Жээнбеков бийликти кантип өткөрүп берди? Тарыхый окуянын ирмемдери

758
(жаңыланган 22:54 16.10.2020)
"Ала-Арча" мамлекеттик резиденциясында 16-октябрда тарыхый окуя болду. Президент Сооронбай Жээнбеков өз ыктыяры менен кызматын тапшырып кетти. Ал соңку кайрылуусунда өлкөнүн биримдигин сактоого бар күчүн жумшаганын айтып өттү. 

Сооронбай Жээнбеков 2017-жылдын 15-октябрында президент болуп шайланып, 24-ноябрдан тарта кызматка киришкен. Анда ал шайлоочулардын 54,76 пайыз добушуна ээ болгон.

"Мен үчүн ар бир жараныбыздын ден соолугу, ар бир мекендешимдин өмүрү — баарынан кымбат. Өлкөбүздө тынчтыкты сактап калуу, элди бөлүп-жарбоо максатында президенттик кызматтан кетүү чечимин кабыл алдым", — деп түшүндүрдү отставкасын Жээнбеков.

Элден кечирим сурады. Депутаттар тактан түшкөн Жээнбековду узаткан видео

Мыйзамга ылайык, президенттин укуктары Жогорку Кеңештин төрагасына өтүшү керек, бирок Канат Исаев андан баш тартты.

"Учурдагы коомдук саясий кырдаалды эске алып жана КР Жогорку Кеңешинин VI чакырылышынын ыйгарым укуктары аяктоо алдында тургандыгына байланыштуу президенттин милдетин аткаруу укугунан баш тартам", — деди Исаев. 

Натыйжада президенттин милдетин премьер-министр Садыр Жапаров аткармай болду.

Жапаров мыйзамдуу жол менен бийлик алмашып жатканына миң мертебе ыраазы болуу керектигин айтты.

"Кудайга тобо, мародерчулукка жана басып алууларга жеткирбей, мамлекетте үчүнчү жолу төңкөрүш болду деген сөздү калтырбай, ушундай тынчтык, мыйзамдуу жол менен бийлик алмашып жатканына биз миң мертебе ыраазы болушубуз керек. Мындан ары мага жүктөлгөн милдеттерди толук аткарууга, ички жана тышкы саясатты мурдагыдай улантууга бардык күч аракетимди жумшайм", — деди Жапаров.

Ал эми "Ата Мекен" партиясынын лидери Өмүрбек Текебаев Жапаровго эми ал президенттик шайлоого катыша албастыгын эскертти. 

"Бүгүнкү убактылуу өкмөттүн негизги милдети - таза жана адилеттүү шайлоолорду өткөрүү. Мамлекет башчысынын милдетин аткарган премьер-министр президенттик шайлоого катыша албайт. Бул адилеттүүлүк үчүн. Анткени эч ким өз макамынан ашыкча пайдаланбасын деген чек Конституцияда так ушинтип белгиленген", — деп кайрылды Текебаев.

Мындан сырткары, ал президенттик жана парламенттик шайлоону бир күндө өткөрүүнү сунуштады.

Бешинчи президент кантип кетти. Жээнбековдун отставкасынан сүрөт түрмөк

Президентти кызматтан кетирген элдик толкундоо

2020-жылдын 4-октябрындагы парламенттик шайлоонун жыйынтыгына нааразы болгон эл эртеси "Ала-Тоо" аянтына митингге чыккан. Акцияга оппозициялык маанайдагы саясий күчтөр менен биргеликте 10 миңге жакын киши чогулган. Кечинде митингчилер Ак үй тарапка агылып, милиция кызматкерлери менен кагылышкан. Мунун кесепетинен бир адам каза болуп, эки тараптан тең миңге чукул жаран жабыркады. Алты саатка созулган тирешүүдөн кийин күч түзүмдөрү артка чегинип, эл Ак үйдү басып алган.

Андан соң абакта жаткан мурдагы президент Алмазбек Атамбаев, экс-премьер-министр Сапар Исаков жана башка саясатчылар менен катар Садыр Жапаровду да бошотушкан.

9-октябрда Жээнбеков өлкөдө мыйзамдуулук орноп, укуктук талаага кайткандан кийин отставкага кете турганын билдирди.

