Опалубкалар жерге кулап... Жалда күйүп жаткан көп кабаттуу үйдүн видеосу 

399
(жаңыланган 00:36 17.09.2020)
Бишкектин Жал кичи районунда жаңыдан курулуп жаткан көп кабаттуу турак жайда чыккан өрттү өчүрүүгө төрт бригада тартылды. Ошондой эле бир автошаты, бир суу ташуучу унаа жеринде иш алып барууда.

Өрт өчүрүү кызматына болжол менен саат 22.20ларда тилсиз жоо тууралуу чакыруу түшкөн. 

Өзгөчө кырдаалдар министрлиги өрт саат 23:52де чектөөгө алынганын кабарлады. Учурда толугу менен өчүрүү иш-чарасы жүргүзүлүүдө.

Жалда көп кабаттуу үй күйүп жатат. Жалындаган өрттүн видеосу

Күбөлөрдүн айтымында, Жогорку Жал кичи районунда жайгашкан 15 кабаттуу турак жайдын үстүңкү бөлүгүнөн өрт чыккан. Жалындаган өрт шаардын экинчи тарабынан да көрүнүп турду. Видеодон күйгөн опалубкалар жерге кулап жатканын көрүүгө болот. 

Учурда окуя болгон жерде милиция кызматкерлери, Тез жардам кызматынан бир бригада иштеп жатат.

399
Белгилер:
өчүрүү, турак үй, өрт, Бишкек
Тема боюнча
Бишкекте турак үйдөн чыккан өрт өчүрүлдү
Кыргызстандын өрт көп чыккан аймагы. 2020-жылга статистика

"Ты супер!" шоусунун төртүнчү сезону. Видео

36
(жаңыланган 02:08 28.09.2020)
"Ты супер!" шоусу — НТВ телеканалы менен Sputnik эл аралык агенттиги жана радиосунун ири долбоору.

Ага КМШнын аймагындагы вокалдык таланты бар балдар катышат. 20-сентябрда музыкалык конкурстун төртүнчү сезону башталган.

36
Белгилер:
вокал, балдар, шоу, НТВ, "Ты – супер" балдар долбоору
Тема боюнча
Кыргызстандык кыз "Ты супер!" шоусунун кийинки туруна өтпөй калды. Видео

Таамай соккусу менен атаандашын нокаутка кетирген боксёрдун видеосу

82
(жаңыланган 20:58 27.09.2020)
Никарагуалык боксёр Мелвин Лопес каршылашы Йейсон Варгасты таймаштын биринчи раундунда эле таамай соккусу менен нокаутка кетирген.

Салгылашуунун видеосу Internacional Boxing YouTube-каналына жарыяланган.

Эки спортчунун кармашы (жеңил салмактагы категория) Американын Майами шаарында өткөн.

Анда Лопес каршылашын биринчи раундда эле нокаутка кетирген. Варгас бир нече саамга чейин эсин жоготуп жатып калган. Бирок рингден өзү туруп чыгып кеткен. Лопестин бул соккусун комментатор "коркунучтуу" деп атап, ал көрүүчүлөр, соцтармак колдонуучуларынын эсинде калган.

​Белгилүү болгондой, Лопес 24 салгылашуунун ичинен 23үндө жеңишке жеткен. Ал эми атаандашы ушуну менен беш жолу катары менен жеңилип жатат.

82
Белгилер:
видео, таймаш, нокаут, бокс
Тема боюнча
Баштабай жатып... UFC мушкери 17 секунданын ичинде эле оңбой калган видео
Беларусь президенти Александр Лукашенко. Архив

Лукашенко президенттиктен кетүүнү сунуштаган Макронго жооп кайтарды

0
(жаңыланган 23:58 27.09.2020)
Лукашенко Париждин көчөлөрүнө чыккан “Сары кемселчендерди” Макрондун эсине салып, аны жетиле элек саясатчы катары сыпаттады.

БИШКЕК, 27-сен. – Sputnik. Беларусь президенти Александр Лукашенко француз кесиптеши Эммануэль Макронду жетиле элек саясатчы деп атады. Бул тууралуу РИА Новости жазды.

Белгилей кетсек, бүгүн эртең менен Макрон Лукашенкого президенттик постунан кетүүнү сунуштаган. Буга Беларусь башчысы жооп кайтарды.

“Эгер Макрондун логикасына таяна турган болсок, анда ал өзү дагы эки жыл мурун эле, “Сары кемселчендер” Париждин көчөлөрүнө чыкканда кызматынан кетиши керек болчу”, – деген Лукашенко.

Ал ошондой эле Black Lives Matter кыймылынын жана Марсель менен Лиондогу мусулмандардын каршылык акцияларын эске салып, Минск ошол кыймылдын мүчөлөрү менен Макрондун сүйлөшүүлөрүнө аянтча болуп берүүгө даяр экенин белгиледи.

Лукашенко анын француз кесиптеши Беларустагы шайлоого өтө эле көп көңүл буруп жатканын кошумчалаган.

Евробиримдик жана АКШ: Беларусь менен көйгөйлөрүн Польша өзү чечип алсын

Эске салсак, 9-августта Беларуста президенттик шайлоо өткөн. БШКнын эсеби боюнча, өлкөнүн учурдагы башчысы Александр Лукашенко добуштардын 80,1 пайызына ээ болсо, экинчи орунду 10,12 пайыз менен Светлана Тихановская ээлеген. Ал эми оппозиция шайлоонун жыйынтыгын тааныбай, Тихановская Литвага чыгып кеткен.

0
Белгилер:
Эммануэль Макрон, Александр Лукашенко, Беларусь
Тема:
Беларустагы нааразылык акциялары
Тема боюнча
Лукашенко расмий түрдө президенттик кызматына киришти