Күмөн жараткан жаңы оорукананын курулушу эмнеге кечигүүдө. Видеорепортаж

819
(жаңыланган 18:29 09.09.2020)
Өкмөт Бишкекте жугуштуу илдеттер ооруканасы бир айда курулуп бүтөрүн маалымдаган. Башкача айтканда, 25-августта курулушу аяктамак. Ага долбоор боюнча 62,5 миллион сом эсептелген, бирок бул каражат дагы жетпей турганы айтылды.

Жаңы оорукана тез курулуучу конструкциялар менен салынууда. Себеби коронавирустун экинчи толкунуна даярдык көрүү үчүн тезирээк бүтүшү керек. 100 бейтапка ылайыкташкан бир кабаттуу имаратта 30 орун жандандыруу бөлүмү болот. Бир палатага эки-үч керебет коюлуп, бейтаптар үчүн да, медиктер үчүн да толук шарттар түзүлөрү убадаланды.

Кыргызстанда курулуп жаткан 14 ооруканага 206,5 млн. сом сарпталат

Премьер-министр Кубатбек Боронов оорукананы бир айда, 25-августка чейин бүткөрүү талабын койгон. Бирок 29-августта Мамлекеттик курулуш агенттигинин Турак жай-жарандык курулуш департаментинин директору Адилет Абдыкадыров сентябрдын ортосунда бүтөрүн айткан. Деген менен бүгүн, 9-сентябрда, Sputnik Кыргызстандын кабарчысы барып имараттын 70 пайызы гана курулганына күбө болду. 

Этап строительства нового корпуса инфекционной больницы (из легких конструкций) в Бишкеке
© Sputnik / Акылбек Батырбеков
Жаңы оорукана тез курулуучу конструкциялар менен салынууда. 100 бейтапка ылайыкташкан бир кабаттуу имаратта 30 орун жандандыруу бөлүмү болот

Ошол эле Абдыкадыров бүгүн берген маегинде мөөнөтү дагы жыла турганын билдирди.

"Биздин нормативдик мөөнөт өзү эки ай болгон. Бирок өкмөт тарабынан бизге коронавирустун экинчи толкунуна даярдык көрүү үчүн эртерээк бүткөрүү тапшырмасы коюлган. Бул оорукана эксперимент катары алгачкы ирет курулуп жаткандыктан иш жүзүнө келгенде долбоордон сырткаркы жумуштар чыгып калууда. Ошондой эле сапатын көбүрөөк карап жатабыз. Буюрса, сентябрдын аягында бүтүп тапшырабыз", — деди Абдыкадыров.

Августта 1 120 балага COVID жуккан. Бейтаптарды кабыл алчу ооруканалардын тизмеси

Департамент директорунун айтымында, долбоор боюнча оорукананы курууга 62,5 миллион сом керектелери эсептелген. Бирок иш жүзүндө бул сумма жетпей турганы айкын болду. 

Этап строительства нового корпуса инфекционной больницы (из легких конструкций) в Бишкеке
© Sputnik / Акылбек Батырбеков
Учурда имараттын 70 пайызы бүтүп калды. Чатыры жабылып, абаны тазалап туруучу система, суу, электр кубаты киргизилип, канализацияга туташтырылууда
"Учурда имараттын 70 пайызы бүтүп калды. Чатыры жабылып, абаны тазалап туруучу система, суу, электр кубаты киргизилип, канализацияга туташтырылууда. Азырынча 60 миллион сом сарпталды. Белгилей кетсем, бул тез курулуучу конструкциялар менен салынганына карабай сапаттуу болот. 40-50 жылга чейин турат деп кепилдик бере алабыз", — деди Абдыкадыров.

Буга чейин социалдык тармактын колдонуучулары аталган оорукананын сапатынан күмөн санап жана мөөнөтүнөн кечигип жатканын сынга алган. Бул боюнча өкмөт башчы Кубатбек Боронов кечээ брифингде жооп берип, жыйынтыгын күтө турууга чакырды.

Кыргызстанда жаңы ачыла турган ооруканаларга 243 млн сомдук жабдуу керектелет

Белгилей кетсек, июль айында өлкөдө эпидемиологиялык кырдаал курчуп, ооруканаларга бейтаптар батпай калган. Ошондон кийин президент башында туруп, жети облуска 14 жугуштуу илдеттер ооруканасын куруу иштери башталган

Этап строительства нового корпуса инфекционной больницы (из легких конструкций) в Бишкеке
© Sputnik / Акылбек Батырбеков
Июль айында өлкөдө эпидемиологиялык кырдаал курчуп, ооруканаларга бейтаптар батпай калган. Ошондон кийин президент башында туруп, жети облуска 14 жугуштуу илдеттер ооруканасын куруу иштери башталган

Ага ылайык, Бишкек, Ош жана Нарын шаарларында тез курулуучу үч инфекциялык оорукананы тургузуу жана тогуз объектини капиталдык оңдоо иштери "Региондорду өнүктүрүү боюнча социалдык өнөктөштүк фондунан" каржыланмак. Ага 185,5 миллион сом каралган. Ал эми Жалал-Абад облустук ооруканасы жана Ош облусунун Кара-Суу районуна караштуу Чайчы айылындагы оорукана курууга республикалык бюджеттин эсебинен 21 миллион сом бөлүнөт.

