Үмүтүн үзбөгөн "Хатико". Маркум ээсин 11 жылдан бери күткөн иттин видеосу

607
Россиянын аймагында Тобольск — Туртас трассасынын аймагында Мишка аттуу ит жашайт. Аны ары-бери өткөндөр көрө берип таанып бүтүшкөн.

Аңыз болуп айтылган ит тууралуу РИА Новости видео даярдаган.

Жергиликтүү тургун Ризван Кагермановдун айтымында, иттин кожоюнун кайсы бир аткаминердин кортежиндеги автоунаа сүзүп кеткен. Ал кезде Мишка бир жашта эле.

"11 жыл мурда жөө кишилер өтчү чийинден иттин ээсин менин көзүмчө кара түстүү Mercedes-Benz сүзүп кетти. Кожоюн Мишка экөө өтүп бара жаткан. Күчүк жолдон чыга качканга үлгүрдү, ал эми киши... жетишпей калды... Ошондон бери жолдон кетпей ээсин күткөнү күткөн", — деп айтып берди Кагерманов.

Мишканы башка адамдар бир нече ирет багып алганга аракеттенишкени менен ит аларга көнбөй, тамак да ичпей, каңшылап, жай албай койгондуктан коё бергенге аргасыз болушкан.

607
Белгилер:
маркум, ит, Россия
Тема боюнча
Жата калып, өлүмүш болуп... Карантинден адам эмес ит да тажаган видео

Россиянын чемпионатында балбандар мушташа кетти. Видео

117
(жаңыланган 10:50 04.12.2020)
Ингуш балбаны Бабули Цолоев менен осетиялык Алан Багаев чейрек финалда кезиккен. Күрөш башталбай жатып бокска айланган.

Россиянын Смоленск шаарында эркин күрөш боюнча өткөн жаштар арасында өлкө чемпионатында Осетия менен Ингушетиянын балбандары мушташа кетти. Бул тууралуу Sputnik Осетия жазды.

Ингуш балбаны Бабули Цолоев менен осетиялык Алан Багаев чейрек финалда кезиккен. Алардын кармашы башталбай жатып бокска айланган.

Мушташкандарды машыктыруучулар, аренанын кызматкерлери жана атайын даярдыктагы милиция токтотуп калган. Спорттук эрежелерди сактабаган эки балбан тең мелдештен четтетилген.

Кийинчерээк алар элдешип, социалдык тармактарга чогуу түшкөн сүрөттөрүн чыгарышканын Р-Спорт жазды.

117
Белгилер:
мушташ, балбан, Ингушетия, Россия, эркин күрөш
Тема боюнча
Казак футболчусу Улуттар лигасында оюн талаасынын ортосунан гол киргизди. Видео
Өзбекстандагы футболдук беттеш массалык мушташ менен аяктады. Видео

Овечкиндин "Финикске" киргизген шайбасы XXI кылымдын мыкты голу болду. Видео

73
Sportsnet басылмасы 2000-жылдан азыркыга чейин киргизилген 140 миң голдун ичинен 32 финалистти тандаса, анын мыктысын хоккей ышкыбоздору социалдык тармактардагы сурамжылоо аркылуу аныкташкан.

Улуттук хоккей лигасындагы (NHL) АКШнын "Вашингтон" командасынын чабуулчусу, россиялык хоккейчи Александр Овечкиндин "Финикс" командасынын дарбазасына киргизген шайбасы 21-кылымдын мыкты голу деп табылды. Бул тууралуу Р-Спорт маалымат булагы жазды.

Sportsnet абройлуу басылмасынын эксперттери 2000-жылдын январь айынан бери киргизилген 140 миң голдун ичинен 32 финалистти тандап алышкан. Анын мыктысын хоккей ышкыбоздору социалдык тармактардагы сурамжылоо аркылуу аныкташты.

Тандоодо россиялык спортчунун 2006-жылы киргизген голу 55,1 пайыз добуш алып жеңүүчү болгон. "Коламбус" командасынын мурдагы чабуулчусу Рик Нэштин "Койотс" командасынын дарбазасына киргизген шайбасы экинчи орунду ээледи.

73
Белгилер:
Александр Овечкин, мыкты, гол, Вашингтон, хоккей
Тема боюнча
Месси "Осасунага" киргизген голун Марадонага арнады. Видео
Роналдунун голу Чемпиондор лигасынын мыкты голу деп тандалды. Видео
Мурдагы ЖК депутаты Самат Ибраев. Архив

БШК талапкерлердин бири 30 миң кол чогултпаганын аныктап, жарыштан четтетти

0
(жаңыланган 14:20 04.12.2020)
БШК түндө тийиштүү документтерди 21 талапкер тапшырганын билдирген, анын арасында Ибраев дагы бар эле.

БИШКЕК, 4-дек. — Sputnik. Борбордук шайлоо комиссиясына кол топтоп, шайлоо күрөөсүн төктү делген президенттикке талапкерлердин бири Самат Ибраев жарыштан четтетилди.

Кечээ, 3-декабарда, саат 23:59да президенттикке аттангандардын 30 миң адамдын колун чогултуп, шайлоо күрөөсүн төгүү мөөнөтү аяктаган. БШК бул документтерди 21 талапкер тапшырганын билдирген. Арасында Ибраев дагы бар эле.

"БШКнын документтерди кабыл алуу боюнча жумушчу тобу Самат Ибраев 15 033 кол чогултканын аныктады. Ошондой эле шайлоо күрөөсүн төккөн маалым каты жок болуп чыкты. Буга байланыштуу тапшырган документи талапкердин өкүлүнө кайтарып берилди", — деп айтылат билдирүүдө.

БШКнын жумушчу тобу кол чогултуу барактарын сегиз күндүн аралыгында текшерип бүтүп, 10-декабрга чейин талапкер катары катташы шарт. Президенттик шайлоо кийинки жылдын 10-январына белгиленген.

0
Белгилер:
БШК, документ, шайлоо, Самат Ибраев, талапкер
Тема:
Кыргызстандагы президенттик шайлоо – 2021
Тема боюнча
Дагы алты киши президенттикке талапкерлигин алып салды
Күрөө тапшырып, 30 миңден ашуун кол чогулткан талапкерлер. Тизме