Жээнбеков расмий түрдө экс-президент болду. Жапаровдун биринчи жарлыгы

Эртеси абактан чыгып кеткен Атамбаев жана башка бир нече аткаминерлер кайрадан кармалды. Сапар Исаков менен Албек Ибраимов абакка кайтпай, ушул тапта алардын кайда экени белгисиз.

Ал ортодо өкмөт үйүнүн алдында жүздөгөн адамдардын митинги токтоосуз өтүп жатты. Алар Жапаровго эки тизгин, бир чылбырды берүүнү талап кылып турушту.

Ал эми Садыр Жапаров жаңы өкмөттү курап келип, 14-октябрда ЖК тарабынан премьер-министрликке дайындалды. Ошол эле күнү Жапаров президент элдин талабын аткарып тез арада отставкага кетиши керектигин айтып чыкты. Бирок Жээнбеков парламенттик шайлоону өткөрүп коюп анан кызматын тапшырарын билдирип жаткан.

Деген менен эртеси, 15-октябрда, мамлекет башчы отставкага кетүү чечимин кабыл алганын жар салды.

758
Белгилер:
бийлик, шайлоо, отставка, президент, Садыр Жапаров, Сооронбай Жээнбеков
Тема:
Парламенттик шайлоодон кийинки окуялар (464)
Тема боюнча
Сооронбай Жээнбеков аткарылбай калган кыялын айтты
Отставкага кеткен Жээнбековдун жума намазга барган видеосу жарыяланды
Касымалиева: Жээнбеков кара пиардын курмандыгы болуп калды
61 жаш. Кыргызстандын президенттери кантип кеткен?

Жапаров менен өкмөттүн 19 мүчөсү бир мүнөттө ант берсе кандай болмок. Видео

961
(жаңыланган 21:28 28.10.2020)
Премьер-министр Садыр Жапаров жана жаңыдан дайындалган өкмөт мүчөлөрү Жогорку Кеңештин депутаттарынын жана элдин алдында ант беришти.

КР өкмөтүнүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси. Алар кызматка киришип жатып ант берүүгө милдеттүү.

"Кызматка киришип жатып, өз элимдин, Кыргыз Республикасынын Жогорку Кеңешинин жана президентинин алдында КР Конституциясын жана анын мыйзамдарын ыйык сактоого, өз милдеттеримди ак ниетим менен берилип аткарууга, Кыргызстан элинин алдында кызмат кылууга ант беремин! Берген антымды бузган учурда КР мыйзамдарына ылайык жоопкерчилик тартууга даярмын", — дешти өкмөт мүчөлөрү.

Шашкалактаган, кайра кайталаган министрлер. Өкмөт мүчөлөрүнүн ант берген сүрөттөрү

Тышкы иштер министри Руслан Казакбаев Нур-Султанга иш сапар менен кеткендиктен ант берүү аземине катышкан жок.

Ал эми эмгек жана социалдык өнүктүрүү министри кызматына Аида Исмаилованы парламент колдобой койду. Мындан улам эки министр ант бербей калды.

Соңунда Садыр Жапаров аларга кайрылып, болгон билим, тажрыйбасын өлкөнү өнүктүрүүгө, абалды турукташтырууга жумшоого чакырды. Ошондой эле Конституциялык реформаларды бир адамдын эмес, жалпы элдин кызыкчылыгы үчүн жүргүзүүгө жардам берерине ишеним артты.

961
Белгилер:
вице-премьер-министр, ант берүү, өкмөт, Садыр Жапаров
Тема боюнча
Садыр Жапаров депутаттардын алдында ант берди. Видео
Акылбек Жапаров үч күн таптырбай кайда жүргөнүн айтты

ЖКККББдин жетекчи орун басарынын пара алып жаткан учуру видеого түшүп калган

270
Шектүү УКМКнын тергөө абагына киргизилип, Кылмыш-жаза кодексинин "Пара алуу" беренеси боюнча сотко чейинки өндүрүш иши башталды.

ИИМдин Жол кыймылы коопсуздугун камсыздоо башкы башкармалыгынын жетекчисинин орун басары С.Н.Р. кармалды. Бул тууралуу УКМКдан кабарлашты.

Комитет анын кызматкерлерден акча алып жаткан учурунун видеосун жарыялады.

