UFC 2020-жылдын башындагы эсте калчу беттештердин видеосун жарыялады
(жаңыланган 12:49 28.12.2020)
Абсолюттук мушкерлер чемпионаты (UFC) 2020-жылдын мыкты таймаштарынын биринчи бөлүгүн тартуулаган. 2020-жыл уюм үчүн оор болгону белгиленип, бирок эсте каларлык учурлар дагы жок эместиги айтылды.
©
YouTube / UFC - Ultimate Fighting Championship
Мындан сырткары, видеодон америкалык мушкерлер Дастин Гэтжи менен Тони Фергюсондун беттешинин үзүндүлөрүн көрүүгө болот. Анда Гэтжи жеңишке жетип, UFC уюмунун убактылуу чемпиону болгон. Кийин, күзүндө, чемпиондук титулун коргогон россиялык Хабиб Нурмагомедов менен кармашып жеңилип калган.
Жети жашар сноубордчу кыз лыжа трассаларын багындырган видео
Анын ийгилигине чоңдор да суктанышат. Василиса болгону жети жашка чыкса да сноуборд боюнча көптөгөн мелдештерде жеңүүчү болуп, алтын медалдарды тагынган. Канчалаган чакырымдык тоо лыжа трассаларын багындырып, Россияда үч рекорд койгон.
Посмотреть эту публикацию в Instagram
Өспүрүм спортчу кыз алгачкы ирет үч жашында сноуборддун тактайына бут койгон. Ошондон бери ал аталган спортто албан ийгиликтерди жаратып келет.
Белгилер:
Макгрегор нокаут болгондо. UFC мелдешинин бүйүр кызыткан видеолору
(жаңыланган 13:01 25.01.2021)
Кечээ Абу-Дабиде UFC 257 мелдеши жыйынтыкталды. Ал промоушендин 2021-жылдагы алгачкы чоң окуяларынан болду.Бир учурда эки дивизиондун чемпиону болгон Конор Макгрегор менен Дастин Порьенин реванш беттеши мелдештин эң башкы кармашы болду. Жеңил салмакта Майкл Ченлер менен Дэн Хукердин кармашы да көрүүчүлөргө өзүнчө кызык тартуулады.
Порье беттештин экинчи раундунда атаандашы Макгрегорду нокаутка сулатып, мөөнөтүнөн мурда утту. Бул ирландиялык мушкердин ММА спортундагы карьерасында биринчи бүк түшүүсү болду.
Турнирде Bellator уюмунун экс-чемпиону Майкл Чендлердин бет ачар таймашы ийгиликтүү аяктады. Ал экинчи башкы беттеш деп саналган кармашта Дэн Хукерди биринчи эле раундда нокаутка кетирип утуп алды.
©
Sputnik / Виталий Тимкив
Россиялык мушкер Арман Царукян америкалык Мэтт Фревол менен таймашып, калыстардын бир добуштан берген чечими менен утуп алды.
Баштапкы карддын алкагында октагонго дагы бир россиялык атлет Мовсар Евлоев чыгып, америкалык Ник Ленц менен кармашты. Үч раунддун жыйынтыгында калыстардын чечими менен жеңүүчү деп табылды.
БУУ: COVID оңдурбай, дүйнө акыркы 100 жылдыкта эң оор каатчылыкка кептелди
(жаңыланган 11:13 26.01.2021)
Антониу Гутерреш 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин билдирди.БИШКЕК, 26-янв. — Sputnik. Бириккен Улуттар Уюмунун (БУУ) башкы катчысы Антониу Гутерреш коронавирус пандемиясынын кесепетинен дүйнө акыркы жүз жылдыктагы эң оор экономикалык каатчылыкка кептелгенин билдирди. Бул тууралуу уюмдун сайтында жарыяланды.
Катчынын айтымында, азыр "дүйнө абдан морт болуп турган кез".
"Пандемия эки миллиондон ашык адамдын өмүрүн алып кетти. Экономикалык абалыбыз акыркы 100 жыл ичиндеги эң төмөнкү көрсөтүчкө түштү. Коронавирус адамдар, өлкөлөр арасында теңсиздик бар экенин далилдеп койду. Кыскасы, жаратылышка биз кандай мамиле кылсак, ал бизге дал ошондой сокку уруп жатат. Дүйнө эли диалогго келип, кызматташуубуз керек", — деди Гутерреш.
Ошондой эле ал 2021-жылы дүйнөнү калыбына келтирүүдө өкмөттөр, эл аралык уюмдар, жеке сектор жана жарандык коом биргелешип ынтымакта иштешүүсү керектигин кошумчалады.
Белгилер: