Быйыл өзгөчө! Бишкекте 1-класска барган бөбөктөрдүн видеосу

144
(жаңыланган 13:36 01.09.2020)
Sputnik Кыргызстан агенттиги Бишкекте алгачкы ирет мектеп босогосун аттаган балдарды видеого тартты.

Өлкөдө жаңы окуу жылы башталды. Бирок эпидемиологиялык кырдаалдан улам салттуу режимде 1-класстын балдары гана окумай болушту. Калгандары азырынча окуусун аралыктан башташат.

Билим күнү Кыргызстан боюнча жалпы 156 миң бөбөк мектеп босогосун аттаган. Бул ирет жылдагыдай салтанаттуу иш-чара болгон жок. Биринчи класстын окуучулары дароо эле окуу бөлмөлөргө кирип, аларга "Менин сүйүктүү Кыргызстаным" сабагы өтүлдү. Башкаларына класстык сааттар онлайн форматта болду.

1-класстын окуучусунун сумкасы канча килограмм болушу керек. Адистердин сунушу

Мугалимдер балдардын ортолорун 1,5-2 метр аралыкты сактап отургузушкан. Бул жылы бирдей мектеп формасын кийүү талабы да алып салынды. Бирок 1-класстын балдары мектепке ак кофта (көйнөк), кара шым, юбка менен барышы зарыл.

1-класстын окуучуларына бардык сабактар кирет. Анын ичинде дене тарбия, музыка, сүрөт сабактары дагы бар. Айрымдары ачык асман алдында өтүлө турганы маалым болду.

Күн сайын мектепке кирердин алдында балдардын дене табы текшерилет. Айрым аймактарда медиктер аз болгондуктан, бөбөктөрдүн дене табын башка педагогдор текшерет. Класстар танапис сайын желдетилип турат. Ошондой эле адаттагыдай ысык тамак берилет.

144
Белгилер:
видео, окуу жылы, мектеп, 1-класс, Бишкек, Кыргызстан
Тема боюнча
Күндө окушат! 1-класска барчу балдардын ата-энелери үчүн 10 суроого жооп

Тоолуу Карабах: Азербайжан менен Армения согушту токтотуп, кепке келеби. Видео

207
(жаңыланган 16:13 29.09.2020)
Тоолуу Карабахта чатак кайрадан ырбады. 27-сентябрда таанылбаган республикада куралдуу кагылышуу башталып кетти.

Тирешкен Армения менен Азербайжан бири-бирин чагымчылдыкка күнөөлөп жатат. Эки жак тең каршылаш тарап кол салып, кайра чабуул жасоого мажбур кылды деген билдирүү таратты. Анын кесепетинен жай жарандар менен аскерлер көз жумду.

ЖККУ Карабахтагы абал боюнча тынчсыздануусун айтты. Башкы катчынын билдирүүсү

Мындай тирешүү Карабахта 1994-жылдан бери кайталана элек болчу. Анда согуштук кагылышуу токтоп, бирок конфронтация уланып келе жаткан. Юридикалык жактан алганда Тоолуу Карабах Азербайжандын жери. Анткен менен 1991-жылы референдумдун негизинде республика өзүн көз карандысыз деп жарыялаган. Бирок анын көз карандысыздыгын дүйнө азыркыга чейин тааный элек. Эзелтен бери Карабахта армяндар көбүрөөк санда жашап келет. Талаштуу аймактагы курчуган азыркы абал тууралуу биздин видеодон көрүңүз.

207
Белгилер:
өлүм, атышуу, согуш, чатак, Армения, Азербайжан, Тоолуу Карабах
Тема боюнча
БУУнун Коопсуздук кеңеши Карабахтагы абалды талкуулай турганы айтылды
ЖККУ Карабахтагы абал боюнча тынчсыздануусун айтты. Башкы катчынын билдирүүсү
Карабах чыры: Түркия Азербайжанга жан үрөсө, РФ эч кимди кийлигишпөөгө чакырды

Жээнбеков менен Путиндин Сочидеги жолугушуусу. Видео

172
(жаңыланган 23:48 28.09.2020)
Өлкө башчылары Сооронбай Жээнбеков жана Владимир Путин Сочи шаарында КР жетекчисинин жумушчу иш сапарынын алкагында жолуккан. 

Жолугушууда Жээнбеков Кыргызстан ар дайым Россиянын чыныгы дос, союздаш, өнөктөш катары колдоосун сезе тургандыгын айткан.

"Муну өзгөчө башыбызга оорчулук түшкөн, кыйын учурда сездик. Сиздерден улам өлкөдөгү эпидемиялык абалды турукташтырдык жана Россияда иштеп, жашап жаткан биздин атуулдарга көмөк көрсөтүлдү", — деди КР президенти.

Жээнбеков Путинди дүйнөдө алгачкылардан болуп россиялык вакцинанын каттоодон өтүшү менен куттуктаган.

"Коронавирус илдетине каршы россиялык вакцина жакынкы аралыкта Кыргызстанда дагы жеткиликтүү болот деп үмүт артам", — деп билдирген Жээнбеков.

Путин менен жолуккан Жээнбеков: россиялык вакцина КРге жетет деп үмүттөнөм

Мындан сырткары, Өнүктүрүү жана турукташтыруу боюнча Евразиялык фонддун Кыргызстандын экономикасын колдоо үчүн рекорддук насыяны — 100 миллион доллар бөлүп бергенине да ыраазычылыгын айтты.

Путин Россия эч качан башка өлкөлөрдүн ички саясатына кийлигишпей турганын, ошол эле учурда кырдаалды турукташтырууга жасалган аракеттерди дайыма колдой турганын айткан.

"Биз ар дайым өлкөдөгү абалды турукташтырууга аракет жасаган бийликти колдоп келебиз. Кыргызстанга дагы ошондой мамиле болот. Экономикалык жактан дагы колдойбуз", — деди ал.

Жолугушууда Жээнбеков Кыргызстанда кыргыз-орус мамилелерине доо кетирүүнү көздөгөн күчтөр бар экенин билдирди. Ошондой эле эки өлкөнүн кылымдар далилдеген достук мамилесин баалай турганын кошумчалаган.

172
Белгилер:
ыраазычылык, жардам, жолугушуу, Владимир Путин, Сооронбай Жээнбеков, Россия, Кыргызстан
Тема боюнча
Россия Кыргызстанга коронавируска каршы вакцина жөнөтүүнү көздөп жатат
Модель көргөзмө учурунда. Архив

60 жаштагы модель жаштык сырлары менен бөлүштү

0
(жаңыланган 09:03 30.09.2020)
Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн билдирген. Ошондон бери ал өзүн модель катары көрсөтүп келет.

БИШКЕК, 30-сен. — Sputnik. 60 жаштагы англиялык ишкер аял, интерьер дизайнери жана модель Шери Дэвенпорт Daily Mail агенттигине жаштык сырлары менен бөлүшкөн. Бул тууралуу РИА Новости кабарлады.

Маалым болгондой, Шери этек кири биротоло токтогондон кийин тамактануу рационун өзгөртүп, тамак-аш кошулмаларын колдоно баштаган. Ошондой эле дене тарбия көнүгүүлөрүн жасоону таштаган эмес.

"Азыр өзүмдү 50 жаштагыдан да жакшы сезем. Мен гормон алмаштыруу терапиясынан баш тартып, анын жөнөкөй жолун таптым. Тагыраагы, өсүмдүк экстрактынан жасалган дарыларды колдоно баштадым. Мындан сырткары, кофеин, ичимдик, кумшекерди рациондон чийип салгам. Кызыл эт, тоок этин да жебейм, балыкты гана пайдаланам. Косметологго барып, сапаттуу гана косметикаларды колдоном. Сөөк, муундар бекемдесин деп тамак-аш кошулмаларын алам. Ар таңда медитация жасап, андан кийин спорт менен машыгам. Сальса дагы бийлейм", — деген ал.

Шери 40 жыл интерьер дизайнери болуп иштегенин айтып, эки жыл мурда модель агенттигинен сунуш түшкөнүн кошумчалаган. Ошондон бери ал өзүн модель катары көрсөтүп келет.

Ишкер аялдын учурда башы бош. Ал бир баланын апасы, эки неберенин чоң энеси. Уулу 39 жашта.

0
Белгилер:
дизайнер, сыр, сулуулук, жаштык, модель, Англия
Тема боюнча
Жаштык жана сулуулукту көпкө сактоочу азык айтылды