Казак мушкери Алимханулы беттеште бир сокку менен атаандашын бүк түшүрдү. Видео

244
(жаңыланган 13:49 10.10.2020)
Алимханулы WBC жана WBO курларын ийгиликтүү коргоп, "Канело" Альварес менен беттешүүгө даяр экенин жар салды.

Казакстандык кесипкөй боксчу Жанибек Алимханулы 23 жаштагы аргентиналык Гонсало Корияны оор нокаутка кетирип утту. Бул тууралуу Sports.kz. маалымат булагына таянып Sputnik Казакстан агенттиги билдирди.

АКШнын Лас-Вегас шаарындагы MGM Grand аренасында өткөн бокс кечесинде Жанибек Алимханулы аргентиналык "Сыйкырчы" каймана аттуу мушкер Гонсало Кория менен беттешкен. Казак мушкери экинчи раундда сол колдоп багыттаган кубаттуу соккусу атаандашынын жаак тушуна тийип, ал рингге кулаган.

Беттеш орто салмакта 27 жаштагы Алимханулыга таандык WBC Continental Americas жана WBO Global версияларынын экинчи баскычтагы чемпиондук наамдары үчүн болгон.

Эң мыкты беттеш! Бири-бирин 8 ирет нокдаунга кетирген боксчулардын видеосу

Он раундга макулдашылган беттеш экинчи бөлүктө эле жыйынтыкталды.

"Биз дүйнө жүзүнө казактын боксун көрсөттүк! Бул жеңиш бир гана меники эмес, бүтүндөй казакстандыктардыкы. Биз чемпиондук курга дагы бир кадам жакындадык", — деп белгилеген Алимханулы.

Казак мушкери муну менен кесипкөй бокстагы тогузунчу беттешин жеңди. Азырынча жеңиле элек. Алимханулы The Ring басылмасына берген маегинде Деметриус Андраде, Джермалл Чарло жана "Канело" Альварес сыяктуу чемпиондор менен беттешүүнү каалаганын билдирген.

244
Белгилер:
нокаут, бокс
Тема боюнча
Эң мыкты беттеш! Бири-бирин 8 ирет нокдаунга кетирген боксчулардын видеосу
UFC: Рафаэль Физиев кезектеги беттеши тууралуу үн катты

15 орундуу санды көбөйтүп, калыстарды таң калтырган Нурболот. Видео

147
(жаңыланган 11:09 26.10.2020)
Жекшемби күнү "Россия 1" телеканалынын "Удивительные люди" деп аталган таланттуу адамдардын сынагына кыргызстандык Нурболот Исматиллаев да катышты.

Анын өнөрү көрсөтүлгөн видео телеканалдын расмий сайтына жайгаштырылган.

Нурболот Исматиллаев 12 жашта. Ал көрүүчүлөргө жана калыстар тобуна спорт-стекинг (стакандардан тездик менен пирамида куруу) көрсөтүп, аны менен катар көп орундуу сандарды көбөйтүп, кошкон.

Андан кийин Нурболотко 15 орундуу санды көбөйтүү тапшырмасы берилген. Башында катышуучу бир аз толкунданып, ал тургай ыйлап жиберген. Бирок алып баруучу ага эс алып алууга мүмкүнчүлүк берген. Бир аз убакыт өткөндөн кийин ал даяр экенин айтып, 6 мүнөт 2 секундда 15 орундуу санды көбөйтүп койгон.

6 жаштагы шахматчы Султай "Лучше всех" шоусуна барып, Галкинди таң калтырган. Видео

Калыстар мындайды биринчи жолу көрүп жатышканын айтышты. Арасынан бирөө 15 орундуу санды телефонуна да терип чыгарып көрүүгө аракет кылган.

Соңунда алар Нурболот Исматиллаевге ийгилик каалап, "Кыргызстанда Нурболоттой балдар бар экени кубандырат" деп айтышкан.

