"Духу бар, техникасы үйдө калыптыр". Кыргызстандык мушкер элди күлкүгө салды

48206
(жаңыланган 12:04 28.12.2020)
Кыргызстандык спортчу, алгачкы жолу октагонго чыккан мушкер Султанбек Парпибаев кызыктуу таймаш көрсөтөм деген ой менен көрүүчүлөрдү күлкүгө салды.

Аралаш мушташ боюнча MMA Championship 1 турнири 26-декабрь күнү Россиянын Самара шаарында өткөн.

Октагондо мушкер тажикстандык Фируз Ходибаев менен беттешти. Ал буга чейин төрт мелдеш өткөрүп, баарында жеңүүчү болгон. Беттештин видеосу FightSpace YouTube каналына жүктөлдү.

Кадрларда көрүнүп тургандай, кыргызстандык спортчу мелдештин алгачкы секундаларында эле башын жерге салган бойдон атаандашына чабуул жасайт. Бирок мындай турушта мээлеген жерди көрүү мүмкүн эмес эле. Тажикстандык мушкер мындай "соккуларга" былк этпей туруп, бир аздан соң өзү чабуулга өтөт. Көп өтпөй Ходибаев атаандашын башка тээп кулатып, промоушендин эң ылдам нокаутка кетирүү боюнча рекордун жаңылаган.

Октагонго жаңы чыккан мушкердин кыймыл-аракети социалдык тармактын колдонуучуларынын күлкүсүн келтирди.

"Өтүп бара жаткан бирөөнү кармап алып, октагонго киргизип ийишкен го", — деп жазды колдонуучулардын бири.

"Кыргыздын духу бар экен, бирок техникасын үйгө унутуп калыптыр", — деп жазылган комментарийлердин биринде.

"Бул балага ышкыбоздордун мелдешине чыгууга дагы эрте экен, кесипкөйлөрдү айтпай эле коелу", — деди үчүнчү колдонуучу.

Комментарийлердин арасында уюштуруучулардын ишине нааразы болгондор дагы чыкты. Даярдыгы жок киши катуу жаракат алып калышы мүмкүн эле дегендер дагы болду.

48206
Белгилер:
мелдеш, спорт, Кыргызстан, Россия
Тема боюнча
Кыргыздар алдыга кетти. UFC уюмунун экс-мушкери Тактаров Физиевди үлгү кылды
Аягына чейин кармашкам. Хабиб менен беттешкен кыргыз мушкер Турсунбектин маеги
Машыккыла, мен келе жатам! Физиев UFC мушкерлерине чакырык таштады. Видео

Тамак жасап, идиш жууган роботтун таң калтырган видеосу

36
CES 2021 деп аталган көргөзмөдө Moley Robotics компаниясы ашкана ишин кынтыксыз аткарган роботту элге тааныштырды. Анын кадимкидей эле тамак жасай аларын айтышты.

Роботтун эки колу бар, ал кудум адамдыкына окшош. Текчеден тиешелүү азык-түлүктү өзү эле алып, кууруп, бышырып, ал тургай күйгүзүп жибербей аралаштырып да турат. Отту азайтып же керек болсо көбөйтөт.

Бир нерсе төгүлүп же чачылып кетсе, жыйнап да коёру маалым болду. Идиш-аякты кадимкидей жууйт.

Түзүүчүлөр темир ашпозчунун эсине тамак-аш жасоонун беш миң ыкмасын киргизип коюшкан. Авторлор ээси тажап кетпеш үчүн кулинария китебин ай сайын жаңылап турууну пландап жаткандыктарын айтып беришкен.

Роботтун баасы учурда болжол менен 40,8 миң — 74,8 миң доллардын тегерегинде экендигин айтышты.

36
Белгилер:
кулинария, ашкана, тамак-аш, робот
Тема боюнча
Индияда роботтор COVID менен күрөшкөн дарыгерлерге жардамчы болууда. Видео

Атаандашын башка чапкан Месси биринчи жолу кызыл айып кагазын алды. Видео

595
Аргентиналык футболчу командалашына топту өткөрүп берип, чабуулду коштоп чуркаган. Бул учурда Асьер Вильялибр менен кагылыша кеткен.

"Барселона" клубунун капитаны Лионель Месси бильбаолук "Атлетик" командасы менен Испаниянын суперкубогунун финалында орой оюну үчүн беттештен куулду. Бул тууралуу Р-Спорт маалымат булагы жазды.

Чыр кошумча бөлүктүн экинчи, 15 мүнөттүк таймынын акыркы ирмемдеринде чыккан. Аргентиналык футболчу командалашына топту өткөрүп берип, чабуулду коштогону чуркаган. Бул учурда Асьер Вильялибр менен кагылышып, аны башка чаап, кулатып салган.

Севильяда өткөн чечүүчү беттеште "Атлетик" 3:2 эсеби менен утуп, Испаниянын суперкубогун алды.

Интернеттеги жеткиликтүү маалымат базасы менен алектенген Gracenote компаниясы Месси "Барселона" клубундагы карьерасында өткөргөн 753 беттешинде биринчи ирет кызыл айып кагазын алып, оюндан четтетилгенин Twitter баракчасында белгиледи.

595
Белгилер:
Испания, "Атлетико" командасы, Барселона ФК, Лионель Месси
Тема боюнча
Контрчабуулду куулук менен токтоткон швециялык футболчу жазаланды. Видео
ӨКМ кызматкери өрт өчүрүү учурунда. Архив

Түндө жана таңда чыккан өрт эки адамдын өмүрүн алды

0
(жаңыланган 11:53 19.01.2021)
Адам өмүрүн алган кырсыктардын бири Бишкек шаарында, экинчиси Чүй облусунда катталган. Учурда өрттүн себептери такталууда.

БИШКЕК, 19-янв. — Sputnik. Өткөн суткада өрттөн эки киши каза болгондугун Өзгөчө кырдаалдар министрлигинен билдиришти.

Маалыматка ылайык, адам өмүрүн алган кырсыктардын бири Бишкек шаарында, экинчиси Чүй облусунда катталган.

"Түнкү саат 03:45 чамасында Панфилов районундагы Каптал-Арык айылында турак үйдүн чатыры жана ичи күйгөн. Анын кесепетинен 48 жаштагы адам каза болгон. Ал эми таңда, саат 05:19га чукул, Бишкектеги Васильевский тар көчөсүндө жалпы аянты 160 чарчы метр курулуш вагону толугу менен жана Volvo үлгүсүндөгү автоунаанын прицеби күйгөн. Өрт бир адамдын өмүрүн алып кеткен", —  деп айтылат маалыматта.

ӨКМ соңку сутканын ичинде өлкө аймагында 13 өрт кырсыгы катталып, аларды өчүрүүгө 16 бригада тартылгандыгын кошумча билдирди.

0
Белгилер:
түтүн, Чүй облусу, Бишкек, кырсык, өлүм, өрт
Тема боюнча
Өзгөн: клиникадагы өрт. Бир адам ооруканага түшүп, 11 кишини алып чыгышты