Сооронбай Жээнбеков: саясий күчтөрдөн конкреттүү кадамдарды күтөм. Видео

566
(жаңыланган 09:59 08.10.2020)
Сооронбай Жээнбеков президент катары азыркы абалдан чыгууга болгон күч-аракетин жумшап жатканын билдирди.

Президент Сооронбай Жээнбеков элге кайрылуу жасап, ошону менен катар саясий күчтөрдөн конкреттүү кадамдарды күтөрүн билдирди.

Кайрылуунун видеосу КР президентинин  YouTube-каналына жүктөлдү.

"Айрым саясий күчтөрдүн аракеттеринен улам өлкөбүз саясий туңгуюкка кептелгенине үч күн болду. Бардык кыргызстандыктардын жүрөгү ооруп турат. Бул кырдаалдын чечилишин  менден талап кылып жатканыңарды толук түшүнөм. Президент катары бул абалдан чыгууга күч аракетимди толук жумшоодомун. Ушул максатта бардык саясий күчтөр менен жеке сүйлөшүүлөрдү жүргүзүп жатам", — деди президент.

Ошондой эле ал азыркы абалдан чыгуу үчүн андан талап кылынган кадамдарга даяр экенин билдирди.

"Бирок кырдаалды жөнгө салуу милдетин алам деген тараптардан сүйлөшүү үчүн бирдиктүү аянтча сунуштала элек. Азыр болуп жаткан кызмат алмашууларды легитимдештирүү зарыл. Ал үчүн тийиштүү Жарлыктарга кол коюшум керек. Саясий туңгуюктан өлкөнү алып чыгуу үчүн ушул расмий документтер зарыл", — деди Жээнбеков.

Сөзүнүн аягында мамлекет башчы "элдин сабырдуулугуна таазим этип, саясий күчтөрдөн конкреттүү кадамдарды күтөрүн" кошумчалады. 

Кыргызстандагы абал

5-октябрь күнү парламенттик шайлоонун жыйынтыгына нааразы болгон сегиз партия "Ала-Тоо" аянтына митингге чыккан. Кечке жуук чогулгандардын саны көбөйүп, милиция кызматкерлери аларды кууп таратууга аракет кылган. Түнкү саат үчтөргө чукул митингчилер Ак үйдү алышты. Көп өтпөй акциянын катышуучулары УКМКнын имаратын басып кирип, алгач абакта жаткан мурдагы президент Алмазбек Атамбаевди бошотушкан. Бир нече саат ичинде мурдагы өкмөт башчылар — Сапар Исаков, Жантөрө Сатыбалдиев, саясатчылар — Садыр Жапаров, Равшан Жээнбеков, эртеси түштө Фарид Ниязов жана Бишкектин экс-мэри Албек Ибрагимов чыгарылган.

7-октябрга караган түнү Жогорку Кеңештин төрагасы Дастан Жумабеков, премьер-министр Кубатбек Боронов кызматтан кетти. Жумабековдун ордуна депутат Мыктыбек Абдылдаев шайланды. Ал эми парламенттин кезексиз жыйынында премьер-министрликке Садыр Жапаровдун талапкерлиги жактырылган. Бул чечимге, негизи эле бийликке кайра эски жүздөрдүн келишине нааразы болгон топ өкмөт үйүнүн алдына митингге чыккан. Көп өтпөй алар "Ата Мекен" партиясынын мүчөсү Тилек Токтогазиевди өкмөт башчылыкка сунуштап, өкмөт үйүндө талаш-тартыш болгон. Кечке маал Жогорку Кеңештин маалымат катчысы  депутаттар бүгүн бир нече ирет жолугушууларды өткөргөнүн билдирди.

566
Белгилер:
абал, кайрылуу, Сооронбай Жээнбеков, Кыргызстан
Тема:
Парламенттик шайлоодон кийинки окуялар (464)
Тема боюнча
Казакстан менен Өзбекстандын президенттери Кыргызстандагы абалды талкуулашты

Таластын тургуну Кызыл китепке кирген биргазан кармап алды. Видео

87
(жаңыланган 17:53 29.10.2020)
Мамэкотехинспекция браконьерлик кылгандар жазаланарын эскертип, айлана-чөйрөгө аяр мамиле жасоого чакырды.

Талас облусунун Кара-Буура районуна караштуу Кайнар айылынын тургуну тоо этегинен Кызыл китепке кирген кызгылт биргазан (пеликан) канаттуусун кармап алган.

