Аюуларды коркутат дешти. Үрөйдү учурган роботтордун видеосу

589
Акыркы беш жыл ичинде Япониянын батыш жана түштүк тарабында жапайы аюулар адамдарга көбүрөөк кол сала баштады.

Быйыл эле 10 ирет ошондой окуя болуп, сегизинде ажалсыз кишилер аман калса, эки адам жырткычтардын курмандыгы болду. Бул туурасында The Guardian жазды.

Мындай көйгөйдөн арылуу үчүн өкмөт чукул кырдаал кеңешмесинде аюуларды коркута турган роботторду колдонуу чечимин кабыл алган.

Үрөйдү учурган роботтун төрт буту бар, көздөрү күйүп, азууларын шакылдатып турат. Кыймылдаган караанды байкаганда робот-жырткыч башын ары-бери булгалап, абалап үргөн сымал ажылдаган үн чыгарат. Мындай сөлөкөттү көрүп жана уккан жан-жаныбар эрксизден жалт карап, артын көздөй качары турган иш.

Бул "табылгаларды" чыгарган өндүрүштүк компания 2018-жылдан тарта 70 мокочо-роботту саткан.

Жергиликтүү активисттер роботторду өз учурунда коюп калганга жетишкенин айтып беришкен. Себеби ноябрдын аягында аюулар чээнге кирер алдында тамак-аш издегендиктен эки жакка көп чыга башташат да, кишиге кол салуудан кайра тартпайт.

589
Белгилер:
Япония, робот, коркутуу, аюу, чээн, активист
Тема боюнча
Япония: 18 метрлик алп робот алгачкы кадамын таштады. Видео

"Матрица 4" киносунун экинчи трейлери чыкты. Видео

113
(жаңыланган 00:12 07.12.2021)
Warner Brothers Russia YouTube каналына "Матрица 4: Воскрешение" деп аталган кинонун трейлери жарыяланды. Анда башкы ролду Киану Ривз ойнойт.

Трейлерде Нео Тринити (Кэрри-Эн Мосс) менен Неонун виртаулдуу жана реалдуу жашоо жөнүндө диалогу көрсөтүлгөн. Нео "бул жерде" болуп кеткендигин, ал эми Тринити ага дежавю сезими калгандыгын, бирок бир туруп кайра башкача көрүнөрүн айтып жатат.

Трейлерде башкы каармандардын өзгөчө окуялуу учурлары камтылган.

Андагы айтылган анонско караганда, Киану Ривздин каарманы матрицада жашайт, көк таблеткаларды ичет. Мурдагы сюжетте ал иллюзияда да болуп жана виртуалдуу дүйнөнүн бардыгына ишенгени баяндалган.

Тасманын премьерасы Россияда 16-декабрга пландалган. Белгилүү кинотеатрлар тармагы мурдараак кинонун калың элге качан көрсөтүлөрүн билдирген эле.

113
Белгилер:
кино, Киану Ривз, премьера, 'Матрица' тасмасы, трейлер
Тема боюнча
"Кальмар оюну" YouTube тармагында "Игра престолов" сериалынан озуп кетти

Бүгүн Садыр Жапаров 53 жашка чыкты. Шаардыктардын куттуктоосу видеодо

447
(жаңыланган 15:28 06.12.2021)
Бүгүн – Кыргызстандын президенти Садыр Жапаровдун туулган күнү. Ал ушул учурда 53 жаш курагын белгилеп жатат.

Sputnik Кыргызстандын кабарчысы көчөгө чыгып кыргызстандыктардын мамлекет башчыга болгон куттуктоосун жана каалоо-тилегин угуп келди.

Президент Садыр Жапаров жубайы Айгуль менен. Архив
© Пресс-служба президента КР / Султан Досалиев
Жарандар ага биринчи кезекте ден соолук каалашты. Ошондой эле президенттик мөөнөтүндө жолдорду, мектептерди, университеттерди оңдоп, Кыргызстанды өнүктүрсүн деген каалоо-тилектерин айтышты.

Садыр Жапаров 1968-жылы 6-декабрда Ысык-Көлдүн Түп районуна караштуу Кең-Суу айылында туулган. Орто мектепти 1986-жылы аяктап, Фрунзе шаарындагы Мамлекеттик дене тарбия жана спорт институтуна тапшырган. Бир жылдан кийин Советтик Армиянын катарына чакырылып, кызмат өтөп келген. Андан соң кайра окуусун уланткан. Кийин ЖК депутаты болгондо юридикалык билим алган.

Президент Садыр Жапаров тууралуу кызыктуу фактыларды Sputnik агенттигинин материалынан окуңуздар.

447
Белгилер:
Садыр Жапаров, президент, туулган күн, куттуктоо, шаар, эл
Тема боюнча
Келечегибиз аныкталат! Жапаров элди активдүү добуш берүүгө чакырды. Видео
Садыр Жапаров Кара-Кече көмүрү бүгүн 3 000 сомго түшөрүн айтты. Видео
Кишилер Пекиндеги Кышкы Олимпиада оюндарынын логотибинен жанында

АКШ бийлиги Кытайда өтө турган Олимпиада оюндарына бойкот жарыялады

8
(жаңыланган 11:45 07.12.2021)
Жо Байдендин администрациясы 2022-жылдагы Олимпиада жана Паралимпиада оюндарына дипломатиялык дагы, расмий дагы делегация жөнөтпөй турган болду.

БИШКЕК, 7-дек. — Sputnik. АКШ бийлиги 2022-жылы Кытайда өтө турган кышкы Олимпиада оюндарына бойкот жарыялагандыктан, иш-чарага Американын бийлик өкүлдөрү катышпайт. Бул тууралуу Ак үйдүн маалымат катчысы Жен Псаки брифинг учурунда билдирди.

"Кытайдагы адам укугунун бузулушу жана Синьцзяндагы геноцидди эске алуу менен Байдендин администрациясы 2022-жылдагы Олимпиада жана Паралимпиада оюндарына дипломатиялык дагы, расмий дагы делегация жөнөтпөйт", — деди ал брифингде.

Ошол эле учурда бул бойкоттун АКШлык спортчуларга тиешеси жок экени айтылды.

"Ал эми Олимпиада оюндарына катышкан спортчуларыбызды 100 пайыз колдойбуз", — деди Псаки.

Эске салсак, Синьцзяндагы окуяларга байланыштуу АКШ, Улуу Британия жана Европа биримдиги Кытайга каршы санкция жарыялашкан. Алар Кытай бийлиги уйгурлар жана алар сыяктуу башка этникалык азчылыктардын укугун бузуп, эркине каршы эмгегин пайдаланып жатат деп айыптоодо. Пекин бул айыптоолордо айтылгандардын бардыгын төгүндөп келет. Кытай бийлиги Синьцзянга байланыштуу окуялар адам укугуна эмес, террорчулук жана сепаратизмге тиешелүү экенин билдирет.

8
Белгилер:
АКШ, Кытай, олимпиада, адам укугу, спорт, саясат, бойкот
Тема боюнча
Сүйүнүчтүү кабар! Лыжачы Максим Гордеев кышкы Олимпиадага катышууга лицензия алды
Кеңешбеков: кыргызстандыктар марафондук жарышта Олимпиадада медаль ала алат