Бишкекте терминалдар уурдалган учур видеого түшүп калды

412
(жаңыланган 12:19 18.11.2020)
Бишкекте бир нече төлөм терминалын уурдады деп шектелген топ кармалды. Бул тууралуу Октябрь райондук милициясы кабарлады.

Терминалдарды алып кетип жаткан учур видеокөзөмөлгө түшүп калган. Анда көрүнүп тургандай, бизнес-борбордун жанына Honda Fit үлгүсүндөгү автоунаа келип токтоп, андан бет кап кийген кишилер түшөт. Алар аппаратты машинанын артына салып, качып кетишкен. Ошондой эле экинчи терминалды дүкөндөн алып чыккан учурдун да видеосу бар.

Үстүбүздөгү жылдын 16-ноябрь күнү Октябрь райондук милициясына Сүйөркулов көчөсүндөгү бизнес-борборлорунун биринин ичиндеги терминалдын уурдалып кеткени кабарланган. Баасы 200 миң сомдук терминалда 497 миң сом болгон.

Дал ушундай көрүнүш 12-ноябрь күнү 6-кичирайондо катталган. Анда белгисиз кишилер дүкөндүн ичинде жайгашкан төлөм терминалын алып кетишкен. Анын балансында 145 миң сом болгону айтылат.

Аталган фактылар Жазык кодексинин 200-беренесине ("Уурулук") ылайык, Кылмыш жана жоруктардын бирдиктүү реестрине катталган.

Жыйынтыгында райондук милиция ыкчам издөө иштерип жүргүзүп, шаардын аймагынан шектүү катары 22 жаштагы үч жана 23 жаштагы бир жаранды колго түшүрдү. Учурда алар Бишкек милициясынын убактылуу кармоо жайына киргизилип, тергөө иштери уланууда.

412
Белгилер:
уурулук, милиция, терминал, Бишкек
Тема боюнча
Чек албай кетип... Казакстандык аял жарым миллион теңгеден айрылып кала жаздады
Кантта күзөтчүнү сабап, банкоматты түн ичинде тоноп кеткендер кармалды

Россиянын чемпионатында балбандар мушташа кетти. Видео

128
(жаңыланган 10:50 04.12.2020)
Ингуш балбаны Бабули Цолоев менен осетиялык Алан Багаев чейрек финалда кезиккен. Күрөш башталбай жатып бокска айланган.

Россиянын Смоленск шаарында эркин күрөш боюнча өткөн жаштар арасында өлкө чемпионатында Осетия менен Ингушетиянын балбандары мушташа кетти. Бул тууралуу Sputnik Осетия жазды.

Ингуш балбаны Бабули Цолоев менен осетиялык Алан Багаев чейрек финалда кезиккен. Алардын кармашы башталбай жатып бокска айланган.

Мушташкандарды машыктыруучулар, аренанын кызматкерлери жана атайын даярдыктагы милиция токтотуп калган. Спорттук эрежелерди сактабаган эки балбан тең мелдештен четтетилген.

Кийинчерээк алар элдешип, социалдык тармактарга чогуу түшкөн сүрөттөрүн чыгарышканын Р-Спорт жазды.

128
Белгилер:
мушташ, балбан, Ингушетия, Россия, эркин күрөш
Тема боюнча
Казак футболчусу Улуттар лигасында оюн талаасынын ортосунан гол киргизди. Видео
Өзбекстандагы футболдук беттеш массалык мушташ менен аяктады. Видео

Овечкиндин "Финикске" киргизген шайбасы XXI кылымдын мыкты голу болду. Видео

87
Sportsnet басылмасы 2000-жылдан азыркыга чейин киргизилген 140 миң голдун ичинен 32 финалистти тандаса, анын мыктысын хоккей ышкыбоздору социалдык тармактардагы сурамжылоо аркылуу аныкташкан.

Улуттук хоккей лигасындагы (NHL) АКШнын "Вашингтон" командасынын чабуулчусу, россиялык хоккейчи Александр Овечкиндин "Финикс" командасынын дарбазасына киргизген шайбасы 21-кылымдын мыкты голу деп табылды. Бул тууралуу Р-Спорт маалымат булагы жазды.

Sportsnet абройлуу басылмасынын эксперттери 2000-жылдын январь айынан бери киргизилген 140 миң голдун ичинен 32 финалистти тандап алышкан. Анын мыктысын хоккей ышкыбоздору социалдык тармактардагы сурамжылоо аркылуу аныкташты.

Тандоодо россиялык спортчунун 2006-жылы киргизген голу 55,1 пайыз добуш алып жеңүүчү болгон. "Коламбус" командасынын мурдагы чабуулчусу Рик Нэштин "Койотс" командасынын дарбазасына киргизген шайбасы экинчи орунду ээледи.

87
Белгилер:
Александр Овечкин, мыкты, гол, Вашингтон, хоккей
Тема боюнча
Месси "Осасунага" киргизген голун Марадонага арнады. Видео
Роналдунун голу Чемпиондор лигасынын мыкты голу деп тандалды. Видео
Конституциялык кеңешменин төрагасы Бекбосун Бөрүбашев. Архив

Бөрүбашев: парламентаризмди тандаган күндө да Конституцияны өзгөртүү керек

0
(жаңыланган 16:44 04.12.2020)
Буга чейин Жогорку Кеңештин депутаттары 10-январда президенттик шайлоо менен кошо мамлекеттик түзүлүштү аныктоо үчүн референдум өткөрүү боюнча мыйзам долбоорун карашкан.

БИШКЕК, 4-дек — Sputnik. Эгер референдумда жарандар парламенттик башкаруу формасына добуш бере турган болсо, азыркы Конституцияны баары бир жаңыртуу керек. Бул тууралуу Конституциялык кеңешменин төрагасы Бекбосун Бөрүбашев маалымат жыйын учурунда билдирди.

"Эл 10-январда "бизге парламенттик башкаруу керек" деген күндө дагы азыркы Конституцияны жаңыртуу зарыл. Бул Баш мыйзамдын көп кемчиликтери бар. Ал кемчиликтерди парламенттик башкаруу формасын колдоп жаткандар да, биз дагы билебиз. Башкаруу формасы боюнча маселе Конституцияда бир нече маселелердин бири гана", — деди Бөрүбашев.

Буга чейин Жогорку Кеңештин депутаттары 10-январда президенттик шайлоо менен кошо мамлекеттик түзүлүштү аныктоо үчүн референдум өткөрүү боюнча мыйзам долбоорун карашкан.

Маалым болгондой, аталган мыйзам долбоорунун автору — Акылбек Жапаров. Эгер ал кабыл алынса, анда кыргызстандыктар президенттик же парламенттик башкарууну тандашат.

Мыйзам долбооруна добуш берүү азырынча боло элек.

0
Белгилер:
президент, парламент, башкаруу, конституция
Тема:
Жаңы Конституциянын долбоору жана референдум
Тема боюнча
"Атаңа, энеңе бар" кылбайлы. Депутат Ормонов референдумду тездетүүгө чакырды
ЖК юристи: референдум өтпөсө депутаттар мөөнөтүн дагы 6 айга узартып алса болот