Ачка жана ачуулуу курттардын жем талашкан видеосу

311
(жаңыланган 10:57 22.11.2020)
Окумуштуулар көпөлөк курттардын башка жаныбарлар сындуу ачууланып жана бири-бирин жактырбай, жемин кызганган учурун видеого тартып алган.

Жаратылыштын бир бөлүгү болгон көпөлөктөр тукумунун мындай кызыктуу учуру туурасында National Geographic Россия жазды.

Флоридадагы Атлантика университетинин нейробиологу Алекс Кин илимде D. Plexippus деп аталган көпөлөк курттарын изилдеп келет.

Адистер тобу аталган жандыктардын жем талашкан учурунун кызыктуу ирмемдерин сырткы дүйнөгө көрсөттү.

Анда курттардын бири-бирин башы менен түртүп, жөөлөп, жем катары ташталган жалбыракка өзү гана ээлик кылуу аракетин көрүүгө болот. Мындай "салгылашка" төрт курт катышкан.

Окумуштуунун буга илимий көз караштан кызыгып калышына анын бакчасындагы жылдыз курттардын урушу себеп болгон. Муну ага аялы көрсөткөн.

"Мен монарх-курттардын салгылашын өз көзүм менен көргөндөн соң изилдөөгө тыкыр кириштим", — деген Алекс Кин.

Анын айтымында, бул жандыктар азык үчүн катуу салгылашка түшөт. Булардын башка жакка сойлоп баруусу көп түйшүк жараткандыктан, колундагы тамагын башкаларга бербей катуу талашат.

"Андан сырткары, булар көпөлөк болуп учуп кетиш үчүн абдан жакшы тамактанышы керек. Жумурткадан тарта куурчакча болгонго чейин салмагын 3000 эсе чоңойтушу зарыл. Эң кызыгы, муну эки аптада жасашы керек. Бул киши аталган убакыт ичинде эки киттей салмакка жетиши керек дегендей эле кеп", — деп кошумчалган Атлантадагы Эмори университетинин биологу Яап де Руд.

Окумуштуу видеодогу курттардын ичинен кээ бирлери агрессивдүүлүгү менен айырмалангандыгын айтты. Биолог алардын көпөлөккө айланганында да ушундай агрессиялуу мүнөздө болоруна кызыкканын да билдирген.

311
Белгилер:
агрессия, иликтөө, Окумуштуулар, курт, көпөлөк, АКШ
Тема боюнча
Зыяндуу бактериялар көп. Тооктун кайсы жерлерин жегенге болбойт
Кытай: дарыгерлер баланын кекиртегинен тирүү сүлүк куртту алып чыкты. Видео

Спецназ маркум Рысбек Акматбаевдин инисин кармады. Видео

654
Спецназ кримавторитет, маркум Рысбек Акматбаевдин жакын тууганын колго түшүрдү. Бул тууралуу ИИМден кабарлашты.

Министрлик жаранды кармоо учурунун видеосун жарыялады. Кадрдан шектүүнүн колуна кишен салып жатканын көрүүгө болот.

Маалыматка караганда, Чолпон-Ата шаарында төрөлгөн А.Р. кармалган. Ал уюшкан кылмыштуу топтун мүчөсү катары ИИМдин каттоосунда турат.

Жаран алдамчылык сыяктуу бир катар кылмыштарга шектелип, ага карата мамлекеттер аралык издөө жарыяланган.

ИИМден билдиришкендей, 2016-жылдын жаз айларында шектүү Бишкек шаарынан жарандардын биринин ишенимине кирүү менен Honda Fit үлгүсүндөгү унаасын алып, сатып жиберген. Унаа ээсинин чыгымы төрт миң доллар деп бааланган. Бул окуядан кийин шектүүгө мамлекеттер аралык издөө жарыяланган. Эми ал Бишкек ШИИББдин убактылуу кармоочу жайына киргизилди.

Рысбек Акматбаев 2006-жылы киши колдуу болгон. Аны мечиттин алдынан бет капчан кишилер атып кетишкен. Окуя Көк-Жар айылында болгон. Ага чейин Акматбаев адам өлтүрүүгө шектелип, бирок акталган. Ал шайлоодо Жогорку Кеңешке өтүп, бирок мандат алууга жетишпей калган. Акматбаевдин өлүмү боюнча иштин бети бүгүнкү күнгө чейин ачыла элек.

