Түркия жаңы аскер техникасын "Тулпар" деп атады. Видео

311
(жаңыланган 11:04 19.10.2020)
Tulpar согуштук техникасын атайын даярдыктагы аскерлер жана жөө аскерлер пайдаланат. Жаңы муундун машинасы ыкчамдыгы менен айырмаланары айтылды.

Түркия жаңы чыгарган жөө аскерлер техникасына Tulpar (“Тулпар”) деген аталыш ыйгарды. Бул тууралуу аталган аскердик техниканы чыгарып жаткан Otokar компаниясынын башкы директору Сердар Гергүч “Анадолу” агенттигине берген маегинде билдирген. 

Сердар Гергүч аскердик техника “Манас” эпосундагы жоокерге жан жолдош болгон жылкы баласынын урматына коюлганын белгиледи.

Анын айтымында, жаңы техника Түндүк атлантикалык альянстын (НАТО ) стандарттарынын негизинде сыноодон ийгиликтүү өтүп, учурда Түркия президентинин администрациясынын коргонуу өнөр жайы башкармалыгынын колдоосу менен чыгарууга даяр турат.

Россия Канттагы базага абадагы кол салуудан коргонуучу техника орнотмокчу

“Бул аскер машинасы акыркы технологияларды колдонуу менен чыгарылган. Ал эң татаал климаттык шарттагы сыноолордон өткөн. Жаңы муундун техникасы ыкчамдыгы жана ок атуу артыкчылыгы менен айырмаланат. Учурда аны көп санда чыгарууга толук даярбыз. Бул Түркиянын жеке өзү чыгарган алгачкы аскердик техникасы”, — деген Гергүч.

Tulpar машинасын атайын даярдыктагы аскерлер жана жөө аскерлер пайдаланат. 

311
Белгилер:
аскердик-техника, Манас эпосу, Түркия
Тема боюнча
Кыргызстан "Танк биатлонуна" катышты. Видео

Бишкектеги маршрутка айдоочулары күнүнө канча акча табат? Видео

121
(жаңыланган 18:49 22.01.2021)
Sputnik Кыргызстан маалымат агенттигинин кабарчысы Бишкекте маршруттук таксилердин айдоочулары менен сүйлөшүп, күнүнө канча акча табарын сураштырды.

18-январда айрым маршрутка айдоочулары жумушка чыкпай коюшкан. Алар жол кирени 5 сомго жогорулатууну талап кылып, жол акы 2012-жылдан бери көтөрүлө электигин белгилешкен. Мэр бул маселени чечүүгө убакыт керектигин айткан.

Анткен менен бүгүн киши ташуучу жеке компаниялардын жетекчилери мэрдин милдетин аткаруучу Балбак Түлөбаевден кичи автобустардагы жол кирени 19-20 сомго чейин көтөрүүнү талап кылышкан. Азырынча жол кире боюнча так бир чечим чыга элек.

Түлөбаев болсо мэриянын алдында транспорттук саясат боюнча кеңеш түзүүнү тапшырды. Ал борбор калаанын транспорттук тутумун реформалоо үчүн жарандардын, айдоочулардын, муниципалдык кызматкерлердин жана жеке транспорттук компаниялардын жетекчилеринин жолугушуусу үчүн аянтча болуп бермекчи.

Мэр, ошондой эле, натыйжалуу иш алып баруу үчүн жеке фирмалардын жетекчилеринин атынан бир өкүлдү тандап, аны өзүнүн коомдук кеңешчиси кылууну суранган.

Бүгүнкү күндө маршруттук таксилердин айдоочулары канча табарын сураштырдык. Алардын айтымында, киреше канча каттам жасагандыгына жараша түшөт. Айрымдары күнүнө 700 сомго чейин, кээ бири 1 500 сомго чейин акча каражаты өздөрүндө каларын айтышты.

121
Белгилер:
Киреше, жол кире, айдоочу, маршрутка, Бишкек мэриясы, Бишкек
Тема боюнча
Бишкекте маршруткалар боюнча абал кандай экенин мэриядан айтып беришти
Иш таштаган маршрутка айдоочулары. Үч компанияга эскертүү берилди
Маршрутка айдоочулары жол акыны 20 сомго көтөрүүнү талап кылды. Мэрдин сунушу

Жетер чегине жетти! Маркум депутаттын кызы ыйлап баяндама жасады. Видео

2886
Пандемия маалында бийлик тарабынан жасалган иштерди иликтеген жумушчу комиссия бүгүн маалымат жыйын өткөрүп корутундусун жарыялады. Анда маркум депутат Чыныбай Турсунбековдун баяндама жасаган кызы Айдай Турсунбекова ыйлап жиберди.

