Душман кете элек! Боронов COVID кесепети боюнча элге кайрылды. Видео

173
(жаңыланган 13:09 11.09.2020)
Коронавирустун кесепеттери тууралуу элге маалымат жайылтуу максатында #Сакта #Защити Улуттук маалыматтык өнөктүгү башталды.

COVID-19 пандемиясына каршы күрөшүүдө коомчулуктун биримдиги маанилүү. Бул тууралуу премьер-министр Кубатбек Боронов #Сакта #Защити Улуттук маалыматтык кампаниясынын башталышына байланыштуу жарандарга кайрылуусунда айтылат.

Аталган маалыматтык кампания ден соолукту коргоо чаралары, иммунитетти чыңдоо, коронавирустан кийинки калыбына келтирүү, айрыкча, күз-кыш мезгилинде эпидемиологиялык кырдаалдын начарлашын эске алуу менен калкка маалымдоо боюнча жүргүзүлүп жаткан иштердин уландысы болуп саналат.

"Кыргыз өкмөтүнүн жана өзүмдүн атыман КРдеги Бириккен Улуттар Уюмуна жана эл аралык өнөктөштөргө өкмөттүн демилгелерин колдогондугу жана коронавирустун жайылышын алдын алуу, ошондой эле пандемиянын кесепеттерин ыкчам жоюу боюнча маселелерди чечүүгө көмөктөшкөндүгү үчүн чын жүрөктөн ыраазычылык билдирем. #Сакта #Защити аттуу Улуттук маалыматтык өнөктүктү өткөрүү боюнча сиздердин салымыңыздар мамлекет жана ар бир жаран үчүн маанилүү. Бул кампания мекендештердин өмүрүн сактоого багытталган", — деди Боронов.

Күмөн жараткан жаңы оорукананын курулушу эмнеге кечигүүдө. Видеорепортаж

Ошондой эле ал учурда оорунун көрсөткүчтөрү төмөн болгону менен, бирок вирус дагы деле арабызда жүргөнүн айтып, эпидемиологиялык коопсуздук жөнүндө унутпоо керектигин эскертти.

"Бул кампания COVID-19дун терс таасири, анын ичинде ден соолукту сактоо боюнча фейк жаңылыктарга бөгөт коюп, элге тастыкталган маалыматтарды жеткирүүгө багытталган. Коронавирустун жайылышына каршы күрөшүүдө элдин биримдигин бекемдөө акциянын дагы бир маанилүү максаты болушу керек. Бул өзүнүн жана башкалардын ден соолугуна кам көрүү үчүн жарандык аң-сезимди жана жоопкерчиликти талап кылат. Бул — бет кап тагынуу, аралыкты сактоо, колду бат-бат жуу, илдеттин белгилери байкалса обочолонуу сыяктуу жөнөкөй санитардык ченемдерди сактоо. Жалпы аракет жана тартип менен гана бул ооруну жеңе алабыз", — деп кайрылган Боронов.

Соңунда өкмөт башчы бардык жарандарга бекем ден соолук жана бакубат жашоо каалап өткөн.

173
Белгилер:
маалымат, өкмөт, коронавирус
Тема:
Коронавируска байланыштуу Кыргызстандагы кырдаал (2250)
Тема боюнча
Өкмөт медиктерди окутуп кайра даярдоого катуу киришүүдө
Боронов: COVID-19 боюнча кыйын кырдаалдан үч жумада чыгып кеттик

"Ты супер!" шоусунун төртүнчү сезону. Видео

52
(жаңыланган 02:08 28.09.2020)
"Ты супер!" шоусу — НТВ телеканалы менен Sputnik эл аралык агенттиги жана радиосунун ири долбоору.

Ага КМШнын аймагындагы вокалдык таланты бар балдар катышат. 20-сентябрда музыкалык конкурстун төртүнчү сезону башталган.

52
Белгилер:
вокал, балдар, шоу, НТВ, "Ты – супер" балдар долбоору
Тема боюнча
Кыргызстандык кыз "Ты супер!" шоусунун кийинки туруна өтпөй калды. Видео

Таамай соккусу менен атаандашын нокаутка кетирген боксёрдун видеосу

123
(жаңыланган 20:58 27.09.2020)
Никарагуалык боксёр Мелвин Лопес каршылашы Йейсон Варгасты таймаштын биринчи раундунда эле таамай соккусу менен нокаутка кетирген.

Салгылашуунун видеосу Internacional Boxing YouTube-каналына жарыяланган.

Эки спортчунун кармашы (жеңил салмактагы категория) Американын Майами шаарында өткөн.

Анда Лопес каршылашын биринчи раундда эле нокаутка кетирген. Варгас бир нече саамга чейин эсин жоготуп жатып калган. Бирок рингден өзү туруп чыгып кеткен. Лопестин бул соккусун комментатор "коркунучтуу" деп атап, ал көрүүчүлөр, соцтармак колдонуучуларынын эсинде калган.

​Белгилүү болгондой, Лопес 24 салгылашуунун ичинен 23үндө жеңишке жеткен. Ал эми атаандашы ушуну менен беш жолу катары менен жеңилип жатат.

123
Белгилер:
видео, таймаш, нокаут, бокс
Тема боюнча
Баштабай жатып... UFC мушкери 17 секунданын ичинде эле оңбой калган видео
Медициналык кызматкер иш учурунда

КРде бир нече аптадан бери алгачкы өлүм катталды. COVID боюнча статистика

0
(жаңыланган 11:41 28.09.2020)
Тилекке каршы, бүгүн Кыргызстанда коронавирустан бир өлүм катталды. Ал эми жуктуруп алгандардын көбү мурдагыдай эле Ош жана Баткен олбустарынан болууда.

БИШКЕК, 28-сен. — Sputnik. Кыргызстанда өткөн суткада коронавирустан 166 бейтап айыкса, 104 кишиден вирус табылды. Бул тууралуу Саламаттык сактоо министрлигинен билдиришти.

Айыккандар:

  • Бишкек шаары – 38;
  • Ош шаары– 24;
  • Чүй облусу – 21;
  • Ош облусу – 43;
  • Талас облусу – 4;
  • Нарын облусу – 5;
  • Баткен облусу – 31.

Жуктургандар:

  • Бишкек шаары – 19;
  • Ош шаары – 8;
  • Чүй облусу – 6;
  • Ош облусу – 18;
  • Талас облусу – 1;
  • Нарын облусу – 2;
  • Ысык-Көл облусу – 3;
  • Жалал-Абад облусу – 10;
  • Баткен облусу – 37.

Ушуну менен өлкөдө коронавирус жуктургандардын жалпы саны 46 355ке жетти. Анын ичинен 42 919у ооруну жеңди. Тилекке каршы, өткөн суткада бир адам каза таап, илдеттен көз жумгандардын жалпы саны 1 064тү түздү.

Соңку суткада коронавирустан Ош облусунда бир адам көз жумду

Азыркы учурда стационарда 700 бейтап коронавирустан дарыланып жатса, 1 520 киши медициналык жардамды үйлөрүнөн алууда.

Бир сутка ичинде эки медик коронавирус жуктуруп алган. Ошол эле учурда үч медик ооруну жеңип, үйлөрүнө чыгарылган.

0
Белгилер:
статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
ДССУ: бардык өлкөлөрдүн өкмөттөрү катаал карантин киргизүүгө даяр турушу керек