654
Белгилер:
кармоо, ИИМ, кылмыш
Тема боюнча
Ишкердин соода түйүнүн тартып алмакчы болгон. УКМК шектүүлөрдү кармады

Жалындан суурулуп чыкты! Ажалы жок спортчунун видеосу

203
(жаңыланган 13:43 30.11.2020)
Катуу ылдамдык менен жарышка түшкөн атайын автоунаа жолдун четиндеги тосмого урунуп, андан соң дароо өрттөнө баштаган. Анын ичиндеги айдоочу кандайдыр бир керемет менен аман калган.

Окуя Бахрейнде "Формула-1" жарышынын этабы өтүп жаткан учурда болгон. Рулда Ромен Грожан аттуу адам кетип бара жатканы айтылды. Кадрдан анын автоунааны башкара албай калып биринчи автокөлүктү жөөлөп өткөнүн, катуу күү менен тосмого келип урунуп, жалбырттап өрттөнө баштагандыгын көрүүгө болот.

​Окуя болору менен коопсуздук кызматкерлери жана медиктер жетип келип, өрттү өчүрө баштаган. Ал эми спортчу алоолонгон жалындын ичинен көз ирмемде суурулуп чыгып, жерде тургандар аны жөлөп-таяп ары алып кетишкен. Маалыматта Грожандын колу жана таманы анча көп эмес күйүк алганы айтылган.

203
Белгилер:
кырсык, жалыныч, жарыш, Формула-1, Бахрейн
Тема боюнча
Индия: премьердин туулган күнүндө 100 шар жарылып кетип, адамдар жабыркады
Премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмеси учурунда

Оор жүктөрдү үзгүлтүксүз ташууну жакшырталы. Новиков ШКУ жыйынында маселе көтөрдү

0
(жаңыланган 22:31 30.11.2020)
Новиков ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

БИШКЕК, 30-ноя. — Sputnik. ШКУ өлкөлөрүнүн ортосунда санитардык-эпидемиологиялык талаптарды сактоо менен оор жүктөрдүн үзгүлтүксүз ташылышына шарттарды түзүү жана көзөмөл өткөрүү жайларынын толук кандуу иштеши маанилүү. Бул тууралуу премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмесинде айткандыгын маалымат кызматы билдирди.

Жыйын видеоконференция форматында өткөн.

"Кыргызстан өлкөлөр ортосундагы товар алмашууда "жашыл коридор" механизмин пайдаланууну кеңейтүү жолу менен көзөмөл-өткөрүү жайлары аркылуу жүк ташуучу автотранспорттордун кирип-чыгуу тартибин, процедурасын жөнөкөйлөштүрүүнү кароону сунуштайт", — деген Новиков.

Мындан тышкары, премьердин милдетин аткаруучу санариптик технологияларды, анын ичинде электрондук соода жүргүзүүнү өнүктүрүүнүн маанилүүлүгүн белгилеген.

Бул ШКУ өлкөлөрүнүн экономикасынын жогорулашына жана уюм алкагындагы толук кандуу санариптик күн тартипти ишке ашырууда кошумча түрткү болуп бере аларын айткан.

Новиков сөзүн жыйынтыктап жатып, кыйын кырдаалда өз ара колдоо көрсөтүү жакшы коңшулук мамилеге жана жалпы кызыкчылыкка жооп берерин айткан.

"Учурдагы негизги нерсе ─ калктын денинин сактыгы, социалдык-экономикалык туруктуулуктун сакталышы жана жарандарыбыздын эртеңки келечегине ишеними", — деген премьер-министрдин милдетин аткаруучу.

Ошондой эле ал ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

0
Белгилер:
жыйын, Артем Новиков, ШКУ, Кыргызстан
Тема боюнча
Путин: бүгүнкү ШКУ саммитинде өтө маанилүү документтерге кол коюлат
Садыр Жапаров ШКУ өлкөлөрүнүн лидерлерине КРдеги шайлоо таза өтөрүн айтты