Кооптонгон элчи, бийликтин кадамдары. Жапаровдун дипломаттарга жолуккан видеосу

268
(жаңыланган 17:17 13.11.2020)
Бүгүн президенттин милдетин аткаруучу Садыр Жапаров Кыргызстандагы дипломаттар менен жолугуп, өлкөдөгү абал жана жаңы бийликтин кадамдары тууралуу маалымат берди.

Жолугушууга Кыргызстанда иш алып барган чет өлкөлөрдүн элчилери, ардактуу консулдар, эл аралык уюмдардын жана Бириккен Улуттар Уюмунун өкүлдөрү келди.

Жапаров сөзүнүн башында эле өлкөдөгү коомдук-саясий кырдаал турукташып, бийлик 2005-жылдагы жана  2010-жылдагы окуялардан сабак алдык деген пикирин билдирди. Мындан улам өлкөдөгү кырдаал тууралуу ар кандай бүдөмүк ойлордун бардыгын алып салуу үчүн ушундай форматта жолугушууну эп көргөнүн айтты.

"Октябрь айындагы окуялар адилетсиз өткөн шайлоонун натыйжасынан улам болду. Кыргызстандын эли коррупциядан, укуктун жоктугунан жана топтолгон экономикалык көйгөйлөрдөн тажады. Эл эскиче жашагысы келбей, бийликти кетирүү талабы менен аянтка чыгышты. Кыргыз эли чынчыл жана адилеттүү жашоого болгон укугун коргой алды", — деди Жапаров.

Ошону менен бирге ал буга чейин Кыргызстанда болгон эки жолку революцияда мамлекет бир топ убакытка чейин укуктук талаага кире албай калгандыгын айтты. Бул жолу саясий процесстер конституциялык талаага тезинен кайтып келгенин белгиледи.

Мындан сырткары, Жапаров чет өлкөлүк инвесторлор үчүн эшиги ар дайым ачык экенин айтып, бир долбоорду баштаарда үлүш сурагандар мындан ары катуу жазаланарын билдирди.

Азербайжандын Кыргызстандагы элчиси Гидаят Оруджиев өлкөдөгү өткөөл мезгилди экстремисттик күчтөр пайдаланып кетүүгө аракет кылышы мүмкүндүгүн айтты. Мындан улам президенттин милдетин аткаруучудан элчиликтер жайгашкан имараттарга көзөмөлдү күчөтүүнү суранды.

268
Белгилер:
дипломат, элчи, жолугушуу, Садыр Жапаров
Тема боюнча
Жапаров чет өлкөлүк дипломаттарга октябрда эл эмнеге толкуганын айтып берди
Садыр Жапаров президенттин милдетин ким аткарып, премьерлик кимге өтөрүн айтты

Эстеп көрөлү. Макгрегор менен Порьенин алгачкы беттешинин видеосу жарыяланды

164
(жаңыланган 17:45 27.11.2020)
UFC уюмунун экс-чемпиону Конор Макгрегор менен америкалык Дастин Порьенин алгачкы беттешинин видеосу жарыяланды. Ал ирмемдерди уюмдун Facebook баракчасынан көрүүгө болот.

Белгилей кетсек, ирландиялык мушкер америкалык спортчу менен 2014-жылы беттешип, биринчи эле раундда техникалык нокаут менен утуп алган.

Дастин Порье менен Конор Макгрегордун кайрадан октагонго чыгары күтүлүүдө. Алдын ала маалымат боюнча, реванш Абу-Дабидеги "Мушкерлер аралы" спорттук жайында кийинки жылдын 23-январында болот.

Эки мушкер тең буга чейин россиялык спортчу Хабиб Нурмагомедов менен беттешип, жеңилүү ызасын тарткан.

164
Белгилер:
мушкер, видео, беттешүү, Конор Макгрегор, Дастин Порье
Тема боюнча
Эже-сиңди Шевченколордун энеси дүйнө чемпиону болду. Видео
Ар бир булчуңдун кыймылы көрүнүп... Шевченко катышкан турнирден өзгөчө видео
Хабиб Нурмагомедов Жастин Гэтжини утуп алды. Видео
Болгарский вратарь Лудогорец Разград Пламен Илиев пропускает мяч в свои ворота после дальнего удара английского полузащитника «Тоттенхэм Хотспур Гарри Винкса (не видно) во время футбольного матча группы J первого раунда Лиги Европы между Тоттенхэм и Лудогорец в Тоттенхэме. Стадион Хотспур в Лондоне, 26 ноября 2020 года

Тоттенхэм футболчусунун талаа ортосунан киргизген таң калычтуу голу. Видео

192
(жаңыланган 17:17 27.11.2020)
Топ дарбазанын так үстүңкү бурчунан кирип, ага голкипер Пламен Ивановдун колу жетпей калган.

БИШКЕК, 27-ноя. — Sputnik. Англиянын "Тоттенхэм" клубунун футболчусу Гарри Уинкс УЕФАнын Европа лигасы мелдешинде 50 метрдей аралыктан тээп гол киргизди. Бул тууралуу УЕФА уюму расмий сайтына жазып, голдун видеосун жарыялады. 

​Англиялык команда өз үйүндө болгариялык "Лудогорец" менен тайпалык этапта кез келген. Беттештин 63-мүнөтүндө Уинкс голкипердин дарбазадан алыстап кеткенин байкап калып, оюн талаасынын ортосунан, 49 метр аралыктан, топту көкөлөтө тээп гол киргизди. Топ дарбазанын так үстүңкү бурчунан кирип, ага дарбазачы Пламен Ивановдун колу жетпей калган.

​Башкы машыктыруучусу Моуриньонун шакирттери беттеште 4:0 эсебинде утуп, мелдештин плей-офф баскычына жолдомо алышты.

192
Белгилер:
гол, футбол
Тема боюнча
"Чаян сокку". Румыниялык футболчунун кооз голунун видеосу
Казак футболчусу Улуттар лигасында оюн талаасынын ортосунан гол киргизди. Видео
УКМКнын төрагасынын мурдагы орун басары Дүйшөнбек Чоткараев. Архив

УКМК төрагасынын мурдагы орун басары алтын аткезчилиги боюнча суракка чакырылды

0
(жаңыланган 23:02 27.11.2020)
Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

БИШКЕК, 27-ноя. — Sputnik. УКМКнын төрагасынын мурдагы орун басары Дүйшөнбек Чоткараев УКМКга алтын аткезчилиги боюнча тергөө амалдарына катышуу үчүн чакырылды. Бул тууралуу аталган комитеттен билдиришти.

Маалыматка караганда, иштин чоо-жайы тууралуу тергөө амалдарынан кийин айтылат.

Эске салсак, Дүйшөнбек Чоткараев 2016-2018-жылдары УКМКнын төрагасынын орун басары болуп Коррупцияга каршы кызматты жетектеген.

Учурда ал президенттикке талапкерлердин бири Абдил Сегизбаевдин штабын координациялап жатат.

0
Белгилер:
аткезчилик, алтын, Дүйшөнбек Чоткараев, УКМК
Тема боюнча
УКМК төрагасы Камчыбек Ташиев ооруканага түштү
УКМК башчысы Матраимовдун өкүл баласын кабыл алды. Видео