Бир метрден гол киргизе албай уят болгон футболчу талоондо калды. Видео

496
Футболчу Астер Вранкс Бельгия чемпионатынын бешинчи турундагы оюнда бир метр аралыктан бош дарбазага гол киргизе албаган окуясы менен талкууга алынды.

Мындай акылга сыйбаган окуя "Мехелен" жана "Остенде" клубдарынын беттешинде болгон. Оюндун 67-мүнөтү жүрүп, эсеп 0:0 болуп турганда талаа ээси болгон команданын оюнчусу Астер Вранск дарбаза мамысынан кайткан топко биринчи болуп жетип, бир метр аралыктан бош дарбазага тебе албай калган. Ал тепкени жатканда жаза басып, топ бутунун астында калып, өзү кулап түшкөн. Ордунан тургуча атаандаштын коргоочусу келип, топту алыс тээп салган.

Россиялык футболчу бош калган дарбазага гол киргизе албай койду. Видео

Бул ката үчүн команда жеңилүү менен жазаланды. Кошумча берилген убакытта остенделиктер гол киргизип, жеңишти илип кетишкен.

Футболчу Астер өзү көңүлүн чөктүрбөстөн, чыйраларын билдирди.

"Мен үчүн аябай өкүнүчтүү окуя болду. Бирок бул үчүн чөгүп кетпейм", — деген Астер Вранкс беттештен кийин.

Ал арада "Мехелендин" күйөрмандары футболчунун бул жоругун кечиримсиз деп белгилешип, соцтармакта талоонго алышкан.

Анда "Бул чегип алып ойногонбу?!", "Балакай, сен футболго жарабайт экенсинң, McDonalds ашканасынын кассасына бар, ал жакта сендейлерди издешет", "мындай жакынкы аралыктан менин чолок чоң апам да киргизмек, бирок ал жок да" деген бирдирүүлөр бар.

Окуя боюнча видеого комментарий калтырган күйөрмандардын көпчүлүгү Вранкстин учурун "жылдын жаза кетирүүсү" деп аташкан.

496
Белгилер:
гол, дарбаза, Бельгия, футбол
Тема боюнча
Англиянын футболчулары мейманканага кыз чакыра коюп, командадан куулду
Жигиттер менен теңтайлашып. Япониялык футболчу кыз эркектер лигасында ойнойт
Секирип келип тепти! Францияда футболчу кыз атаандашын жабыркаткан видео

Гүлжигит Алыкулов "Кайраттын" УЕФА мелдешиндеги голуна жардам берди. Видео

385
Кыргызстандык футболчу Гүлжигит Алыкулов команданын негизги курамында чыгып, беттештин 81-мүнөтүндө алмаштырылды.

Кыргызстандык футболчу Гүлжигит Алыкулов казакстандык "Кайрат" клубунун Европа лигасындагы кезектеги оюнунда голду уюштурууга катышты. Учурдун видеосун казакстандык клуб өзүнүн Facebook баракчасына койду.

Кечээ УЕФАнын Европа лигасы мелдешинин квалификациялык баскычынын чейрек финалында "Кайрат" Израилдин "Маккаби" клубу менен кез келген.

Беттеште Алыкулов чабуулду баштап, капталдагы өнөктөшү Гафуржан Сүйүнбаевге топту өткөрүп берген. Анын айып аянтчасына чыгарган тобун бразилиялык чабуулчу Вагнер Лав голго айлантып, эсепти теңеген.

Бир метрден гол киргизе албай уят болгон футболчу талоондо калды. Видео

Бирок бул гол казакстандык команданын кийинки баскычка чыгуусуна пайдасы тийген жок. "Кайрат" "Маккабиге" 2:1 эсебинде жеңилип, мелдештен четтеди.

Кыргызстандык футболчу Гүлжигит Алыкулов негизги курамда чыгып, беттештин 81-мүнөтүндө алмаштырылды.

Гүлжигиттин "Кайрат" клубу аталган мелдештин буга чейинки раундунда Армениянын "Ноа" командасы менен ойноп, 4:1 эсебинде уткан. "Кайраттын" биринчи голун Гүлжигит Алыкулов киргизген.

