Дүйшөбековдун "Шейх Рассел" үчүн биринчи эле оюнунда голдук пас берген видеосу

205
(жаңыланган 15:01 27.12.2020)
Жаңы команданын жетекчилиги оюндагы стандарттык абалды тебүүдө Бахтияр Дүйшөбековго көбүрөөк укук беришкен.

Бангладештин "Шейх Рассел" клубуна өткөн кыргызстандык футболчу Бахтияр Дүйшөбеков биринчи эле беттешинде голдук пас берди.

Спортчу дебюттук оюндагы пасы боюнча Sputnik агенттигине комментарий берди. Ал учурда 30-декабрда мелдештин кийинки баскычында болуучу "Шейх Жамаль" клубу менен беттешке даярданып жатканын дагы айтты.

"Команданын жетекчилиги оюндагы айып тобун тебүүдө мага көбүрөөк укук беришкен. Аны түз эле дарбазага тепсемби деп да ойлодум. Бирок эмнегедир командалаштар менден пас күткөнүн байкап, чыгарып берүү эле жасадым. Ал ийгилик менен коштолду", — деди футболчу.

Дүйшөбеков "Шейх Рассел" клубуна быйылкы сезондо өткөн. Ал 2019-жылы "Башундара Кингс" (Бангладеш) клубунда ойноп, өлкө чемпионатын, кубогун уткан. Келишимин улантып, 2020-жылдагы сезондун биринчи жарымына чейин аталган командада ойногон. Коронавируска байланыштуу чемпионат токтотулуп, ал Канттын "Абдыш-Ата" клубуна кошулган.

205
Белгилер:
Бангладеш, футбол
Тема боюнча
Футболчу Бахтияр Дүйшөбеков Бангладештин "Шейх Рассел" клубуна өттү
"Миландын" футболчусу көз ачып-жумгуча гол киргизип, тарыхта калды. Видео

Финпол сулуулук салонунун атын жамынып иштеген кумар оюндары клубун аныктады. Видео

40
(жаңыланган 10:52 21.01.2021)
Финпол Чүй облусунун Жайыл районунда "Сулуулук салону" деген атты жамынып иштеп жаткан кумар оюндары ойнолчу клубду аныктады.

Маалыматка караганда, аталган клуб Кара-Балта шаарынын Карл Маркс жана Бейшеналиев көчөлөрүнүн кесилишинде "Лаванда" деген сулуулук салон катары иштеп жаткан.

Тинтүү учурунда атайын программалар менен камсыздалган компьютердик жабдуулар, акча каражаты жана башкалар табылган. Ошондой эле ичинде кумар оюндарын ойноп жаткан кардарлар отурган.

Аталган факт боюнча сотко чейинки өндүрүш ачылды. Азыркы учурда тергөө иштери жүрүп жатат.

40
Белгилер:
аныктоо, казино, Кара-Балта, финансы полициясы
Тема боюнча
Финпол: Балыкчыга камера орнотууда 3 млн. сом сол чөнтөккө солонгон
Бишкекте мөөнөтү өткөн конфет-печенье сакталган дагы бир кампа табылды. Видео

UFC: Хабиб Нурмагомедовдун иниси алгачкы беттешинде атаандашын утуп алды. Видео

196
(жаңыланган 01:41 21.01.2021)
Россиялык мушкер казакстандык атаандашы Сергей Морозовду муунтуу ыкмасы менен жеңип алды. Беттеш 2-раундда соңуна чыкты.

Хабиб Нурмагомедовдун тууганы Умар UFC турнириндеги алгачкы беттешинде жеңишке жетишти.

Россиялык мушкер казакстандык атаандашы Сергей Морозовду муунтуу ыкмасы менен утуп кетти. Беттеш 2-раундда соңуна чыкты.

Ал беттеш аяктаган соң агасы Хабиб дагы алгачкы жеңишин дал ушундай ыкма менен багындырганын эске салды.

"Мен бактылуумун. Тогуз жыл мурда бул рингге Хабиб кирип, дал мендей болуп утуп чыккан. Анын ыкмасын кайталаганыма кубанычтамын”, — деди ал.

Таймашка секундант катары катышкан Хабиб Нурмагомедов өзү инисиндей болуп экинчи эмес, үчүнчү гана раундда жеңгенин кошумчалады.

196
Белгилер:
бир тууган, UFC, Хабиб Нурмагомедов
Тема боюнча
Чыканак менен башка уруп... Соңку UFC турниринин кызыктуу учурлары видеодо
Макгрегордун Нурмагомедов менен кармашканга чейинки жана андан кийинки видеосу
COVID-19 анализ тапшыруу. Архивдик сүрөт

Кыргызстандагы коронавирус: дагы эки киши көз жумуп, 155 адамдан оору чыкты

0
(жаңыланган 11:42 21.01.2021)
Каза болгондор Бишкек менен Чүйдө дарыланып жаткан. Коронавирус пандемиясы Кыргызстанда 1 394 кишинин өмүрүн алып кетти.

БИШКЕК, 21-янв. — Sputnik. Кыргызстанда коронавирусту акыркы суткада 155 киши жуктурса, 136 бейтап айыкты. Бул тууралуу Республикалык штаб кабарлады.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек — 42;
  • Ош — 6;
  • Чүй облусу — 63;
  • Ош облусу — 12;
  • Талас облусу — 1;
  • Нарын облусу — 6;
  • Ысык-Көл облусу — 11;
  • Жалал-Абад облусу — 11;
  • Баткен облусу — 3.

Кыргызстанда жалпы COVID-19 инфекциясынын 83 585 учуру катталды.

Бир сутка ичинде COVID-19 илдетинен сакайып чыккандар, пневмонияны эсепке алганда:

  • Бишкек — 56;
  • Ош шаары — 0;
  • Чүй облусу — 37;
  • Ош облусу — 9;
  • Талас облусу — 2;
  • Нарын облусу — 7;
  • Ысык-Көл облусу — 13;
  • Жалал-Абад облусу — 7;
  • Баткен облусу — 5.

Жалпы айыккандардын саны 79 509 болду.

Бир сутка ичинде республика боюнча COVID-19 илдетинен Бишкекте жана Чүйдө эки бейтап каза тапты. Ушуну менен илдеттен көз жумгандардын саны 1 394кө жетти.

Учурда стационарда 708 бейтап дарылнууда. Ал эми амбулатордук дарыланууда 1 044 киши бар.

0
Белгилер:
бейтап, жуктуруу, айыгуу, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
23-январдан тарта Кыргызстанга чет өлкөдөн киргендердин ПЦР-анализи болушу керек