Журналист түз эфир алып барып жатканда көпүрөнүн бир бөлүгү урап түштү. Видео

580
(жаңыланган 18:59 16.11.2020)
Американын Түндүк Каролина штатында жергиликтүү телеканалдардын биринин кабарчысы аба ырайы тууралуу түз эфир алып барып жаткан кезде көпүрөнүн бир бөлүгү урап кеткен.

Fox 46 телеканалы маалымдагандай, окуя Александр аймагындагы Хидденит көпүрөсүндө болгон.

Жамгыр катуу жаагандыктан аталган аймактагы унаа жолдорду суу каптап, айрым дарыялар жээкке аша баштаган.

Телеканалдардын биринин кабарчысы Эмбер Робертс тынбай жааган жаандан суунун көлөмү көтөрүлө баштаганын айтып жатканда көпүрөнүн бир бөлүгү урап түшкөн. Аз жерден сууга түшүп кете жаздаган кабарчы сүйлөп жатып кыйкырып жиберген.

Журналист түз эфир кылып жатканда көпүрөдө алардан башка дагы бир адам болгон. Ал дагы чуркап артка качкан. Бактыга жараша кырсыктан эч ким жабыркаган эмес.

580
Белгилер:
кырсык, кабарчы, видео, түз эфир, көпүрө, АКШ
Тема боюнча
Түз эфир учурунда студияга кирген уурулар конокторду карактап кетти. Видео

Майк Тайсон менен Рой Жонстун көз караштар таймашынын видеосу

204
(жаңыланган 14:39 28.11.2020)
Беттеш сегиз раундга, анын бир бөлүгү эки мүнөткө ылайыкташкан. Мушкерлер шлем кийишпейт, 12 унций салмактагы машыгууда кийилүүчү мээлей менен беттешет.

Кесипкөй бокстун дөө-шаалары Майк Тайсон менен Рой Жонс кенжеси беттеш алдында таразага түшүп, көз караштар таймашын өткөрдү. Тайсон атаандашынан 5 килограммга оор болгонун Р-Спорт маалымат булагы жазып чыкты.

Беттеш 28-ноябрда АКШнын Калифорния шаарында өтөт. Жума күнү өткөн таразага түшүү аземинде америкалык Майк Тайсон 220,4 фунт (99,97 килограмм), ал эми анын атаандашы Россиянын жарандыгын алган Рой Жонстун салмагы 210 фунт (95,25 килограмм) чыккан.

Кайрымдуулук беттеш буга чейин 12-сентябрда Калифорнияда болору айтылып, Тайсондун командасынын спорттук иш-чарадан түшүүчү кирешени арттыруу максатында айткан өтүнүчү менен уюштуруучулар аны кийинкиге жылдырышкан.

Беттеш сегиз раундга ылайыкташкан. Ар бир бөлүк эки мүнөткө белгиленген. Алар шлем кийишпейт, 12 унций салмактагы машыгууда кийилүүчү мээлей менен беттешет.

Таймаштагы эсепти Дүйнөлүк бокс кеңешинин (WBC) өкүлдөрү жүргүзөт. ЖМКларда айтылган маалыматтарга ылайык, бул беттештен Майк Тайсон 10 миллион доллар гонорар алат, ал эми кенже Рой Жонс үч миллион доллардын тегерегинде пайда табат.

Sputnik Кыргызстан ата мекендик көрүнүктүү бокс чеберлери, машыктыруучулардын бул беттешке болгон болжолдорун билип көргөн.

204
Белгилер:
беттешүү, бокс, Рой Жонс, Майк Тайсон
Тема боюнча
Тайсон Жонсту тез утпаса иш чатак болот. КР боксчуларынын беттешке божомолу

Кыргыз сотунун тарыхы. Үч мүнөткө сыйган архивдик видео

51
(жаңыланган 10:59 28.11.2020)
Кыргыз сотуна быйыл 96 жыл толду. Бул орган 1924-жылдын 30-ноябрында өз ишмердүүлүгүн расмий түрдө баштаган. Бул күнгө карата Жогорку сот архивдик материалдарды камтыган видеоролик даярдап чыгарды.