Ал канаттуу уча албай калганын көрүп, 28-октябрда Мамлекеттик экотехинспекциясынын кызматкерлерин чакырган. Андан соң биргазанды Талас облусу боюнча региондор аралык башкармалыгына тапшырган.

"Жаныбарлар дүйнөсү жөнүндө" мыйзамына ылайык, сейрек кездешүүчү кызгылт биргазанды реабилитация кылуу максатында жеринде акт түзүлүп, "Бугу эне" коомдук фондуна өткөрүп берилген.

Кыргызстандагы зоопарктар карантинде кандай күн көрүп жатат

Ошону менен бирге Мамэкотехинспекция мыйзамсыз браконьерлик кылгандар жазага тартыларын эскертип, айлана-чөйрөгө аяр мамиле жасоого чакырат.

87
Белгилер:
Талас облусу, реабилитациялоо, кармоо, канаттуулар
Тема боюнча
БУУ Кыргызстанда жарадар болгон илбирске жардам бермей болду

Жарык жапырт өчкөндөн кийинки ТЭЦтеги абал. Видео

256
(жаңыланган 15:17 29.10.2020)
Бишкек шаарында болжол менен 13:10дор чамасында Бишкектин бир топ жеринде электр кубаты өчүп калды. ТЭЦтен азыр уюлгуган буу чыгып жатат.

Sputnik Кыргызстан агенттигинин кабарчысы окуя болгон жерден түз эфир кылууда. Азыр борбор калаада жарык берүү жанданып, бирок кайра өчүп калууда.

256
Белгилер:
жарык өчүрүү, ТЭЦ, Бишкек
Тема боюнча
ТЭЦтен катуу үн чыгып, буу чыга баштады. Видео
Оорукана. Архив

Министрлик: жарык өчкөндө кычкылтек концентраторуна кошулгандар тынчсызданды

0
(жаңыланган 19:13 29.10.2020)
Айгерчинова азыркы кырдаалда жарык үзгүлтүксүз берилип турбаса, кычкылтек концентратору менен жаткан бейтаптарга коркунуч жаралып калышы мүмкүн экенин эскертти.

БИШКЕК, 29-окт. — Sputnik. Бишкек шаары жарыксыз калганда оорукана, төрөт үйлөрүндө олуттуу көйгөй жаралган жок. Бирок кычкылтек концентраторунда жаткан бейтаптар бир аз тынчсызданды. Бул тууралуу Sputnik Кыргызстан агенттигине Саламаттык сактоо министрлигинин маалымат катчысы Жылдыз Айгерчинова билдирди.

Эске салсак, ордо калаада бүгүн, 29-октябрда, болжол менен саат 13:10дор чамасында Бишкектин бир топ жеринде электр кубаты өчүп, кийинчерээк күйгөн.

"Электр жарыгы көп убакытка өчкөн жок. Мындан улам оорукана, төрөт үйлөрүндө олуттуу көйгөй жаралган эмес. Анын үстүнө ар бир ооруканадагы реанимациялык блок генераторго туташтырылган. Алар жарык өчкөндө автоматтык түрдө иштейт. Республикалык жугуштуу илдеттер ооруканасында өпкөнү жасалма дем алдыруучу аппараттар генератордун жардамы менен үзгүлтүксүз иштеп турду. Ал эми кычкылтек концентраторуна туташкан бейтаптар бир аз дүрбөлөңгө түштү. Анткени генератор палаталарга кошулган эмес. Алар болсо палаталарда жатышат", — деди Айгерчинова. 

Шаардыктар жарыксыз калганда. ТЭЦтеги кырдаалды асмандан көрсөткөн видео

Ал азыркы кырдаалда жарык үзгүлтүксүз берилип турбаса, кычкылтек концентратору менен жаткан бейтаптарга коркунуч жаралып калышы мүмкүн экенин эскертти.

0
Белгилер:
бейтап, Төрөт үйү, оорукана, жарык берүү, Бишкек
Тема боюнча
Авария эмес. "Түндүк электр" Бишкек ТЭЦте эмне болгонун тактады
Бишкек ТЭЦтин жетекчиси Воропаев билдирүү жасады
Шаардыктар жарыксыз калганда. ТЭЦтеги кырдаалды асмандан көрсөткөн видео