Үйүнө метеорит түшкөн киши тез эле миллионерге айланды. Индонезиядагы видео

22054
(жаңыланган 14:55 20.11.2020)
Жергиликтүү тургун таш келип тийгенде үйү чайпалып кеткенин, бактын кулаганын майда-чүйдөсүнө чейин айтып берген.

Индонезиялык Жошуа Хутагалунгдун эшигинин алдында илим үчүн баа жеткис болгон метеорит асмандан кулап түшкөн. Адистер анын баасы 1,9 миллион долларды чапчыйт деп айтышты. Бул туурасында The Sun басылмасы жазды.

Асмандан космостук объект келип түшкөндө 33 жаштагы киши үйүндө эле. Метеорит чатырды тешип өтүп, веранданын ичине кулаган. Анын көлөмү футбол тобундай жана салмагы 2,2 килограмм экендиги айтылды. Жергиликтүү тургун таш келип тийгенде үйү чайпалып кеткенин, бактын кулаганын майда-чүйдөсүнө чейин айтып берген.

Эксперттер космостон түшкөн таштын курагы болжол менен 4,5 миллиард жылга жакын деп божомолдоп жатышат.

Жошуа Хутагалунг үйүнө түшкөн космостук ташты коллекция топтогондорго миллиондогон акчага сатып, бир нече саатта миллионер болуп чыга келген. Ал мындай акчаны өмүр бою чогулта албай тургандыгын айтып, каражатынын бир бөлүгүн чиркөөнүн курулушуна бере турган болду.

22054
Белгилер:
эксперт, миллионер, метеорит, Индонезия
Тема боюнча
Жерге күн сайын космостон 100 тонна таштанды түшөт. Иликтөө

Башкы прокуратуранын өрттөлгөн имаратына экскурсия. Видео

190
(жаңыланган 16:20 25.11.2020)
Sputnik Кыргызстан агенттигинин кабарчысы Башкы прокуратуранын өрттөнүп кеткен имаратына кирип окурмандар үчүн түз эфир алып барды.

Белгилей кетсек, Киев менен Орозбеков көчөлөрүнүн кесилишинде жайгашкан имарат 2010-жылдагы апрель окуяларында өрттөлгөн.

Бүгүн, 25-ноябрда, бул имараттын ордуна жети кабаттуу эки муниципалдык имарат куруу пландалып жатканы маалым болду. Анда Бишкек шаардык кеңештин аппараты жана шаардык кызматтар жайгашмакчы.

190
Белгилер:
имарат, Башкы прокуратура, Бишкек
Тема боюнча
Мэрия Башкы прокуратуранын өрттөлгөн имаратынын тагдырын чечмей болду

Жогорку Кеңештин депутаттары 2021-жылдын бюджетин карады. Видео

94
(жаңыланган 17:58 25.11.2020)
Жогорку Кеңештин кезектеги жыйыны өттү. Бүгүн депутаттар чоң жыйындар залында отурушат. Бул жер оңдоп-түзөөдөн өтүп, октябрдагы башаламандыктардан кийин биринчи ирет чогулушууда.

Түшкү тыныгуудан кийинки жыйын башталды. Күн тартибинде башкы маселе "2021-жылдын республикалык бюджети жана 2022-2023-жылдарга болжолу жөнүндө" мыйзам долбоору.

94
Белгилер:
бюджет, түз эфир, жыйын, Жогорку Кеңеш
Тема боюнча
Новиков Кыргызстан чет жактан канча карыз алып, кайда жумшаганын айтты
ЖК социалдык өнүктүрүү министри кызматына Ализа Солтонбекованы колдоду
Легендарлуу футболчу Диего Марадона. Архив

Легендарлуу футболчу Диего Марадона көз жумду

0
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

0
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар