Ишкерди карактады деген шектүүнү спецназ кафеден кармады. Бишкектеги видео

552
(жаңыланган 11:48 25.09.2020)
Бишкектеги кафелердин биринен ыкчам аракеттеги жоокерлер менен милиционерлер ишкерди ээн жакка алып барып тоноп кеткен деп шектелген адамды кармады.

Видео министрликтин YouTube-каналына жарыяланды.

Маалыматка ылайык, окуя ушул жылдын 30-январь күнү болжол менен саат 21.00дөр чамасында болгон.

"Анда азиат тектүү эки адам Бишкек шаарынын Байтик баатыр жана Сүйөркулов көчөлөрүнүн кесилишинен жеке ишкерге кол салган. Алар тапанча менен коркутуп, өзүнүн автоунаасы менен борбор калаанын четиндеги эски аэропорттун аймагына алып барышкан. Ишкерди бир күн кечке кармашып, 500 доллары менен 12 миң сомун алып кетишкен", — деп айтылат маалыматта.

УКМК: Бишкекте баңгизат сатып жаткан полковник кармалды

Аталган факт Бишкек шаарынын Октябрь райондук ИИБнин Кылмыш жана жоруктардын бирдиктүү реестрине катталып, сотко чейинки өндүрүш башталган.

Ушул жылдын февраль айында прокуратура иликтөөнү ИИМдин Тергөө кызматына өткөрүп берип, кылмыш иши Жазык кодексинин 202-беренесинин алгачкы үч бөлүмү менен ("Курал-жарак колдонулуп, бир нече кишинин катышуусундагы каракчылык кылуу") иликтене баштаган.

Натыйжада Бишкектен Талас облусунун 1995-жылы туулган жашоочусу кармалган. Анын мурда соттолгону жана уюшкан кылмыштуу топтун мүчөсү катары каттоодо турганы белгилүү болду.  Учурда сотко чейинки өндүрүш уланууда.

552
Белгилер:
кармоо, шектүү, ишкер, милиция, ИИМ, Бишкек
Тема боюнча
Тендердин ишин өздөрү жасаган. Жалал-Абадда токой чарба башчысы кармалды

Өкмөт мүчөлөрү ант берүү үчүн парламентке келди. Видео

147
(жаңыланган 14:00 28.10.2020)
Жогорку Кеңештин депутаттары "Ала-Арча" мамлекеттик резиденциясына жыйынга чогулду. Бүгүн премьер-министр Садыр Жапаров жана жаңы өкмөт мүчөлөрү ант берет.

Мыйзамдын нормаларына ылайык, жаңы өкмөт куралгандан кийин парламентке келип элдин алдында ант бериши шарт.

147
Белгилер:
Садыр Жапаров, өкмөт, ант, Жогорку Кеңеш
Тема боюнча
Бүгүн ЖК депутаттарынын мыйзамда белгиленген мөөнөтү аяктады

Бишкекте абаны булгаган автоунааларды аныктоо үчүн рейд жүрүүдө. Видео

171
(жаңыланган 14:47 27.10.2020)
Рейдге Жол кыймылы коопсуздугун камсыздоо башкармалыгынын кызматкерлери да чыгып жатканы кошумчаланды.

Абага зыяндуу заттарды нормадан ашык чыгарып жаткан автоунааларды аныктоо максатында борбор калаада атайын рейд жүрүүдө. Бул тууралуу Экологиялык жана техникалык коопсуздук боюнча мамлекеттик инспекциядан билдиришти.

Маалым болгондой, Мамэкотехинспекциянын жетекчисинин тапшырмасы менен Бишкектеги экологиялык абалды жакшыртуу боюнча комплекстүү чара көрүү планы иштелип чыккан. Рейд ошол пландын алкагында жүрүп жатат.

Автоунаалардын зыяндуулугу газ анализдеген автотест ченегичтер менен текшерилип жатканы айтылды.

"Азыр көп автоунаалардын катализатор системасы жок. Бул атмосфераны булгайт. Ошондуктан абага чыгып жаткан зыяндуу заттарды азайтуу үчүн машиналарыңарга катализатор системасын орнотууңуздарды суранабыз", — деп айтылат маалыматта.

Бишкек: рейд учурунда коронавирустун жайылышына шарт түзгөндөр аныкталды

Рейдге Жол кыймылы коопсуздугун камсыздоо башкармалыгынын кызматкерлери да чыгып жатканы кошумчаланды.

171
Белгилер:
Экологиялык жана техникалык коопсуздук боюнча Мамлекеттик инспекция, зыян, автоунаа, тазалык, аба
Тема боюнча
Кыргызстандын шаарларындагы аба канчалык кир экени айтылды
Экс-депутат Эльвира Сурабалдиева. Архив

Эльвира Сурабалдиева вице-премьерлик кызматка киришти

18
(жаңыланган 14:29 28.10.2020)
Буга чейин өкмөт башчынын орун басарлыгын аркалаган Аида Исмаилованын талапкерлиги эмгек жана социалдык өнүктүрүү министри кызматына сунушталып, колдоо тапкан эмес.

БИШКЕК, 28-окт. — Sputnik. Эльвира Сурабалдиева Кыргызстандын вице-премьер-министри болуп дайындалды. Тиешелүү жарлыкка президенттин милдетин аткаруучу Садыр Жапаров кол койгонун өлкө башчынын маалымат кызматы билдирди.

Сурабалдиева вице-премьерликти ким сунуштап, кантип макул болгонун айтты

Эскерте кетсек, Сурабалдиеванын талапкерлигин алгач Жогорку Кеңештин тармактык комитети колдоп, андан соң депутаттар жалпы жыйында карашкан. Натыйжада эл өкүлдөрү өкмөттүн жаңы мүчөсү үчүн бир добуштан макул болушкан. Сурабалдиева Аида Исмаилованын ордуна келди, эми социалдык тармакты тескемекчи.

18
Белгилер:
Жогорку Кеңеш, министр, вице-премьер-министр, Садыр Жапаров, Аида Исмаилова, Эльвира Сурабалдиева
Тема боюнча
Депутаттар Исмаилованы социалдык өнүктүрүү министри кызматына колдогон жок. Видео