819
Тема:
Коронавируска байланыштуу Кыргызстандагы кырдаал (2243)
Тема боюнча
Өкмөт: ушул жылы 112 имарат бүтсө, анын жарымы мектеп менен оорукана болот
Баткендеги жугуштуу илдеттер ооруканасы оңдолуп бүттү. Сүрөттөр

Кыргыздарга той керекпи? Эң эле талаштуу пикирлердин таймашы

94
Ушул тапта Кыргызстанда ондогон жана жүздөгөн кишилерди чогулткан той-аштарга тыюу салынган. Бирок пандемиядан коркпогондор, жаап-жашырып болсо дагы тойлорду өткөрүүдө.

Эмне себептен той кыргыздар үчүн өтө маанилүү?

Sputnik Кыргызстан ар кайсы аймактын тургундарынын пикирин угуп көрүүнү чечти. Сурамжыланган (20дан ашык киши) адамдардын "макул" жана "каршы" пикирлерин "Кыргыз тою" деп аталган анимациялык чакан долбоорго батырдык.

Ар кандай пикирлер айтылды. Мисалы, айрымдар той кыргыздарды бириктирип, көпчүлүк көйгөйлөрдү чечүүгө жардам берет деп эсептейт. Башкалар дал ушул тойлордун айынан көптөгөн аткаминерлер коррупцияга белчесинен батып жатат деген пикирде. Анткени салтанат болгон жерге башкалардан жакшы кийинип, жакшы машина айдап, көбүрөөк акча алып барышы керек да.

Өкмөт: той, массалык иш-чараларды өткөргөндөргө көзөмөл күчөтүлөт

Пикирлерди эки топко бөлүп, аларды айтып бериш үчүн Максат жана Канышай аттуу каармандарды ойлоп таптык. Максат чыгымдуу тойлорго каршы, ал эми Канышай, тетиринче, элге тойдун кандай баалуулуктары бар экенин айтып берет.

Каармандардын талаш-тартышы менен каада-салтты карманган эч бир адамдын ой-пикир, сезимдерин басмырлагыбыз келбейт. Жөн гана мекендештердин пикирлери ар кандай экенин көрсөтүүнү максат кылдык.

94
Белгилер:
пикир, экономика, каада-салт, той
Тема боюнча
Жашырынып тойлогон "генийлер" жана акылга сыйгыс ушактар. Пандемиядан алган сабак

COVID-19га каршы россиялык вакцина КМШга берилет

94
Россия чет мамлекеттерге иштеп чыккан вакцинасын массалык түрдө жөнөтпөйт. Анын ордуна башка өлкөлөр менен вакцинанын технологиясын бөлүшүүгө даяр. Бул туурасында Гамалея атындагы институттун директору Александр Гинцбург билдирди.

Учурда Россияда дагы эки вакцина сыноодон өтүп жатат. 2020-жылдын 22-сентябрында Россиянын Саламаттык сактоо министрлиги жаңы дарыны клиникалык жактан сыноого уруксат берди. Аны Россиянын илимдер академиясы иштеп чыккан. "Вектор" илимий борбору жасаган дагы бир вакцинаны сыноо аяктап бара жатат. Жакынкы чет өлкөлөр россиялык вакцинаны кантип ала алат жана эмне үчүн Россия өзүнүн иштеп чыккан ыкмасы менен бөлүшүүгө даяр экендигин биздин видеодон көрүңүз.

94
Белгилер:
Технологиялар, вакцина, Дүйнөлүк саламаттыкты сактоо уюму, КМШ, Россия
Тема:
Дүйнөгө жайылган коронавирус
Тема боюнча
Россия Кыргызстанга коронавируска каршы вакцина жөнөтүүнү көздөп жатат
ДССУ COVID-19га каршы чыгарылып жаткан вакциналардын санын айтты
Украинада аскер учагы кулады

Украинада аскер учагы кулады. 23 адамдын өмүрүн алган кырсыктын видеосу

118
(жаңыланган 01:46 26.09.2020)
Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу.

БИШКЕК, 26-сен. — Sputnik. Украинанын Харьков облусунда Ан-26 деп аталган аскер учагы кулады. Андан каза болгондор жана жабыркагандар бар. Бул тууралуу РИА Новости Украинанын аскер-аба күчтөрүнүн маалыматына таянып кабарлады.

Кырсыктын видеосу басылманын Telegram -каналына жарыяланган.

​"25-сентябрь күнү кечинде Харьков облусунда Украинанын аскер-аба күчтөрүнө тиешелүү болгон АН-26 учагы кырсыктады. Учак жерге коноюн деп жатканда кулаган. Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу. Арасында каза болгондор, жабыркагандар бар. Маалымат такталып жатат", — деп айтылат билдирмеде.

Ички иштер министрлиги билдиргендей, учак кырсыгынан 23 адам каза болуп, эки адам оор абалда ооруканага жеткирилген. Акыркы маалыматтар боюнча жеринде куткаруучулар, өрт өчүрүүчүлөр иштөөдө.

Украинанын президенти Владимир Зеленский кырсык болгон жерге чыгып кеткени кабарланды.

118
Белгилер:
өрт, кырсык, учак, Харьков, Украина
Тема боюнча
Бразилияда учак автожолго кулап, талкаланып калды. Видео
14 киши көз жумду. Индияда учак экиге бөлүнүп кетип, кырсыктаган видео