"Коопсуз шаардын" акчасына 37 тез жардам унаасы сатып алынды. Видео

691
(жаңыланган 16:50 25.12.2020)
Бүгүн эски аянтка 49 тез жардам унаасы алып келинди. Алардын 37си "Коопсуз шаар" долбоорунан түшкөн акчага алынды.

Айып пулдан түшкөн акчага "Соболь" жана Next үлгүсүндөгү газелдер алынган. Ал эми Ford Transit реанимациялык 12 унаа Ислам өнүктүрүү банкынын линиясы менен алынган. Унааларды өткөрүп берүү аземи бүгүн, 25-декабрда, Өкмөт үйүнүн маңдайында өттү.

Тез жардам унааларынын бардыгы өлкөдөгү медициналык мекемелерге төмөнкүчө бөлүштүрүлөт:

  • Чүй облусу — 7 унаа;
  • Баткен — 4;
  • Ысык-Көл — 6;
  • Ош — 10;
  • Жалал-Абад — 4;
  • Талас — 2;
  • Нарын — 3.

Ford Transit реанимобилдери төмөнкүчө бөлүштүрүлөт:

  • Бишкек шаардык тез жардам кызматы — 6;
  • Ош шаардык тез жардам кызматы — 2;
  • Санавиация — 2;
  • Талас облусу — 1;
  • Ош райондор аралык клиникалык ооруканасы — 1.

Саламаттык сактоо министрлигинин маалыматына караганда, жакынкы аралыкта дагы 60 унаа сатып алуу пландалып жатат.

691
Белгилер:
унаа, тез жардам, Коопсуз шаар, Кыргызстан
Тема боюнча
Ошто ай сайын 30 тез жардам унаасын чыгарган завод иштеп баштайт. Сүрөт

Жетекчиси хан сарайлардын ээси. 4 ай маяна албаган жолчулар митингге чыкты. Видео

364
(жаңыланган 18:32 26.01.2021)
Төрт-беш айдан бери маяна ала албай жүргөн жолчулар Транспорт жана жолдор министрлигинин алдына митингге чыгышты. Алар суроо-талабын жетекчиликке жеткирүү үчүн ар кайсы облустан чогулуп келишкен.

Жолчулар сентябрдан бери айлык толук төлөнбөй 2000-3000 сомдон гана берилип жатканына нааразы. Маселени аймактагы жетекчилер чече албагандыктан министрликке келүүгө аргасыз болгонун айтышты.

Нарындын Ат-Башы районунда жол тазалап иштеген Жаңыбай Кенжебаев декабрдан бери айлыгын ала элек.

"Контордо иштегендер бизден мурда, ай сайын өз убагында алат. Алар жайкысын көлөкөдө, кышкысын жылуу кеңседе отурушат. Ал эми биз аба ырайынын ысык-суугуна карабай иштейбиз. Анан калса минтип маянабызды кечиктирип, аз-аздан берип коюп кыйнап жатышат. Акыры айлабыз кеткенде ушул жерге келдик. Мугалим, медик, милиционерлердин айлыгы көтөрүлдү, бирок негизги жумушту аткарган жолчулардыкы жогорулаган жок", — деди Кенжебаев.

Дагы бир жолчу Мырзабек Данияров күн жааганда түнкү саат 4:00дө эле жумушка чыгарын, кээде эки суткалап жолго кум чачып, күнү-түнү тазалап турушарын айтат.

Ал эми Нарын шаарында иштеген Жаныбек Асаналиев төрт айдан бери маяна ала элегин айтты.

"Ай сайын 2000, 3000, 5000 сомдон берип коёт. Эмгек өргүүгө чыккандар ага төлөнчү акчасын ала элек. Мына январь бүтүп калды. Сентябрь, октябрь, ноябрь, декабрь - төрт ай болуп жатат. Ошол төрт айдан бери айлык ала элекпиз", — деди Асаналиев.

