Автомат, мылтык жана тапанча табылды. Бишкекте жети киши кармалган видео

333
Колго түшүрүлгөндөрдүн арасында мурда соттолгондор бар. Алардын талап-тоноочулукка жана жүк ташыган ири автоунааларга кол салуу кылмышына тиешеси болушу мүмкүндүгү айтылууда.

Борбор калаада атайын даярдыктагы тез арада аракетке келүүчү отряд шаарда кылмыш жасоого даярданып жаткан жети кишини кармады. Бул туурасында Бишкек шаардык ИИББдин маалымат кызматы кабарлады.

Ведомство атайын даярдыктагы аскерлер шектүүлөр жашынып жаткан көп кабаттуу үйдүн батирине кирип барып, колго түшүргөн видеону жарыялады. Алардын жанынан курал, ок-дарылар жана тыюу салынган буюмдар табылган.

Маалыматта жетөөнүн Бишкекке кылмыш жасоо ниети менен жашыруун келгени айтылды. Ыкчам иш алып барган тартип сактоочулар жашырынып жүргөн бул кишилердин изине түшкөн.

Милициянын Кочкор-Атада кылмыштуу топтун 11 мүчөсүн кармаган видеосу

Кармалгандардын ичинен үчөө баңгизаттарын мыйзамсыз сактаганы, каракчылык иштерин жасап жана алдамчылык кылганы үчүн мурда соттолгондор болуп чыккан. Алардын курагы 20-35 жаштын ортосунда.

"Мындан сырткары, уурулук жасап жана жүк ташуучу ири автоунааларды тоноого катыштыгы бар деп шектелген маалымат түшкөн", — деп айтылат билдирүүдө.

Кармалгандар Бишкек шаардык ИИББдин тергөө абагына киргизилген.

Алар жашынып жаткан батирди тинтүү учурунда номери өчүрүлгөн Калашников автоматын (75 огу менен эки магазин), жыйырма огу менен ТОЗ-8 мылтыгын, номери өчүрүлгөн травматикалык ФОРТ-12Р тапанчасын (14 ок жана эки магазини менен) табышкан. Булардан сырткары эки рация жана кол телефон чыккан.

333
Белгилер:
кармоо, Аскер, калашников автоматы, Уюшкан кылмыштуу топ, Бишкек, Кыргызстан
Тема боюнча
Ысык-Көлдө егерь менен экологду атып салам деп коркуткан кишинин видеосу тарады

Гүлжигит Алыкулов "Кайраттын" УЕФА мелдешиндеги голуна жардам берди. Видео

388
Кыргызстандык футболчу Гүлжигит Алыкулов команданын негизги курамында чыгып, беттештин 81-мүнөтүндө алмаштырылды.

Кыргызстандык футболчу Гүлжигит Алыкулов казакстандык "Кайрат" клубунун Европа лигасындагы кезектеги оюнунда голду уюштурууга катышты. Учурдун видеосун казакстандык клуб өзүнүн Facebook баракчасына койду.

Кечээ УЕФАнын Европа лигасы мелдешинин квалификациялык баскычынын чейрек финалында "Кайрат" Израилдин "Маккаби" клубу менен кез келген.

Беттеште Алыкулов чабуулду баштап, капталдагы өнөктөшү Гафуржан Сүйүнбаевге топту өткөрүп берген. Анын айып аянтчасына чыгарган тобун бразилиялык чабуулчу Вагнер Лав голго айлантып, эсепти теңеген.

Бир метрден гол киргизе албай уят болгон футболчу талоондо калды. Видео

Бирок бул гол казакстандык команданын кийинки баскычка чыгуусуна пайдасы тийген жок. "Кайрат" "Маккабиге" 2:1 эсебинде жеңилип, мелдештен четтеди.

Кыргызстандык футболчу Гүлжигит Алыкулов негизги курамда чыгып, беттештин 81-мүнөтүндө алмаштырылды.

Гүлжигиттин "Кайрат" клубу аталган мелдештин буга чейинки раундунда Армениянын "Ноа" командасы менен ойноп, 4:1 эсебинде уткан. "Кайраттын" биринчи голун Гүлжигит Алыкулов киргизген.

388
Белгилер:
Европа лигасы, Гүлжигит Алыкулов, футбол
Тема боюнча
Гүлжигит Алыкулов: голума абдан сүйүндүм, бирок дараметимди толук ача элекмин
Ирмемди кармады! Футболчу Гүлжигит Алыкуловдун кезектеги чеберчилиги видеодо

Жалда өрттөнгөн көп кабаттуу үйдүн эмнеси калды. Дрондон тартылган видео

1680
(жаңыланган 15:56 17.09.2020)
Бейшембиге караган түнү борбор калаадагы Жал кичи районунда жаңыдан курулуп жаткан көп кабаттуу үйдөн өрт чыккан. Аталган имараттын күйгөндөн калган көрүнүшүн Sputnik Кыргызстандын видеосунан көрүңүздөр.

