Эс алуу бөлмөсүндө акча санап отурган. Аламүдүндүн прокурорун кармаган видео

11190
Чүй облусунун Аламүдүн районунун прокурору жана орун басары пара алууга шектелип кармалды. Улуттук коопсуздук мамлекеттик комитети аларды колго түшүрүү учурунда тартылган видеону жарыялады.

УКМКнын Коррупцияга каршы күрөшүү кызматына Аламүдүн районунун прокуратурасындагы системалык коррупция фактылары жөнүндө маалымат түшкөн. Анын алкагында Жазык кодексинин 325-беренеси ("Пара алуу") боюнча сотко чейинки өндүрүш башталганы айтылат.

"Аламүдүн районунда иштеген укук коргоо органдарын көзөмөлдөгөн прокурор тергөө бөлүмдөрү менен келишим түзүп, процесстик чечим кабыл алуу үчүн кылмыш ишин козгоп жаткан адамдардан туруктуу негизде акча алып тургандыгы аныкталды. 11-ноябрда Башкы прокуратуранын Ички коопсуздук жана ички иликтөө башкармалыгы менен биргеликте ыкчам-иликтөө иш-чаралары жүргүзүлгөн. Анын алкагында Аламүдүн районунун прокурору С.Э.А. жана анын орун басары М.А.С. кармалды", — деп айтылат маалыматта.

500 миң сом сураган. Көмүр боюнча тендердик комиссиянын мүчөсү кармалды

Алар УКМКнын убактылуу кармоочу жайына киргизилген. Кылмышка тиешеси бар башка кызмат адамдарын аныктоо иштери жүргүзүлүүдө.

11190
Белгилер:
кармоо, прокурор, пара алуу, кылмыш, УКМК
Тема боюнча
Бакиевдин жакындарына жардам берген. Бишкекте мурдагы судья кармалды
Сузакта милиция кызматкери 30 000 сом пара алып жатканда кармалды

Тынчтыкка карай... Россия Тоолуу Карабахка кандай жардам берип жатат

3
Өзүн-өзү эркин деп жарыялаган Тоолуу Карабах республикасынын жашоочулары согуштан кийин акырындык менен үйлөрүнө кайта баштады. Аларга россиялык тынчтык орнотуучулар менен ӨКМ куткаруучулары жардам берүүдө.

Аскер инженерлери согуш учурунда талкаланган аймакта байланыш каражаттары менен инфраструктураны калыбына келтирүүгө жардам берүүдө. Ошондой эле жол кыймылы калыбына келип, борбор калаада коомдук транспорт каттай баштады.

Адистер мурда согуш талаасы болгон аймактын ар бир метринен жарылуучу заттарды издеп, учурда 2 гектар аймак менен 3 чакырым жолду тыкыр карап чыгышты. Көптөгөн жарандык жана социалдык объектилер текшерилди.

3
Белгилер:
жашоо, эл, тынчтык, Тоолуу Карабах, Россия
Тема:
Тоолуу Карабахтагы жаңжал
Тема боюнча
Кадам сайын жарылбасын! Карабахтагы миналарды зыянсыздандыруу аракеттери
Карабахтагы сириялык туркомандар: согушууга барышканбы же жайгашуугабы?

Майк Тайсон менен Рой Жонстун көз караштар таймашынын видеосу

358
(жаңыланган 14:39 28.11.2020)
Беттеш сегиз раундга, анын бир бөлүгү эки мүнөткө ылайыкташкан. Мушкерлер шлем кийишпейт, 12 унций салмактагы машыгууда кийилүүчү мээлей менен беттешет.

Кесипкөй бокстун дөө-шаалары Майк Тайсон менен Рой Жонс кенжеси беттеш алдында таразага түшүп, көз караштар таймашын өткөрдү. Тайсон атаандашынан 5 килограммга оор болгонун Р-Спорт маалымат булагы жазып чыкты.

Беттеш 28-ноябрда АКШнын Калифорния шаарында өтөт. Жума күнү өткөн таразага түшүү аземинде америкалык Майк Тайсон 220,4 фунт (99,97 килограмм), ал эми анын атаандашы Россиянын жарандыгын алган Рой Жонстун салмагы 210 фунт (95,25 килограмм) чыккан.

Кайрымдуулук беттеш буга чейин 12-сентябрда Калифорнияда болору айтылып, Тайсондун командасынын спорттук иш-чарадан түшүүчү кирешени арттыруу максатында айткан өтүнүчү менен уюштуруучулар аны кийинкиге жылдырышкан.

Беттеш сегиз раундга ылайыкташкан. Ар бир бөлүк эки мүнөткө белгиленген. Алар шлем кийишпейт, 12 унций салмактагы машыгууда кийилүүчү мээлей менен беттешет.

Таймаштагы эсепти Дүйнөлүк бокс кеңешинин (WBC) өкүлдөрү жүргүзөт. ЖМКларда айтылган маалыматтарга ылайык, бул беттештен Майк Тайсон 10 миллион доллар гонорар алат, ал эми кенже Рой Жонс үч миллион доллардын тегерегинде пайда табат.

Sputnik Кыргызстан ата мекендик көрүнүктүү бокс чеберлери, машыктыруучулардын бул беттешке болгон болжолдорун билип көргөн.

358
Белгилер:
беттешүү, бокс, Рой Жонс, Майк Тайсон
Тема боюнча
Тайсон Жонсту тез утпаса иш чатак болот. КР боксчуларынын беттешке божомолу