Салык кызматы Жалал-Абадда лицензиясыз 2 млн. сомдук сыраны тартып алды. Видео

116
Мамлекеттик салык кызматы Жалал-Абад облусунда рейддик салыктык контролдун жүрүшүндө ири партиядагы лицензиясыз алкоголдук продукцияны тартып алышты.

Тактап айтканда, лицензиясы жана тиешелүү документи жок сатуу максатында мыйзамсыз түрдө сакталып турган сыранын кампасы аныкталды. Ар кандай аталыштагы жана идиштеги баасы 2 миллион сомдон ашкан 38 062 бөтөлкө сыра алынды.

Ишкерге карата КР мыйзамдарына ылайык чаралар көрүлгөнү айтылат.

116
Белгилер:
лицензия, сыра, Жалал-Абад, Мамлекеттик салык кызматы
Тема боюнча
Транспорт салыгын кечиктиргендер он күндө 158 млн. сом төлөштү
Кыргызстанга автолорду мыйзамсыз алып кирген схема ачыкталды

Бишкекте унаадан акча, баалуу буюм уурдаганга шектүүлөр кармалды. Видео

119
(жаңыланган 20:55 01.10.2020)
Укук коргоо органдарынын маалыматына ылайык, шектүүлөр токтотулган унааларды аңдып уурулук кылышкан.

Бишкекте токтотулган унаалардын ичинен акча, баалуу буюмдарды уурдап жүргөн топту милиция колго түшүрдү. Бул тууралуу Ички иштер министрлигинин маалымат кызматы билдирди.

Окуяга байланышкан видео ИИМдин расмий YouTube каналына жарыяланган.

26-сентябрда Ленин райондук милициясына К.Г. аттуу жаран кайрылган. Ал ошол күнү саат 18:00дөр чамасында белгисиз бирөөлөр Ахунбаев жана Шота Руставели көчөлөрүнүн кесилишинде турган Toyota Camry унаасынан баалуу буюмдарды жана акчаны уурдап кеткенин айткан.

“Шектүүлөр унаанын капталдагы терезесин талкалап, салондон 700 доллары бар баштык менен 1 500 доллар турган MacBook буюмун уурдап кетишкен”, — деп айтылат билдирүүдө.

Бир ай мурда да ушуга окшогон уурулук кылмышы катталган.

  • 29-августта шектүүлөр Mercedes-Benz CLS унаасынын капталдагы терезесин талкалап, 500 доллар жана 3 000 сом акчасы бар баштыкты алып кетишкен.
  • 29-сентябрда бул кылмыштарды жасаган деп шектелип, "Шумкар" атайын аскеринин жардамы менен төмөнкү жарандар кармалды:
  • 30 жаштагы Б. А., адам өлтүрүү, уурулук жана тоноо кылмышы менен мурда үч жолу соттолгон. Мындан сырткары, ал абактан качканы үчүн издөөдө экени аныкталган;
  • 28 жаштагы М. Э. буга чейин уурулук боюнча эки жолу соттолгон;
  • 27 жаштагы Э. уулу А. буга чейин уурулук боюнча эки жолу соттолгон;
  • 25 жаштагы Ж. Ш. уурулук боюнча мурда эки жолу соттолгон.

Кыз зордуктап, баңгизат үчүн соттолгон. ИИМ элдик кыймылбыз дегендерди кармады

“Кармалгандар жогоруда айтылган эки кылмышка тең катыштыгы бар экени тастыкталды. Кармоо учурунда шектүүлөрдүн баары баңги зат чегип алган абалда болгон. Алардын 5-кичи райондо ижарага алып жашап жаткан батири тинтүүгө алынып, мыйзамсыз баңги заттар сакталганы аныкталды. Үч литрлик банкаларга жана желим бөтөлкөлөргө сакталган кара куурай жыты бар зат табылган. Алардын салмагы 4 килограмм 280 граммды түзөт”, — деп айтылат милициянын билдирүүсүндө.