385
Белгилер:
Европа лигасы, Гүлжигит Алыкулов, футбол
Тема боюнча
Гүлжигит Алыкулов: голума абдан сүйүндүм, бирок дараметимди толук ача элекмин
Ирмемди кармады! Футболчу Гүлжигит Алыкуловдун кезектеги чеберчилиги видеодо

Жалда өрттөнгөн көп кабаттуу үйдүн эмнеси калды. Дрондон тартылган видео

1667
(жаңыланган 15:56 17.09.2020)
Бейшембиге караган түнү борбор калаадагы Жал кичи районунда жаңыдан курулуп жаткан көп кабаттуу үйдөн өрт чыккан. Аталган имараттын күйгөндөн калган көрүнүшүн Sputnik Кыргызстандын видеосунан көрүңүздөр.

Өрт тууралуу ӨКМге саат 22.20ларда чакыруу түшкөн. Тилсиз жоо менен кармашууга төрт бригада тартылган. Ошондой эле бир автошаты, бир суу ташуучу унаа жеринде иш алып барды. Анын натыйжасында саат 23:52де жалын чектөөгө алынып, 01:13тө толугу менен өчүрүлдү.

Жалын 400 чарчы метр аянтты жалмап, курулуш буюмдары күйгөн.

Опалубкалар жерге кулап... Жалда күйүп жаткан көп кабаттуу үйдүн видеосу

Тез жардам кызматынан бир бригада келип күзөтүп турганы айтылды. Бактыга жараша, жабыркагандар болгон жок. Ошондой эле 25 милиция кызматкери келип коопсуздукту камсыздаган.

Кырсыктын келип чыгуу себептери такталууда.

1667
Белгилер:
өчүрүү, көп кабаттуу үй, өрт, Бишкек
Тема боюнча
Жалда көп кабаттуу үй күйүп жатат. Жалындаган өрттүн видеосу
Жалда өрттөнгөн көп кабаттуу турак жай түндө толук өчүрүлдү
Бишкек шаарындагы Курмажан датканын айкели. Архив

Күн сууктайбы? Бир жумага карата аба ырайы

0
(жаңыланган 09:45 20.09.2020)
Синоптиктердин маалыматына караганда, өлкөдө аптанын биринчи жарымында күндүзү жаан жаабаганы менен түнкүсүн жаан-чачындуу болот.

БИШКЕК, 20-сен. — Sputnik. Кыргызгидромет агенттиги келерки жумага карата аба ырайы тууралуу болжолдуу маалымат берди.

Бишкек шаары

Борбор калаада 20-21-сентябрда жаан-чачын күтүлбөйт. 22-сентябрда түнкүсүн жаан жаашы мүмкүн. Аптанын аягында дагы күндүн көзү ачылбасы божомолдонууда. Батыштан соккон шамалдын ылдамдыгы секундасына 4-9 метрге жетет.

Чүй, Талас облустарында

Аптанын башында жаан-чачын күтүлбөйт. 22-сентябрда түнкүсүн кээ бир райондордо жаан жаап, бийик тоолуу райондордо карга айланат. Мындай аба ырайы 24-сентябрга чейин кармалып турат. Батыштан соккон шамалдын ылдамдыгы секундасына 4-9 метрден, 23-сентябрда кээ бир райондордо 15-20 метрге жетиши күтүлөт.

Ош, Жалал-Абад, Баткен облустарында

20-21-сентябрда жаан жаабайт. 22-сентябрь күнү Жалал-Абад облусунун тоо этектеринде жана тоолуу райондорунда жаан жаап, бийик тоолуу райондорунда кар жаашы күтүлөт.

Аптанын акыркы күндөрүнө чейин көпчүлүк аймактарда күндүз күн ачык болгону менен түнкүсүн бийик тоолуу жерлерде жаан жаап, карга айланышы ыктымал.

Жер бетиндеги эң жогорку температура катталган аймак аталды

Ысык-Көл облусунда

20-сентябрда түнкүсүн кээ бир райондордо жаан жаап, тоолуу райондордо кар жааса, 20-сентябрь күндүз дагы мындай аба ырайы уланат. 23-сентябрда күндүз жана 24-сентябрда кээ бир райондордо жаан жаайт. Батыштан соккон шамалдын ылдамдыгы секундасына 4-9 метрден, 23-сентябрда кээ бир райондордо 15-20 метрге жетиши күтүлөт.

Нарын облусунда

Нарында аптанын ортосуна чейин жаан жаабайт. 23-сентябрдан тарта күндүз кээ бир райондордо жаан жаап, бийик тоолуу райондордо кар жаашы күтүлөт.

0
Белгилер:
жаан-чачын, Кыргызгидромет, аба ырайы, Кыргызстан
Тема боюнча
Ак-Сай жайлоосуна малчылар жакага түшө электе кар жаап салды. Видео