иш сапарынын алкагында жолуккан. 

Жолугушууда Жээнбеков Кыргызстан ар дайым Россиянын чыныгы дос, союздаш, өнөктөш катары колдоосун сезе тургандыгын айткан.

"Муну өзгөчө башыбызга оорчулук түшкөн, кыйын учурда сездик. Сиздерден улам өлкөдөгү эпидемиялык абалды турукташтырдык жана Россияда иштеп, жашап жаткан биздин атуулдарга көмөк көрсөтүлдү", — деди КР президенти.

Жээнбеков Путинди дүйнөдө алгачкылардан болуп россиялык вакцинанын каттоодон өтүшү менен куттуктаган.

"Коронавирус илдетине каршы россиялык вакцина жакынкы аралыкта Кыргызстанда дагы жеткиликтүү болот деп үмүт артам", — деп билдирген Жээнбеков.

Путин менен жолуккан Жээнбеков: россиялык вакцина КРге жетет деп үмүттөнөм

Мындан сырткары, Өнүктүрүү жана турукташтыруу боюнча Евразиялык фонддун Кыргызстандын экономикасын колдоо үчүн рекорддук насыяны — 100 миллион доллар бөлүп бергенине да ыраазычылыгын айтты.

Путин Россия эч качан башка өлкөлөрдүн ички саясатына кийлигишпей турганын, ошол эле учурда кырдаалды турукташтырууга жасалган аракеттерди дайыма колдой турганын айткан.

"Биз ар дайым өлкөдөгү абалды турукташтырууга аракет жасаган бийликти колдоп келебиз. Кыргызстанга дагы ошондой мамиле болот. Экономикалык жактан дагы колдойбуз", — деди ал.

Жолугушууда Жээнбеков Кыргызстанда кыргыз-орус мамилелерине доо кетирүүнү көздөгөн күчтөр бар экенин билдирди. Ошондой эле эки өлкөнүн кылымдар далилдеген достук мамилесин баалай турганын кошумчалаган.

153
Белгилер:
ыраазычылык, жардам, жолугушуу, Владимир Путин, Сооронбай Жээнбеков, Россия, Кыргызстан
Тема боюнча
Россия Кыргызстанга коронавируска каршы вакцина жөнөтүүнү көздөп жатат
Ресторан. Архив

Пандемиянын мейманкана, ресторан ишине тийгизген кесепети. Сандар

0
(жаңыланган 20:26 29.09.2020)
Министрлик жалпы кызмат көрсөтүүнүн ичинен ишмердүүлүгү төмөндөп кеткен тармактарды атап, сандарды келтирди. Анткен менен августтун жыйынтыгы башкача болду.

БИШКЕК, 29-сен. — Sputnik. Жыл башынан бери мейманканалар менен ресторандардын ишмердүүлүгү 45,4 пайызга төмөндөдү. Бул туурасында Экономика министрлигинин маалыматында айтылат.

"Пандемия мезгилинде тейлөө тармагы абдан көп жабыр тартты. 2020-жылдын январь-август айларында тейлөө тармагынын дүң чыгарылышы 254,7 млрд. сом көлөмүндө болгон, ошол эле учурда өсүүнүн реалдуу темпи 90,2 пайызды түзгөн"
— деп билдиришти аталган министрликтен.

Министрлик аны менен кошо эле жалпы кызмат көрсөтүүнүн ичинен ишмердүүлүгү төмөндөп кеткен башка тармактарды да келтирген.

Былтыркы ушул жылга салыштырмалуу автоунааларды жана мотоциклдерди оңдоонун азайышы негизинен дүң көлөмдүн (19,4 пайызга), чекене сооданын (16,2 пайызга) төмөндөшү менен шартталган. Анткен менен өткөн айларга салыштырганда августта дүң – чекене соода секторунда 0,3 пайызга өсүш байкалган.

Кыргызстанда жыл сайын жүздөгөн ресторан, тойканалар ачылат

Отчеттук мезгил аралыгында транспорттук кызмат көрсөтүүлөр 19 млрд. сомду түзүп, өсүүнүн реалдуу темпи 39,1 пайызга ылдыйлаган. Транспорттук кызмат көрсөтүүлөрдүн төмөндөшү авиа каттамдар менен автоунаа менен ташуулардын өлкө ичинде да, башка өлкөлөргө да ташуулардын төмөндөшү менен шартталган. Жалпысынан алганда I кварталдын аягынан тарта ай сайын өтө төмөндөөлөр болуп, кээде айына 6 пайызга түшкөн мезгилдер болгон. Августтун жыйынтыгы менен ушул сектордун көрсөткүчтөрү ушул жылдын июль айынын деңгээлинде калууда.

"Демек, бул аталган сектордо төмөндөө азайып, калыбына келүү фазасына өтүп жаткандыгын көрсөтүп турат", - деп айтылган маалыматта.

Кыргыз өкмөтү COVID кесепетинен канча карыз алып, кайда жумшап жаткандыгын экономикалык бяндамадан окуй аласыз.

0
Белгилер:
экономика, кызмат көрсөтүү, коронавирус, Кыргызстан
Тема боюнча
Кафе-ресторандарда 100 кишиге чейин отурууга уруксат берилиши мүмкүн