147
Белгилер:
сынак, видео, эсеп, талант, Кыргызстан, Россия
Тема боюнча
Кыргызстандык "калькулятор бала" Россиядагы шоуда элдин оозун ачырды. Видео
Бишкектик окуучу Белоруссиядагы олимпиадада суперчемпион болду

Хабиб менен Гэтжи беттешкен UFC 254 турниринин эң кызуу ирмемдери. Видео

569
(жаңыланган 11:10 25.10.2020)
Кечээ, 24-октябрда, Абу-Дабидеги Яс аралында UFC 254 турнири өтүп, жеңил салмактагылар арасындагы чемпион Хабиб Нурмагомедов атаандашы Жастин Гэтжини жеңип, чемпиондук наамын сактап калды.

Аталган турнирдеги беттештердин эң кызыктуу учурларын UFC Russia YouTube каналына жүктөдү.

Кеченин башкы кармашында Хабиб атаандашына үч бурчтук ыкмасын колдонгон, тагыраагы, эки бутун бириктирип туруп, атаандашынын моюнун кысып салган. Гэтжинин эси оогондон кийин рефери беттешти токтотууга аргасыз болгон.

Көз жашын тыя албай... Хабиб жеңишинен кийин октагондо атасын жоктоду. Видео

Октагондо россиялык чемпионго сөз берилгенде, ал спорттук карьерасын жыйынтыктаганын жар салды. Ал UFC мелдешинде 29 жолу беттешке чыгып, баарын жеңген биринчи мушкер болуп калды.

Ал эми кеченин дагы бир маанилүү кармаштарында Роберт Уиттакер Жаред Канноньени калыстардын чечими менен Александр Волков Уолт Харристи техникалык нокаут менен жеңген.

Мындан тышкары, UFC уюмунда алгачкы ирет ат салышкан казакстандык спортчу Шавкат Рахмонов бразилиялык Алекс Оливейраны муунтуу ыкмасы менен жеңген.

569
Белгилер:
видео, беттешүү, Жастин Гэтжи, Хабиб Нурмагомедов, UFC
Тема боюнча
Хабиб Нурмагомедов эң кымбат спортчулардын ондугунан орун алды
Ресторан. Архив

Министр: той-аштарга чектөө кайра күчөтүлүшү мүмкүн

22
(жаңыланган 12:35 26.10.2020)
Министр оору жуктургандардын саны күндөн-күнгө өсө баштаганын айтты. Өткөн суткада Кыргызстанда коронавирус 420 кишиден аныкталып, жуктургандардын жалпы саны 56 170ке жетти.

БИШКЕК, 26-окт. — Sputnik. Той-аштарга киргизилген чектөөнү күчөтүш керек. Бул тууралуу саламаттык сактоо министри Алымкадыр Бейшеналиев маалымат жыйын учурунда билдирди.

Анын айтымында, коронавирус жуктургандардын саны күндөн-күнгө өсө баштады.

"Саламаттык сактоо министрлиги тойлорду, массалык иш-чараларды токтотуу боюнча өкмөткө сунуш киргизип жатат. Министрлик чектөө киргизүүдө өз алдынча токтом кабыл ала албайт. Бүгүн бул маселени биринчи вице-премьер менен дагы талкуулайбыз. Эгер алар сунушубузду кабыл алса, анда той-аштарга чектөө мурдагыдан да күчөйт. Билсеңиздер, тойлорго чектөө коюлган токтом мурда эле чыккан. Бирок аны аткарган адам жок, ошону күчөтүү зарыл", — деди министр.

Өткөн суткада 420 киши коронавирус жуктурса, 227 бейтап айыкты

Өткөн суткада Кыргызстанда коронавирус 420 кишиден аныкталып, жуктургандардын жалпы саны 56 170ке жетти.

22
Белгилер:
министр, чектөө, той, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
COVID-19га кабылгандар кайсы ооруканага кайрыла алат? Бишкектеги бош орундар
COVID: Кызыл Ай коомунун Бишкектеги ыктыярчылар бригадасы ишке киришти