Өрт тууралуу ӨКМге саат 22.20ларда чакыруу түшкөн. Тилсиз жоо менен кармашууга төрт бригада тартылган. Ошондой эле бир автошаты, бир суу ташуучу унаа жеринде иш алып барды. Анын натыйжасында саат 23:52де жалын чектөөгө алынып, 01:13тө толугу менен өчүрүлдү.

Жалын 400 чарчы метр аянтты жалмап, курулуш буюмдары күйгөн.

Опалубкалар жерге кулап... Жалда күйүп жаткан көп кабаттуу үйдүн видеосу

Тез жардам кызматынан бир бригада келип күзөтүп турганы айтылды. Бактыга жараша, жабыркагандар болгон жок. Ошондой эле 25 милиция кызматкери келип коопсуздукту камсыздаган.

Кырсыктын келип чыгуу себептери такталууда.

1680
Белгилер:
өчүрүү, көп кабаттуу үй, өрт, Бишкек
Тема боюнча
Жалда көп кабаттуу үй күйүп жатат. Жалындаган өрттүн видеосу
Жалда өрттөнгөн көп кабаттуу турак жай түндө толук өчүрүлдү
TikTok тиркемесинин логотиби. Архив

АКШда бүгүндөн тарта TikTok тиркемесин жүктөөгө тыюу салынат

0
(жаңыланган 10:22 20.09.2020)
АКШ бийлиги TikTok колдонмосу америкалыктардын маалыматтарын Кытайга берип турушу мүмкүн деп шектенип жатат.

БИШКЕК, 20-сен. — Sputnik. АКШнын Соода министрлиги TikTok тиркемесинин түзүүчүлөрү улуттук коопсуздукка байланышкан көйгөйдү жойбосо, 20-сентябрдан тарта колдонмону көчүрүүгө жана аны 12-ноябрдан тарта колдонууга тыюу салат. Бул тууралуу АКШнын Соода министрлигинин релизинде айтылганын РИА Новости жазды.

“АКШ президенти Дональд Трамптын 2020-жылдын 6-августунда кол койгон буйруктарына жооп катары Соода министрлиги өлкөнүн улуттук коопсуздугун коргоо максатында WeChat жана TikTok мобилдик тиркемелерине байланыштуу транзакцияларга тыюу салынгандыгын жарыялады”, — деп айтылат маалыматта.

Microsoft TikTok тиркемесин сатып ала алган жок. Сунуш четке кагылды

Анын үстүнө, буга чейин ЖМКлар америкалык Oracle жана ByteDance компаниялары биргелешкен TikTok Global жаңы компаниясын түзөрүн жазган. Анын штаб-квартирасы АКШда болуп, Oracle миноритардык акционер, ал эми ByteDance мажоритардык акционер болору белгиленген. Массмедиада айтылгандай, бейшембиде эки компания жана АКШнын Финансы министрлиги TikTok колдонмосунун активдерин сатып алуунун шарттарын алдын ала макулдашкан.

“АКШ президенти (Дональд Трамп — ред.) TikTok тарабынан улуттук коопсуздукка жаралып жаткан коркунучту жөнгө салууга байланышкан көйгөйдү чечүү үчүн 12-ноябрга чейин мөөнөт берди. Эгер маселе оң жагына чечилсе, тиркемеге салынган тыюулар алынат”, — деп айтылат билдирүүдө.

АКШнын администрациясы TikTok колдонмосунун түзүүчүлөрүн америкалыктар боюнча маалыматтарды Кытай бийлигине берип турушу мүмкүн деп айыптап жатат. Ал эми колдонмонун ээси ByteDance мындай айыптоолорду четке кагууда. Ал эми Трамп август айында “TikTok коркунучу менен күрөшүү жөнүндө” жана “WeChat коркунучу менен күрөшүү жөнүндө” жарлыктарга кол койгон. Анда ал америкалык юрисдикциядагы ByteDance менен болгон бардык келишимдерди токтотуу үчүн бир айга жакын убакыт берген.

TikTok сервисиндеги кал, меңди кетирген челлендж медиктердин тынчын алууда

Ал мөөнөт бүгүн, 20-сентябрда, аяктайт. Тиркемени сатып алууга кызыкдар экинчи кардар, Microsoft компаниясы ByteDance алар менен кызматташуудан баш тартканын айткан. ЖМКда расмий Пекин TikTok тиркемесинин активдерин АКШда сатылуусуна каршы чыкканы, андан көрө тыюу салынганына макул экени айтылат.

Кытайдын реакциясы

Кытай WeChat жана TikTok боюнча АКШнын аракеттерине каршы чыгып, Вашингтонду туура эмес кадамга барбоого жана каралоодон алыс болууга чакырды.
TikTok колдонмосунун башкы директору Ванесса Паппас Facebook жана Instagram тиркемелеринин түзүүчүлөрүнө кайрылып, америкалык бийликтин чечимине каршы турууга колдоо көрсөтүүнү суранды.

0
Белгилер:
коопсуздук, тыюу салуу, Кытай, TikTok, АКШ
Тема боюнча
Трамп АКШнын гипер үндүү, укмуштуудай ракетасы бар экенин айтып мактанды