Кармалгандар ушул сыяктуу дагы башка кылмыштарга тиешеси бар же жок экендиги боюнча иликтөө уланууда.

ИИМдин Криминалдык милиция кызматы кармалгандар боюнча кандайдыр бир маалымат билген же алардан жабыр тарткан жарандарга кайрылып, (0312) 26-62-61 телефон номери аркылуу милицияга билдирип коюуну өтүнөт.

119
Белгилер:
Кыргызстан, Бишкек, тоноо, кылмыш, кармоо
Тема боюнча
Ишкерди карактады деген шектүүнү спецназ кафеден кармады. Бишкектеги видео

Тоолуу Карабах: дүйнө бул чатакка кандай карап, ким отко май чачып жатат. Видео

526
Учурда Тоолуу Карабахта октун үнү жаңырып жаткан кезде дүйнө коомчулугу Азербайжан менен Арменияны кепке келүүгө чакырып жатат. Көз карандысыздыгы таанылбаган өлкөдөгү абалга Бириккен Улуттар Уюму, Европа биримдиги, албетте, анан Россия байкоо салып турат.

Россия президентинин маалымат катчысы Москва "андан аркы кадамдарды аныктап алуу үчүн" окуяга баа берип карап жаткандыгын айтты.

Армения менен Азербайжандын башчылары телеэфирде катуу билдирүү жасашты

Ал арада Түркия Азербайжандын кадамдарын колдой тургандыгын ачык жар салды. Дмитрий Песковдун пикиринде, бул отко май чачкандык. Эл аралык коомчулуктун бул окуя боюнча реакциясын бир видеого топтодук.

526
Белгилер:
чакырык, Түркия, ЕБ, БУУ, Россия, Армения, Азербайжан, Тоолуу Карабах
Тема боюнча
Кыргызстан Азербайжан менен Армениянын жаңжалы боюнча позициясын билдирди
Карабахтагы абалдын курчушу Кавказдагы чырга Россияны аралаштыруу аракетиндей...
БУУнун Коопсуздук кеңеши Карабахтагы эрегиш боюнча билдирүү жасады
Тышкы иштер министри Чыңгыз Айдарбеков

Айдарбеков Улуу жана Кичи Памирдеги кыргыздар боюнча афган кесиптеши менен сүйлөштү

0
Боордошторго байланышкан долбоорлордон тышкары эки аткаминер инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышкан.

БИШКЕК, 1-окт. — Sputnik. Тышкы иштер министри Чыңгыз Айдарбеков афганистандык кесиптеши Мохаммад Ханиф Атмар менен видеобайланыш аркылуу сүйлөшкөнүн ТИМдин маалымат кызматы билдирди.

Сүйлөшүүнүн жүрүшүндө кыргыз-афган мамилелеринин күн тартибинин актуалдуу маселелери, анын ичинде Улуу жана Кичи Памирдеги афган кыргыздарын колдоо боюнча долбоорлор талкууланды. Андан тышкары, тараптар инфратүзүмдүк долбоорлорду жана региондук интеграцияларды мындан ары өнүктүрүүнүн көрүнүштөрү тууралуу пикир алмашышты.

ТИМ: Вандык кыргыздар Түркиядагы Кыргызстандын элчисине ыраазычылык билдирди

Айдарбеков 2020-жылдын сентябрында Доха шаарында башталган элдешүү процессин колдой турганын, ошондой эле Афганистанда тынчтыктын орношу үчүн жана бүтүндөй региондук коопсуздукту бекемдөө максатында ал процесстин ишке ашарына үмүт артарын билдирди.

0
Белгилер:
мамиле, Афганистан, Чыңгыз Айдарбеков, Памир кыргыздары
Тема боюнча
Бутумду кучактап "кыргызга салам айт" деп ыйлаган кандаш. Афганчылардын баяны