Артыкчылыгы арбын. Россия чыгара баштачу электромобиль тууралуу видео

810
Автоунааны россиялык компания жасап чыкты. Азырынча базалык жана люкс класстагы эки комплектацияда чыгарылмакчы. Арзандыгы, батареясынын көпкө жеткени жана тез кубатталганы менен өзгөчөлөнөт.

Zetta — толугу менен Россияда өндүрүлгөн алгачкы электромобиль. Ал алты жыл жасалып, сыноодон өткөндөн кийин гана элге сунушталганы турат. Өзү сыяктуу машиналардын арасында өтө арзан деп эсептелет.

"Толугу менен өзүбүз иштеп чыктык. Бардык тетиктери бизде жасалган. Электроникалык түзүмү толугу менен борборлоштурулган компьютерге кошулду", — деди Zetta компаниясынын башкы директору Денис Щуровский.

Казакстан автобус чыгарып, Кыргызстанга экспорттоону пландап жатат

Россияда жасалган электрокар, Щуровскийдин айтымында, атаандаштарынан бир топ өзгөчөлөнүп турат. Мисалы, люкс класстагы модели энергиялык майнаптуулукту арттырган жаңы технология менен жасалган. Бир эле көлөмдөгү батарея менен Zetta автоунаалары атаандашына караганда 55 пайызга узагыраак аралыкты басып өтөт.

Базалык моделинин баасы — 550 000 рубль, бул 7 500 доллардан бир аз жогору. Люкс класстагысы 1 миллион рублден арзаныраак, демек 13 700 доллардын тегереги болот.

Бул атаандаштардыкына караганда алда канча арзан. Мисалы, Кытайдын Kandi компаниясы өндүргөн K27 электромобили бардык салыктарды эске алганда 13 миң доллар турат.

Бишкек мэриясы электробустарды жүргүзүү үчүн каражат тапты

Щуровскийдин айтымында, базалык моделинин батареясы 180 чакырымга жетсе, люкс класстагысы бир батарея менен 360 чакырым жүрөт.

Базалык моделдеги автону 220 вольт, тагыраагы, үйдө заряддаса, бир батареянын толушуна алты саат кетет. 380 вольт жана 16 ампер менен заряддоо үчүн үч саат жетиштүү. Ал эми өндүрүш жайларында колдонулчу 380 вольт жана 64 ампер болсо, автоңуз 25 мүнөттүн ичинде жүрүп кетүүгө дайын болот", — деди директор.

Zetta автоунааларына төрт кишиге чейин батат. Ылдамдыгы саатына 110 чакырымга чейин жетет.

Өндүрүүчүлөрдүн айтымында, бул автолорго чет элдик компаниялар дагы кызыгып жатат. Башка мамлекеттерге бул тууралуу маалымат кеңири тарай электигине карабай, заказдардын дээрлик 50 пайызы чет элдиктерден болууда.

Ысык-Көлдө атамекендик ишкана коргонуучу кийим тиге баштады. Сүрөт

"Индияда чогултуу боюнча келишимге кол коюлду. Ошондой эле Германия, Швейцария, Испания жана Парагвай мамлекеттери тараптан кызыгуу болуп жатат", — деди Щуровский.

Россиянын өндүрүш жана соода министри Денис Мантуровдун айтымында, массалык өндүрүү автону каттоодон өткөрүү процесси аяктаары менен, тагыраагы, 2020-жылдын аягында башталат.

810
Белгилер:
экспорт, экономика, өндүрүш, электромобиль, Россия
Тема боюнча
Өкмөт бизнести колдоо үчүн насыя берүүнү улантууда. Шарты

Индия: премьердин туулган күнүндө 100 шар жарылып кетип, адамдар жабыркады

139
(жаңыланган 13:00 22.09.2020)
Индияда бир боого байланган 100дөн ашык шар жарылып кетип, 30дай киши жабыркады. Учурда жабырлануучулар ооруканада жатат.

Окуя 17-сентябрь күнү Ченнай шаарында болгонун Times of India агенттиги жазды. Эл көчөдө премьер-министр Нарендра Модинин туулган күнүн белгилеп жаткан. Уюштуруучулар бир боого байланган 100дөй шардын жанында фейерверк аттырып, жыйынтыгында шарлар жарылып кеткен. Видеодон ошол маалда кадимкидей жалын чыгып кеткенин көрүүгө болот.