Маалыматка караганда, ЖКККББдин жетекчилик кызматтагы адамдары сый акы алганы боюнча коррупциялык схема аныкталган.

УКМК кримтөбөл Камчы Көлбаев бошотулат деген кептерге жооп кайтарды

Ведомстводо мындай инициалдарга туура келген бир эле орун басар бар. Ал — Сатыбалдиев Нур Рысканович. Сатыбалдиев бир жыл мурун Бишкекте түзүлгөн Кайгуул күзөт милициясына адамдарды жумушка алууда акча алып турган деп шектелип жатат.

Мындан сырткары, ал иштеп жаткан милиционерлерди кызматынан көтөрүү үчүн пара алып турганы кабарланды.

Шектүү УКМКнын тергөө абагына киргизилип, Кылмыш-жаза кодексинин 325-беренеси ("Пара алуу") боюнча сотко чейинки өндүрүш башталды.

270
Белгилер:
милиция, пара, ЖКККББ
Тема боюнча
ЖКККББнын жетекчи орун басары коррупцияга шектелип кармалды
Бишкек шаарынын мэринин милдетин аткаруучу болуп Балбак Түлөбаев. Архив

Кайрадан орун алмашуу. Балбак Түлөбаев жаңы вицелерди дайындады

0
(жаңыланган 10:49 29.10.2020)
Кадрдык өзгөрүүлөр тууралуу тиешелүү токтомго шаарга жаңы эле башчынын милдетин аткаруучу болуп келген Балбак Түлөбаев кол койгон.

БИШКЕК, 29-окт. — Sputnik. Бишкек мэриясында кайрадан кадрдык алмашуу болуп, Алмаз Бакетаев биринчи вице-мэрликке кайтып келди. Бул туурасында муниципалитеттин маалымат кызматынан кабарлашты.

  • Алмаз Бакетаев биринчи вице-мэрликке кайтып келди
    Алмаз Бакетаев биринчи вице-мэрликке кайтып келди
    © Фото / Республиканский штаб КР по борьбе с COVID-19
  • Социалдык суроолор боюнча вице-мэрликке Айжан Чыныбаева дайындалды
    Социалдык суроолор боюнча вице-мэрликке Айжан Чыныбаева дайындалды
    © Sputnik / Табылды Кадырбеков
1 / 2
© Фото / Республиканский штаб КР по борьбе с COVID-19
Алмаз Бакетаев биринчи вице-мэрликке кайтып келди

Анын ордундагы Нариман Түлеев иштен бошотулган.

Бишкек мэриясынын алдында кайрадан митинг. Сүрөт, видео

Ал эми социалдык суроолор боюнча вице-мэрликке Айжан Чыныбаева дайындалды.

Тиешелүү токтомдорго шаарга жаңы эле башчылыктык милдетин аткаруучу болуп келген Балбак Түлөбаев кол койгону белгилүү болду.

Калаа башчысынын 5-6-октябрдагы элдик толкундоо болгондон бери талашта болчу. Азиз Суракматов өз каалоосу менен арызын жазып кеткенден кийин анын ордуна биринчи вице-мэр болуп дайындалган Нариман Түлеев келген. Бирок анын бул кызматка келишине нааразы болгон эл мэриянын алдында митинг өткөрүп, жыйынтыгында Түлеев кетип, мэрдин милдетин вице-мэр Алмаз Бакетаев аткара баштаган.

Бирок абал тынчыбагандыктан, Нариман Түлеев кызматтан кетүү боюнча арызын кайра кайтарып алган. Бишкек шаарынын мэриясы учурда калаа жетекчисинин милдетин мыйзамдуу түрдө аткаруучу болуп вице-мэр Нариман Түлеев эсептеле турганын билдирген.

Ага нааразы болгон топ 26-октябрда кайра мэриянын алдында митинг өткөргөн.

Көп өтпөй учурдагы бийлик мэриянын мурдагы аппарат жетекчиси Балбак Түлөбаевди өкмөттүн Ысык-Көл облусу боюнча ыйгарым укуктуу өкүлчүлүгүнөн бошотуп, Бишкектин мэринин милдетин аткаруучу кылып дайындаган.

0
Белгилер:
вице-мэр, Бишкек, Кыргызстан
Тема боюнча
Балбак Түлөбаев ишке киришери менен эки вице-мэр кызматтан кетти