Өтө акылдуу жана күчтүү! Бразилиялык спортчу Валентина Шевченко тууралуу

223
(жаңыланган 12:02 20.11.2020)
Абсолюттук мушкерлер чемпионаты (UFC) Валентина Шевченко менен Женнифер Майянын беттешине карата жаңы проморолик жарыялады.

Лас-Вегаста 21-ноябрь күнү өтө турган UFC 255 турниринде кыргызстандык мушкер төртүнчү ирет эң жеңил салмактагы чемпиондук курун коргойт. Бул ирет ага каршы бразилиялык Женнифер Майя чыгат.

"Мен өмүр бою мушкерлик менен алектенип келем. Машыгууларды беш жашыман тарта баштагам. Демек 27 жылдан бери күн сайын ушул нерсе уланып келет", — деди Шевченко.

Спортчунун айтымында, кезектеги беттеште эң башкысы  — жеңиш.

"Мен даярмын. Октагондо мен жана каршылашым гана болот", — деди Валентина.

Ал эми бразилиялык мушкер Шевченкого баа берип жатып, анын өтө акылдуу жана күчтүү экенин белгилеген.

"Валентина абдан акылдуу жана күчтүү спортчу. Ал беттеш алдында каршылаштарын коркутууга аракет жасайт. Бирок мен аны өзүн ыңгайсыз сезгидей кылганы жатам. Мен чемпион болууга даярмын", — деди атаандашы.

Ушул эле турнирде октагонго Валентина Шевченконун бир тууганы Антонина дагы чыгат. Ал Ариана Липски менен кармашмакчы.

223
Белгилер:
Женнифер Майя, UFC, Валентина Шевченко
Тема:
Валентина Шевченконун Женнифер Майя менен беттеши (18)
Тема боюнча
Миссиямды аткардым. Хабиб кайра октагонго чыгар-чыкпасын айтты
Жакында Шевченко чемпиондук курун коргойт. Спортчунун презентациялык видеосу
Валентина Шевченко КМШдагы сулуу жана мыкты мушкер аял деп табылды. Сүрөт
Валентинанын эч кимде жок артыкчылыгы бар. Шевченко — Майя беттешине божомол

Крымдан улам НАТО Россия армиясына тыюу салууга кыялданып келет

151
Йенс Столтенберг НАТО Россиянын кадамдарына карап, ага жооп иретинде Кара деңизге көбүрөөк күчүн жайгаштыра тургандыгын айтты. Бирок Түндүк атлантикалык альянстын башкы катчысы аскердик блоктун күчтөрү Россиянын чек арасында эмне кылып жүргөндүгүн түшүндүргөн жок.

Андан сырткары, Россия эмне үчүн өзүнүн аймагын НАТО тараптан улам арбыган коркутуп-үркүтүүлөрдөн коргобошу керек дегенге да жооп бере алган жок.

Акыркы учурда альянс тараптан Россия чек арасына жакын аймактарда көбөйүп кеткен агрессиялык аракеттер арбыгандыктан, Россия өзүнүн коопсуздугун камсыздаганга аргасыз.

151
Белгилер:
чагымчыл, чек ара, Крым, НАТО, Россия, АКШ
Тема боюнча
НАТО Кара деңизге чыгууда. Альянс Крымда Россияны кысымга алмакчыбы?
Грузиядагы "Татыктуу өнөктөш-2020" аяктады. НАТО аскерлери өлкөдө эмне кылды

Россиянын чемпионатында балбандар мушташа кетти. Видео

440
(жаңыланган 10:50 04.12.2020)
Ингуш балбаны Бабули Цолоев менен осетиялык Алан Багаев чейрек финалда кезиккен. Күрөш башталбай жатып бокска айланган.

Россиянын Смоленск шаарында эркин күрөш боюнча өткөн жаштар арасында өлкө чемпионатында Осетия менен Ингушетиянын балбандары мушташа кетти. Бул тууралуу Sputnik Осетия жазды.

Ингуш балбаны Бабули Цолоев менен осетиялык Алан Багаев чейрек финалда кезиккен. Алардын кармашы башталбай жатып бокска айланган.

Мушташкандарды машыктыруучулар, аренанын кызматкерлери жана атайын даярдыктагы милиция токтотуп калган. Спорттук эрежелерди сактабаган эки балбан тең мелдештен четтетилген.

Кийинчерээк алар элдешип, социалдык тармактарга чогуу түшкөн сүрөттөрүн чыгарышканын Р-Спорт жазды.

440
Белгилер:
мушташ, балбан, Ингушетия, Россия, эркин күрөш
Тема боюнча
Казак футболчусу Улуттар лигасында оюн талаасынын ортосунан гол киргизди. Видео
Өзбекстандагы футболдук беттеш массалык мушташ менен аяктады. Видео
Вице-премьер, Коронавируска каршы күрөшүү штабынын жетекчиси Эльвира Сурабалдиева. Архивдик сүрөт

Туура эмес дарылаганбы? Сурабалдиева Жалал-Абаддагы 8 кишинин өлүмүн текшертет

0
(жаңыланган 14:35 05.12.2020)
Илдетке кабылган тогуз бейтапты жеке менчик клиникадан мамлекеттик аймактык ооруканага которушканы айтылат.

БИШКЕК, 5-дек. — Sputnik. Жалал-Абадда мамлекеттик аймактык ооруканага коронавирус илдети менен жаткырылган тогуз адамдын сегизинин өлүмү текшерилет. Бул тууралуу вице-премьер, Коронавируска каршы күрөшүү штабынын жетекчиси Эльвира Сурабалдиева Twitter баракчасына жазды. 

​Анын айтымында, бейтаптар протоколдо жазылган эреже менен дарыланган эмес.

"Коронавируска кабылган бейтаптар оорунун алгачкы стадиясында протоколду карабай эле уккан-билген антибиотик, гормоналдык дарыларды иче берет. Жалал-Абадда жеке менчик клиникадан тогуз бейтапты мамлекеттик аймактык ооруканага которушкан. Анын ичинен сегизи каза болгон. Штабда муну териштирүүгө прокуратурага тапшырма берилди. Бул чоң жаңжал", — деди Сурабалдиева.

Ошондой эле оорунун алгачкы стадиясында эле антибиотиктерди бере бербей, организмге COVID-19 менен күрөшүүгө убакыт керектигин билдирди.

0
Белгилер:
Эльвира Сурабалдиева, өлүм, Жалал-Абад облусу, коронавирус
Тема:
Коронавируска байланыштуу Кыргызстандагы кырдаал
Тема боюнча
Сурабалдиева Тез жардам станциясынын жабдылбай калышын кызматтагы жубайлардан көрүүдө
Сурабалдиева: бейтаптарга жайында курамы текшерилбеген кытай дарылары берилген
Сурабалдиева министрликтин гумжардам боюнча отчёту чийки экенин айтты