Көзгө жаш алып, күпүлдөп манас айткан Сыдыков. Толкунданткан иш-чаранын видеосу

529
(жаңыланган 16:00 13.11.2020)
Манасчы Дөөлөт Сыдыков ордунан жылбай, суу ичпей 14 саат 27 мүнөт тынбай манас айтты. Аянтка чогулгандар болсо жааган карга карабай аны сүрөп, колдоп турушту. Sputnik Кыргызстан агенттиги элдин эсинде калган өзгөчө иш-чаранын видеосун тартуулайт.

Манас айтуу иш-чарасы 12-ноябрь күнү эртең мененки саат 9:00дө башталды. Ак элечек кийген аялдар, тебетей, калпакчан эркектер, айтор, салттуу кийим кийген жоон топ "Манас" деп ураан чакырып, залкар манасчыны "Ала-Тоо" аянтына коштоп келишти.

Манас айтардын алдында Дөөлөт Сыдыковго олимпиада чемпиону Каныбек Осмоналиев ак батасын берди.

"Кыргыз тарыхын бүткүл дүйнөгө жарыялап жүрө бер. Өмүр бою кыргыз элине кызмат кылып, Алла колдоп, ден соолукта бол!", — деп алкады Осмоналиев.

Ошентип Дөөлөт Сыдыков "Манас" эпосун эртең мененки саат 9:42де айтып баштады. Борбордук "Ала-Тоо" аянтында Манастын эстелигинин жанына бийиктиги беш метр айнектен жасалган боз үй (атайын жай) курулган. Манасчы Сыдыков ошол үйдүн ичинде отуруп айтты. Ал эми аянтка келген эл аны атайын коюлган монитордон көрүп жатышты.

Манасчы эпосту айтып бүткүчө тамак эмес суу дагы ичкен жок, бир ордунан жылбай, эс албай күпүлдөдү. Бир маалда көзүнөн жаш төгүлүп, ыйлап кирди. Ошентип 9:42де айтып баштаган манасчы эпосту саат 00:27де, түн бир оокумда жыйынтыктады. Баш-аягы 14 саат 27 мүнөт айтып, рекорд жасады. Уюштуруучулар аны ошондо да араң токтотушту. Жааган карга карабай "Манас" эпосун угууга келгендер манасчыны колдоп, сүрөп, "Манас" деп ураан чакырып турушту.

Эпосту тыным албай, узак убакыт айткан мындай окуя Кыргызстандын тарыхында алгачкы ирет болуп жатат.

Бул иш-чаранын максаты — элди ынтымакка, биримдикке чакыруу жана узак убакытка тынбай манас айтууну Гиннестин рекорддор китебине каттатуу.

Филологдордун айтымында, Дөөлөт Сыдыков Манастын бабаларынан тартып, кыргыздардын Алтайдан Ала-Тоого көчө турган мезгилине чейин айткан.

529
Белгилер:
аянт, эл, видео, иш-чара, Дөөлөт Сыдыков, манасчы, Манас эпосу
Тема боюнча
Адистер манасчы Дөөлөт Сыдыковдун феноменин изилдөө үчүн канынан анализ алды
14 сааттан ашты! Дөөлөт Сыдыков манас айтып бүттү. Видео

Тарап, тазалап. Кабыландын баласын "багып алган" маймылдын күлкүлүү видеосу

171
Түштүк Африкадагы Пилейнсберг улуттук паркына барган саякатчылар кабыландын баласын көтөрүп жүргөн маймылды (павиан) видеого тартып алышкан. Ролик Kruger Sightings Youtube каналына жарыяланды.

Видеонун автору Пол Вуддун айтымында, паркка барган кезинде павиандардын үйүрүн көрүп, алардын бири леопарддын баласын бооруна кысып жүргөнүн байкаган. Вуд алгач леопард өлүп калган го деп ойлогон.

"Павиан леопарддын баласын кармап алып отуруптур. Бир маалда анын жүнүн тарап, үңүлө карап, тазалап баштады. Маймыл ар бир кыймылын дыкаттык менен жасагандыктан, сырттан караган киши анын кичинекей күчүккө зыянын келтирип албайын деген аракетин байкоого болот", — деп жазган саякатчы.

Павиандар Түштүк Африкада кеңири жайылган маймылдардын түрү. Тулку боюнун узундугу 40-110 сантиметрге жетет. Эгерде коркунуч жаралса, тобундагы маймылдарды жырткычтарды ар кыл үн менен чаңырып, кыйкырып алыстатып, коргойт.

171
Белгилер:
кабылан, маймыл, жаратылыш, Түштүк Африка Республикасы
Тема боюнча
Айбан болсо да... Маймыл токко урунган башка маймылды сактап калды. Видео

Финполдун тергөөчүсүнө 250 миң сом пара берип жаткан адам кармалды. Видео

2913
(жаңыланган 13:35 03.12.2020)
Экономикалык кылмыштарга каршы күрөшүү кызматы Ысык-Көл облусунда кызмат адамына 250 миң сом өлчөмүндө пара берип жаткан адамды кармады.

Финполдун маалымат кызматынын билдиришинче, 1-декабрда Т.А. аттуу жаран кылмыш иши боюнча маселени өзүнүн пайдасына чечүүгө аракет кылып, тергөөчүгө ири өлчөмдөгү пара берип жаткан жеринен колго түшүрүлгөн.

Сотко чейинки өндүрүштүн материалдары Жазык кодексинин 328-беренеси ("Пара берүү") менен Кылмыш жана жоруктардын бирдиктүү реестрине катталган.

Ал эми кармалган адам Каракол шаардык ички иштер бөлүмүнүн убактылуу кармоочу жайына киргизилип, тергөө жүрүп жатат.

2913
Белгилер:
тергөө, кармоо, пара берүү, финансы полициясы
Тема боюнча
"Кадастрдын" директору Абдумуктар Маматов коррупцияга шектелип кармалды. Сүрөт
Бука сатып берем деген. Ошто элди 1,5 млн. сомго алдап кеткен адам кармалды
Массалык мушташ. Архив

Түндө ЦУМда массалык мушташ чыгып, 15 киши кармалган. Милициянын видеосу

0
(жаңыланган 22:21 03.12.2020)
Жерине кайгуул милициясынын бир экипажы жөнөтүлүп, бирок кишинин көптүгүнө байланыштуу дагы экөө жиберилген. Бирок интернетте андан көп барганы айтылат.

БИШКЕК, 3-дек. — Sputnik. Бүгүн, 3-декабрга караган түнү, Бишкектеги "Айчүрөк" дүр-дүйнө дүкөнүнүн (ЦУМ) жанында массалык мушташ чыгып, 15 киши кармалган. Бул тууралуу Милициянын кайгуул кызматы билдирди.

"Короче" Telegram-каналында ЦУМдун жанында милициянын тогуз унаасы өтүп бараткан видео жүктөлдү.

Бирок кайгуул кызматынын билдиргенине караганда, окуя болгон жерге үч экипаж гана жөнөтүлгөн.

"3-декабрга караган түнү саат 2:30да 102 кызматына ЦУМдун жанында массалык мушташ тууралуу кабар түшкөн. Жерине кайгуул милициясынын бир экипажы жөнөтүлгөн. Бирок кишинин көптүгүнө байланыштуу дагы экөө жиберилген", — деп айтылат маалыматта.

Мушташ токтотулуп, 15тей адам Свердлов райондук милициясына алып келинген. 

0
Белгилер:
унаа, милиция, мушташ, ЦУМ, Бишкек
Тема боюнча
Ош шаарында милиционер менен тургундар мушташа кетти. Видео