Физиевдин таймашы UFC уюмунун 2020-жылдагы мыкты иш-чарасы болуп калышы мүмкүн

202
Кыргызстандык мушкер Рафаэль Физиев катышкан таймаштардын бири UFC уюмунун 2020-жылдагы эң мыкты иш-чараларынын бири болуп калышы мүмкүн.

Жыл жыйынтыгы боюнча видеотүрмөк уюмдун YouTube-каналына жүктөлдү.

Жылдын мыкты иш-чарасы деп аталчу беттештердин катарына Тони Фергюсон менен Жастин Гэтжинин UFC 249 турнириндеги беттеши кирди. Анда Фергюсон атаандашын жеңип алган. Ошондой эле Конор Макгрегор америкалык  Дональд Серронени 40 секундда нокаутка кетирген беттешүү кирди.

Мындан тышкары, орто салмакта Камару Усман менен Хорхе Масвидале таймашкан UFC 251 турнири уюмдун жетекчилерине жагып турат.

Ошол эле учурда көрүүчүлөрдүн купулуна Тони Фергюсондун дагы бир таймашы толгон. Мушкер атаандашы Чарльз Оливейрого жеңилип калган.

202
Белгилер:
Рафаэль Физиев, иш-чара, видео, мелдеш, UFC
Тема боюнча
UFC жыл ичиндеги мыкты нокауттардын видеосун жарыялады

Кудум мышыктай! Май үчүн бактын чокусуна чыккан түлкүнүн видеосу

32
My-Mriya Crimea Wildlife YouTube каналында чочконун майына (сала) жетиш үчүн ийилген жука бутактардын башына чыккан куу түлкүнүн видеосу жарыяланды.

"National Geographic Россия" басылмасы жазгандай, окуя Крымда болгон. Анда фотограф, блогерлердин үй-бүлөсү короосундагы бакка чымчыктар үчүн чочконун майынан бир тилим илип коюшкан. Бирок тамакты чымчыктарга "аш" кылбай түлкү жеп кеткен. Блогерлердин айтымында, мындай учур биринчи ирет кайталанбагандыктан, алар атайын камера коюп, түлкүнүн майды алып кеткен учурун видеого түшүрүп калышкан.

Анда көрүнүп тургандай, жырткыч бутактардын ичке экенине карабай башына чейин чыккан. Биринчи аракетинде көздөгөн тамагын ала алган эмес. Бирок экинчи ирет бактын башына кайра чыгып, акыры майды алып кеткен.

32
Белгилер:
видео, май, тамак, түлкү, Крым
Тема боюнча
Аппак коён кар кишинин мурдуна коюлган сабизди жеп кетти. Элжиреткен видео

UFC уюмунда өзбекстандык мушкер кубаттуу муштуму менен атаандашын "бийлетти". Видео

468
(жаңыланган 13:41 24.01.2021)
Махмуд Мурадов атаандашы Эндрю Санчезди ээк тушка бир коюп, ал термелип, кулабай араң калды. Өзбекстандык мушкер тизе менен дагы бир ирет тээп чабуулду улантканда калыс беттешти токтотту.

БИШКЕК, 24-янв. — Sputnik. Өзбекстандык мушкер Махмуд Мурадов UFC 257 мелдешинде америкалык Эндрю Санчезди техникалык нокаут менен утту.

​Орто салмактагы мушкерлер үч раунддук беттешке чыгышкан. Биринчи бөлүк лоу-кик, бири-бирине узатылган карама-каршы соккулар менен коштолду.

Үчүнчү раундда Махмудов каршы чабуул жасап, оң муштуму менен Санчезди ээк тушка бир койду. Термелип, кулабай араң калган америкалыкты дагы бир топ тепкилеп жибергенде беттешти токтотту.

Бул Мурадовдун UFC промоушениндеги удаасы үчүнчү жеңиши. Жалпы карьерасында 26 жеңиши бар.

Конор Макгрегор менен Дастин Порье UFC 257 мелдешинин эң башкы беттешинде кармашат. Биз онлайн-репортаж уюштуруп жатабыз.

468
Белгилер:
жеңиш, нокаут, UFC
Тема боюнча
Эртең кармашат! UFC Макгрегордун укмуштуу нокауттарын бир видеого сыйдырды
UFC: Хабиб Нурмагомедовдун иниси алгачкы беттешинде атаандашын утуп алды. Видео
Мектеп окуучулары. Архив

Бишкектин эки мектебинен COVID жугузгандар аныкталды. Мэриянын кайрылуусу

385
(жаңыланган 18:46 24.01.2021)
Учурда балдар менен бир класста окугандардын бардыгы эки аптага аралыктан окууга жиберилди. Ал эми мугалимдер ПЦР-тест тапшырууга жөнөтүлдү.

БИШКЕК, 24-янв. — Sputnik. Бишкектин эки мектебинин окуучуларынан коронавирус аныкталды. Бул тууралуу мэриядан кабарлашты.

Иликтей келгенде ал окуучулардын үйүндө вирус жугузуп алгандар болгону такталды. Учурда балдар менен бир класста окугандардын бардыгы эки аптага аралыктан окууга жиберилди. Ал эми мугалимдер ПЦР-тест тапшырууга жөнөтүлдү.

"Урматтуу ата-энелер! Эгер үйдө коронавируска чалдыккандар болсо, тез арада мектепке кабар берип, баланы бардык текшерүүдөн өткөндөн кийин гана окууга жиберүүңөрдү өтүнөбүз. Албетте, сиздерге дагы оңой болуп жаткан жок, бирок силердин жоопкерчилигиңерге башка адамдардын өмүрү жана ден соолугу байланыштуу  экенин унутпагыла”, — деп өтүнүштү мэриядан.

Эске салсак, Бишкекте 18-январдан тарта 1, 5, 9 жана 11-класстардын окуучулары мектепке бара баштаган.

385
Белгилер:
мектеп, окуучу, коронавирус, Бишкек мэриясы
Тема:
Коронавируска байланыштуу Кыргызстандагы кырдаал
Тема боюнча
Баткендин мектептери толугу менен кадимки режимге өттү