Андагы маалыматка ылайык, 1924-жылы кыргыз элинин Кара-Кыргыз автоном облусу негизделип, алгачкы облустук уюм-мекемелер, анын ичинде облустук сот да түзүлө баштаган.

Ошол учурда кыргыз сотунун эң биринчи төрагасы болуп Лев Авербург дайындалган. Облустук соттун курамына пленум, президиум жана кылмыш, жарандык, тартип иштерин кароочу коллегиялар кирген.

Кыргыз АССРинин кайра түзүлгөн Башкы сотунун төрагалыгына Иманбек Текеев шайланган.

1930-жылдын сентябрында Кыргызстандын аймагы 24 административдик районго бөлүнгөн. Ушуга байланыштуу республикада 24 райондук сот жана Фрунзе шаарында элдик соттун 2 участкасы уюштурулган.

Тилекке каршы, адилет сот ишинин эң эле чынчыл жана өз ишин так аткарган кызматкерлери репрессиянын курмандыгына айланганы айтылат.

Репрессияга кабылгандардын катарында өлкөнүн жогорку сот органына түрдүү мезгилдерде жетекчилик кылган төмөнкү адамдар болгон:

  • Лев Авербург (1924-1925);
  • Иманбек Текеев (1927);
  • Курманалы Кулумбаев (1927-1928);
  • Иманалы Айдарбеков (1928-1929);
  • Ян Цимдин (1929-1931);
  • Фахритдинов (1932);
  • Абдыкадыр Абдраимов (1931);
  • Коенбай Орозбакиев (1932);
  • Санжар Сегизбаев (1937);
  • Садвакас Дүйшөналиев (1938-1940).

1960-жылы өлкөнүн сот түзүлүшү жөнүндөгү мыйзам кабыл алынып, кыргыз сотунун кесиптик ишмердигинин негизги принциптери тастыкталган.

Ал эми Кыргызстан эгемендүүлүктү алгандан кийин сот өндүрүшүндө, сот түзүлүшүндө процесстик жана материалдык мыйзам жаатында орчундуу өзгөрүүлөр болгон.

Азыркы тапта Жогорку сотту 2018-жылдан бери Гүлбара Калиева жетектеп келет.

51
Белгилер:
Кыргызстан, репрессия, архив, тарых, сот
Тема боюнча
Кыргызстан сотторунун Батыштыкынан артыкчылыгын Калиева айтып берди
Мушкер. Архив

ММА мушкери атаандашын башка тээп нокаутка түшүргөн видео

0
(жаңыланган 15:42 28.11.2020)
Онищук жалпысынан ММА спортунда сегиз беттеш өткөрүп, анын жетөөсүн утуп, бир жолу жеңилген. Атаандашы 10 беттештин алтоосун уткан.

БИШКЕК, 28-ноя. — Sputnik. Польшалык ММА мушкери Камиль Онищук атаандашын сулата тээп бүк түшүрдү. Мындай кызыктуу учурду ACA MMA уюму өзүнүн Instagram баракчасына жарыялады. 

Посмотреть эту публикацию в Instagram

Публикация от ACA MMA (@aca_mma)

Польшанын Лодзе шаарында өткөн ACA 114 мелдешинде Камиль Онищук жердеши Кристиан Бельски менен кез келип, тик турган абалда анын баш тушуна тээп кулаткан.

Беттештин алгачкы мүнөттөрүндөгү Бельскинин үстөмдүгүнө карабастан Онищук үчүнчү раундда сол буту менен катуу тепкен. Бул соккуга даяр эмес болгон Бельски тик турган жеринен канваска кулаган.

Калыс заматта беттешти токтотуп, жеңишти Камиль Онищукка ыйгарган. Промоушен да анын нокаутун баалап, бонус берген.

Онищук жалпысынан ММА спортунда сегиз беттеш өткөрүп, анын жетөөсүн утуп, бир жолу жеңилген. Атаандашы 10 беттештин алтоосун уткан.

0
Белгилер:
ММА, нокаут, беттешүү
Тема боюнча
Валентина Шевченко каршылашы Майяны токмоктоп чемпиондук наамын сактап калды. Видео
Ай-буйга келтирбей, үч секундада жыга чапты. АКШдагы беттештин видеосу