Турсунбекова комиссияга пандемияда каза болгондордун жакындарынын атынан кирген. Ал баяндамасын аяктап жатып өлкөнүн медицинасы дээрлик талкаланып бүтүп, жетер чегине жеткенин белгиледи.

"COVID-19 пандемиясы биздин саламаттык сактоо тармагынын абалын көрсөтүп койду. Мен көргөндөн бир гана саламаттыкты сактоо системасы чириген эмес, башкалары да бар. Ал жерде эч нерсе кылбай, жылдап жетекчилик кызматта отургандар, бир кызматтан экинчисине секирип жүргөндөр айрым олигарх врачтарга мамлекеттик ооруканаларда жеке бизнесин жүргүзүүгө шарт түзүп берип жатат. Ошол эле учурда биздин жаш, кесипкөй кадрлар жумуш издеп чет өлкөлөргө кетүүгө аргасыз болууда", — деди Турсунбекова.

Мындан улам ал пандемияда жакындарын жоготкон адамдар укук коргоо органдарынан гуманитардык жардамдар, донорлор берген каражат каякка жумшалганын тактап беришин сурана турганын белгиледи.

Себеби баасы 600-650 сом турган жеке коргонуучу бир костюмду мамлекет 6000 сомго сатып алган учурлар бар экенин айтат.

Пандемиянын кесепеттерин иликтеген комиссиянын курамына дарыгерлер, ыктыярчылар, журналисттер жана коронавирустун курмандыгы болгондордун жакындары кирген. Изилдөөнүн жыйынтыгы рекомендациялык мүнөзгө ээ жана ал Коопсуздук кеңешине өткөрүлүп берилет.

2886
Белгилер:
медицина, пандемия, иликтөө, комиссия
Тема боюнча
Комиссия Республикалык штабдын пандемиядагы эң биринчи катасын атады
Комиссия: пандемияда көз жумгандардын саны расмий маалыматка төп келбей жатат
УКМКнын мурдагы төрагасы Абдил Сегизбаев. Архив

Абдил Сегизбаев ага козголгон кылмыш иши боюнча үн катты

0
(жаңыланган 22:10 22.01.2021)
Сегизбаев кызмат адамдары менен мамлекеттин өзгөчө коргоосундагы жайыт жерлеринин бүтүндүгүнө кол салган деп шектелүүдө.

БИШКЕК, 22-янв. — Sputnik. УКМКнын мурдагы төрагасы Абдил Сегизбаев ага карата кылмыш иши козголушу боюнча маалымат жыйын берди.

Эске салсак, Сегизбаев Аламүдүн райондук администрациясынын жана Аламүдүн районунун Таш-Мойнок айыл өкмөтүнүн кызмат адамдары менен мамлекеттин өзгөчө коргоосундагы жайыт жерлеринин бүтүндүгүнө кол салган деп шектелүүдө. Ага Жазык кодексинин 319-беренеси ("Коррупция") боюнча кылмыш иши козголду.

"Мага коюлган берененин эч бир негизи жок. Коррупция деген такыр башка түшүнүк. Анда кызматкер материалдык пайда көрүү үчүн атайын иш-аракеттерди жасайт. Ал эми Башкы прокуратура мени кызмат адамдары менен жайыт жерлерин мыйзамсыз трансформациялаган деп айыптоодо", — деди.

Ал 2008-жылы жайытты ижарага алып иштеткенин айтып, жашыл китебин көрсөткөн. Ал убакта эч бир мамлекеттик кызматта иштебегенин да билдирген.

Ошондой эле Сегизбаев ашыкча байлыгы жок экенин айткан.

"Атамдын Кой-Таштагы үйү мага катталган. Аны эки жыл мурун чоң атасын эстеп жүрсүн деп уулума берүүнү чечкенбиз, бирок балам бойго жете элек. Биринчи батиримди студент кезде эле алгам. Азыр ошол атамдын үйүндөбүз, оңдоп-түзөө иштерин жүргүзүп жатабыз", — деди Сегизбаев.

Ал эми президенттик компанияны багбанчылык жана мал чарбачылыгынан түшкөн кирешеден каржылаганын кошумчалаган. Мамлекеттик кызматка киришкенден кийин бул тармакты эжесинин башкаруусуна өткөрүп бергенин айткан.

0
Белгилер:
кылмыш иши, Абдил Сегизбаев, УКМК
Тема боюнча
Боронов сурактан чыгып, Финпол эмнеге чакырганын айтып берди
Атаандаштарын артта калтырган Садыр Жапаров тууралуу 14 факты