Чогулгандардын алдына Жол чарба департаментинин директорунун орун басары Жумаш Сооданбаев чыкты. Ал январдын айлыгы толук төлөнөрүн, ал эми февралда мурдагы карыздары кошулуп берилерин убадалады. Маянанын кечигүүсүн пандемияда министрликтин бюджети кыскартылганы менен түшүндүрдү.

Ал арада УКМК Жол чарба департаментинин директору Шабданбек Иманкуловду "мыйзамсыз байыган" деп кармады. Аткаминер төрт хан сарайга, Бишкектен 20 батирге, кымбат баалуу автоунааларга жана көптөгөн бодо малга ээлик кылары айтылды.

364
Белгилер:
кечигүү, төлөө, маяна, Жол чарба департаменти
Тема боюнча
Иш таштаган маршрутка айдоочулары. Үч компанияга эскертүү берилди
Бишкектеги маршрутка айдоочулары күнүнө канча акча табат? Видео
13 млн. сом коромжу болгон. Шектүү катары Эсеп палатасынын инспектору кармалды

Кыргызстандыктар Россияга кантип окууга тапшырса болот. Видео түшүндүрмө

103
(жаңыланган 14:29 26.01.2021)
Кыргызстандык абитуриенттер Россотрудничество аркылуу ортомчусуз алынат. Электрондук арызды кантип толтуруу керектиги майда-чүйдөсүнө чейин түшүндүрүлгөн.

"Россотрудничество" агенттигинин Кыргызстандагы өкүлчүлүгү россиялык окуу жайларга окууну каалагандар кантип арыз бере ала тургандыгын видео менен көрсөтүп берди.

Education-In-Russia системасы менен иштей турган инструкция сайтка жайгаштырылган.

Бул сайтта документтерди кабыл алуу 2021-жылдын 20-январынан 21-февралына чейин гана болот. Кечигип жөнөтүлгөндөрү кабыл алынбайт жана каралбайт. Россиядагы жогорку окуу жайлардан билим алууну каалагандарды кабыл алуу "Россотрудничество" агенттигинин Кыргызстандагы өкүлчүлүгү аркылуу гана жүргүзүлөт. Башка ыкмалар жана ортомчулар бул боюнча иштебейт.

Катталуу мөөнөтү чукул болгондуктан документтерди эртерээк даярдап алуу керек. Кагаздарды толтуруу боюнча пайда болгон суроолорго 2021-жылдын 26-январынан тарта саат 17:00дөн 18:00гө чейин жооп беришет. Бул аптанын шейшемби жана бейшемби күндөрү жүргүзүлөт.

Телефондон +996 (312) 30-05-12 номерлерине чалып жана электрондук дарегине жазса болот.

103
Белгилер:
ЖОЖ, абитуриент, билим алуу, Россия, Кыргызстан
Тема боюнча
Министрлик: быйыл ЖОЖдордо экзамендер онлайн, аттестация салттуу режимде өтөт
Студенттер окуу акысын азайтууну суранууда. Министрлик эмне деп жооп берди
Көгүчкөн. Архив

Шаршембиге карата аба ырайы

0
27-январга караган түнү өлкө боюнча жаан-чачын күтүлбөйт. Жолдорго муз тоңуп, тайгак болот.

БИШКЕК, 25-янв. — Sputnik. Шаршембиде күндүз республика аймагында күн ачык болору айтылды. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Абанын температурасы Чүй облусунда -2…+3, Талас жергесинде -3…+2, Ош, Жалал-Абад, Баткен аймактарында +3…+8, Ысык-Көлдө -1…+4, Нарын өрөөнүндө -5…-10 градусту көрсөтөт.

Күндүн табы Бишкекте +1…+3, Ош шаарында +6…+8 градус болот.

0
Белгилер:
Кыргызстан, январь, аба ырайы
Тема боюнча
Күн жылый баштайт. Бир жумага карата аба ырайы