Конституциялык реформалар даярдалып жатат! Жапаровдун элге видеокайрылуусу

231
(жаңыланган 00:01 15.11.2020)
Садыр Жапаров коомчулукка кайрылуу жасап, президенттик ыйгарым укуктарын өткөрүп, премьер-министрлик укуктарын токтотконун айтты.
"Урматтуу мекендештерим, баарыңыздарга белгилүү болгондой, өлкөбүздө президенттик шайлоо жараяны жүрүп жатат. Мен да бүгүн президенттик шайлоого катышуу үчүн арыз бердим. Ушуга байланыштуу мен өлкө президентинин ыйгарым укуктарын мыйзам чегинде тапшырып берип, премьер-министр катары ыйгарым укуктарымды токтотуп, президенттик шайлоого катардагы жаран катары катышайын деп чечтим", — деди Жапаров.

Президенттикке талапкердин элге кайрылуусун видеодон көрүңүздөр.

Белгилей кетсек, Садыр Жапаров 2021-жылдын 10-январында өтө турган президенттик шайлоого аттанды. Бүгүн, 14-ноябрда, Жапаров шайлоого катышуу үчүн Борбордук шайлоо комиссиясына арызын берген.

Эске салсак, парламенттик шайлоодон кийинки өлкөдөгү башаламандыктан соң Садыр Жапаров премьер-министр болуп дайындалып, кийин президенттин милдетин аткаруучу да болуп калган. Конституция боюнча президенттин милдетин аткарып жаткан адам шайлоого бара албайт.

231
Белгилер:
кайрылуу, шайлоо, президент, Садыр Жапаров, Кыргызстан
Тема:
Жаңы Конституциянын долбоору жана референдум (43)
Тема боюнча
Садыр Жапаров президенттик ыйгарым укуктарын тапшырып, премьерлик кызматын токтотту

Эртең мененки жана күндүзгү Бишкектин чочуткан көрүнүшү. Видео

140
(жаңыланган 18:26 01.12.2020)
Бишкекти эртең менен жана күндүз видеого тарттык. Алардын айырмасы кишини чочутпай койбойт. Үч саат ичине борбор калааны коюу ыш басып каларына күбө болдук.

Эртең менен аба салыштырмалуу таза болуп, күндүз кадимкидей булгана баштаганын байкоого болот. Абадагы кир нормадан ашып кеткендиги, ал эми кечинде абал андан да начарлаары алаканга салгандай ачык болуп турат.

Бишкекти ыштан арылтуу үчүн майнаптуу ыкмалар табыла элек болгондуктан, шаардыктар өтө кирдеген аба менен дем алып, жашоосун улантууда.

Мэрия шаардыктарга кайрылып, көчөгө чыгар алдында абаны текшерип алууга, мүмкүн болушунча көчөдө көп жүрбөөнү айткан.

Абанын канчалык деңгээлде булгангандыгын MoveGreen жана AirKaz.org деп аталган экологиялык кыймылдын сайттарынан текшерип алууга болот.

Аба эмнеден булганып жатат?

Анын негизги себептеринин бири шаардын тегерегиндеги конуштарда массалык түрдө от жагуу, автоунаалар бөлүп чыгарган түтүн жана ЖЭБдин түтүнү менен ышы.

140
Белгилер:
аба, экология, кыш, Бишкек
Тема боюнча
Фотофакт: ышка тумчуккан Бишкектин асмандан көрүнүшү

АКШ Афганистанда 10 аскер базасын жапты. Өлкөнү талибдерге салып бердиби?

112
(жаңыланган 13:22 01.12.2020)
АКШ менен "Талибан" кыймылы тарыхый тынчтык макулдашуусуна 2020-жылдын февралында кол койгону белгилүү.

АКШ "Талибан" кыймылы менен кол койгондон тарта Афганистанда кеминде 10 аскер базасын жапты. Бул туурасында The Washington Post басылмасы атын айткысы келбеген америкалык, афганистандык аткаминерлерге таянып билдирди.

Маалыматка караганда, Афганистандын дал тынчыбаган жерлериндеги базалар жабылганы айтылат.

АКШ менен "Талибан" кыймылы тарыхый тынчтык макулдашуусуна 2020-жылдын февралында кол койгон. Анын бир шартында америкалыктар документке кол койгондон тарта 14 ай ичинде Афганистандан аскерлерин алып чыгып кетиши керек эле.

Буга чейин президент Дональд Трамп АКШ Афганистандагы аскерлеринин санын бир топ кыскартарын айткан. Расмий адамдардын билдирүүсүнө караганда, январдын ортолорунда алар 5000ден 2500гө чейин азаймак.

112
Белгилер:
аскердик база, Талибан, Афганистан, АКШ
Тема боюнча
Афганистанда кызмат өтөп келген 9 австралиялык аскер жанын кыйды
Аалам аңтарылчудай... Афганистанда куралданган талибдер, кетип жаткан америкалыктар
Арча-Бешик конушуна асмандан көрүнүш. Архивдик сүрөт

Шаршембиге карата аба ырайы

0
2-декабрга караган түнү өлкөнүн тоолуу райондорунда кар жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 1-дек. — Sputnik. 2-декабрь, шаршембиде, күндүз республиканын көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй облусунда -1…+4, Талас жергесинде 0…-5, Ош, Жалал-Абад, Баткен аймактарында +4…+9, Ысык-Көлдө жана Нарында 0…+5 градусту түзөт.

Ош жана Бишкек шаарларында жаан-чачын күтүлбөйт. Күндүн табы борбордо 0…+2, Ош шаарында +7…+9 градус жылыйт.

0
Белгилер:
Кыргызстан, аба ырайы
Тема боюнча
Дагы кар жаайбы? Бир жумага карата аба ырайы