Кара түтүн менен кызыл жалын каптап... Бейрутта кайрадан өрт чыкты. Видео

Кырсыктан 30дай кишинин ар кайсы жери күйүп, ооруканага кайрылышты. Жергиликтүү бийлик мындай иш-чарага уруксат берилбегенин айтууда.

139
Белгилер:
жабырлануучу, жарылуу, Индия
Тема боюнча
Москвада көп кабаттуу үйдө жарылуу болуп, кыргызстандык жигит ооруканага түштү
Жарылуудан улам бир мамлекет жарыксыз калды. Теракт болгону айтылууда

Грузиядагы "Татыктуу өнөктөш-2020" аяктады. НАТО аскерлери өлкөдө эмне кылды

68
(жаңыланган 10:17 22.09.2020)
Грузияда "Татыктуу өнөктөш-2020" машыгуусу аяктады. Маневрларга катышуу үчүн 3 миңге чукул адам Польша, Франция, Улуу Британия, АКШ жана Грузиянын өзүнөн тартылды.

АКШнын Грузиядагы элчиси өлкөлөр биргелешкен күчтөр менен аскердик даярдыгын жакшыртып жана Кара деңиз аймагындагы коопсуздук абалды колдоо максатын көздөгөндүгүн айтышты. Бирок мындай билдирүүнүн артында эмне жатат? Эмне үчүн НАТО аскерлери окутуу жүргүзүүдө Грузияны тандап алган. Россия бул машыгуулар туурасында кандай ойдо? Суроолорго видеодон жооп алууга болот.

68
Белгилер:
Аскер, машыгуу, Кара деңиз, НАТО, Грузия, АКШ, Россия
Тема боюнча
"Аскердик күчтөр топтолуп...": Норвегияда эмне болуп жатат?
Президент Сооронбай Жээнбеков аэропортто учактан чыгууда. Архивдик сүрөт

Россия өкмөтү: Жээнбековдун Россияга болчу иш сапарына кам көрүп жатабыз

0
(жаңыланган 17:37 22.09.2020)
Бишкекте Кыргызстан менен Россиянын өкмөттөр аралык комиссиясынын соода-экономикалык, илимий-техникалык жана гуманитардык кызматташуу боюнча 22-жыйыны өттү.

БИШКЕК, 22-сен. — Sputnik. Россия өкмөтү Кыргызстандын президенти Сооронбай Жээнбековдун РФке болчу иш сапарына кам көрүүдө. Бул тууралуу Россиянын өкмөт башчысынын орун басары Алексей Оверчук билдирди. 

Сопредседатель комиссии с российской стороны, заместитель председателя правительства РФ Алексей Оверчук на заседании межправительственной комиссии в Бишкеке. 22 сентября 2020 года
© Sputnik / Табылды Кадырбеков
Россиянын өкмөт башчысынын орун басары Алексей Оверчук

Белгилей кетсек, Бишкекте Кыргызстан менен Россиянын өкмөттөр аралык комиссиясынын соода-экономикалык, илимий-техникалык жана гуманитардык кызматташуу боюнча 22-жыйыны өттү.

Оверчук жогорку деңгээлдеги сүйлөшүүлөр эки өлкөнүн ортосундагы кызматташтыкты мындан дагы бекемдей турганына ишенерин айтты.

Жээнбеков быйыл Венгрияга барат. ТИМ Будапештте жолугушууларды өткөрүп келди

Мындан тышкары, Кыргызстандын экономикалык көрсөткүчтөрүнө дагы токтолду.

"Акыркы беш жыл ичинде Кыргызстандын Россияга товар экспорттоосу 4,5 эсеге өстү. Бул Кыргызстандын ЕАЭБге кирүүдөн пайда көрүп жатканынан кабар берет", — деди өкмөт мүчөсү.

Белгилей кетсек, Оверчук бүгүн КР президенти Сооронбай Жээнбеков, премьер-министр Кубатбек Боронов жана вице-премьер Эркин Асрандиев менен кезигип, бир катар маселелерди талкуулады.

0
Белгилер:
кызматташтык, экономика, Кыргызстан, Россия
Тема боюнча
Дүйнө чарчады. Лавров БУУнун Башкы Ассамблеясынын сессиясында сүйлөдү
22 миң рубль. Москва — Бишкек каттамына авиабилеттердин октябрдагы баасы айтылды
КР — РФ эриш-аркак жылын жыйынтыктоону 2021-жылга жылдыруу сунушталды