Тынчтыкка карай жол. РФ аскерлери Карабахтын Лачын коридорун минадан тазалашты

105
Карабахта кырдаал сентябрдын аягында курчуп кеткени маалым. Эми ачылган коридор менен качкындар кайта баштамакчы.

Россиянын тынчтык орнотуучулары Тоолуу Карабахтагы Лачын коридорун, ошондой эле таанылбаган республиканын борбору Степанакерттин жолун толугу менен минадан тазалап чыгышты. Мындан тышкары, Шуши шаарына жакын жерде көзөмөл пункту жайгашып, бул өз кезегинде Лачын коридору аркылуу жол кыймылын ачууга шарт түздү. Алгачкы автокөлүктөр жүрүп, эми Армениядан Тоолуу Карабахка качкындар кайта баштамакчы.

Таанылбаган республикада кырдаал сентябрдын аягында курчуп кеткен. 9-ноябрда Азербайжан, Армения, Россия лидерлери ок атууну жана куралдуу кагылышууну токтотуу боюнча келишимге кол коюшкан. Документке ылайык, Карабахка россиялык тынчтык орнотуучулар кирмек.

105
Белгилер:
кагылышуу, Аскер, Мина, Россия, Азербайжан, Армения, Тоолуу Карабах
Тема:
Тоолуу Карабахтагы жаңжал (45)
Тема боюнча
Армениянын Тоолуу Карабахтагы аскердик катачылыктары
Карабах окуясы. Путин согушту токтотууда кандай тоскоолдуктар болгонун айтты

Артем Новиков депутаттарга кыргыз тилинде сүйлөп кайрылды. Видео

404
Премьер-министрдин милдетин аткаруучу Артем Новиков депутаттардын алдында кыргыз тилинде билдирүү жасады.

Ал кечээ парламентке эмгек жана социалдык өнүктүрүү министри кызматына Ализа Солтонбекованын талапкерлигин тааныштырган. Новиков аны бул кызматка Садыр Жапаров премьер-министр болуп турган учурда сунуштаганын кыргыз тилинде айтты. Ошондой эле тийиштүү эки комитеттен жактырылганын белгилеген. Андан соң Солтонбекованын таржымалын орус тилинде баяндоого өттү.

Эске салсак, Солтонбекова 2018-жылдын ноябрь айынан ушул күнгө чейин эмгек жана социалдык өнүктүрүү министринин орун басары болуп иштеп келген. Кечээ парламентте министрлик кызматка талапкерлиги каралып, колдоо тапкан.

404
Белгилер:
Ализа Солтонбекова, кыргыз тили, Артем Новиков
Тема боюнча
Новиков Кыргызстан чет жактан канча карыз алып, кайда жумшаганын айтты
Парламент 2021-жылдын Республикалык бюджетин биринчи окуудан колдоду
Өкмөт 2021-жылы салык менен бажыдан канча акча чогултат? Долбоор

Уюшкан кылмыштуу топтун эки мүчөсүн кармаган видео жарыяланды

286
Ишкерди коркутуп, соода түйүнүн тартып алууга аракет кылган уюшкан кылмыштуу топтун мүчөлөрү кармалды. Бул тууралуу УКМКдан билдиришти.

Ыкчам-издөө иш-аракеттеринин натыйжасында 25-ноябрь күнү 32 жаштагы Э.Т. жана Э.К. кармалган.

"Колго түшкөн жарандар 2020-жылдын сентябрь айында жеке ишкерди коркутуп, Бишкектеги соода комплекстердин бириндеги түйүнүн тартып алууга аракет жасашкан. Ошондой эле ишкерди шаар четине чыгарып дагы коркутушкан", — деп айтылат маалыматта.

Фак Кылмыш жана жоруктардын бирдиктүү реестрине Кылмыш-жаза кодексинин 203-беренеси ("Опузалап талап кылуу") боюнча катталып, кылмыш иши козголгон. Учурда УКМК аталган фактыга тийиштиги бар башка шектүүлөрдү издеп жатат.

286
Белгилер:
УКМК, кармоо, кылмышкер, уюшкан кылмыштуу топ
Тема боюнча
Катаал жазага татыктуу! Депутат Опумбаев менен Жунушалиевди кармоону талап кылды
Ишкердин соода түйүнүн тартып алмакчы болгон. УКМК шектүүлөрдү кармады
Ош шаары. Архив

Эртең менен Ошто жер титиреди

0
Саат 06:27деги жер силкинүүнүн күчү Ноокат районунун Жайылма айылында, Чоң-Алай районунун Ачык-Суу, Кашка-Суу айылдарында үч баллга жетти.

БИШКЕК, 27-ноя. — Sputnik. Бүгүн эртең менен Ош облусунда очогунда күчү 3,5 баллга жеткен жер титирөө катталды. Бул тууралуу Өзгөчө кырдаалдар министрлиги КРдин Сейсмология институтуна таянуу менен билдирди.

Саат 06:27деги жер силкинүүнүн күчү Ноокат районунун Жайылма айылында, Чоң-Алай районунун Ачык-Суу, Кашка-Суу айылдарында үч баллга жетти.

Жер титирөөдөн жабыркагандар жана кыйроолор катталган жок.

0
Белгилер:
ӨКМ, жер титирөө, Ош облусу, Кыргызстан
Тема боюнча
Кыргызстанда катуу жер титиреди