Аппак тоонун чокусундагы вулкандын түтүнү менен чаңы. Таң калтырган видео

394
(жаңыланган 22:52 04.01.2021)
Кардын алдында жаткан сицилиялык Этна жанар тоосу өзүнө жакын жайгашкан Катания шаарынын жашоочуларын жакында эле бир топ түйшөлттү.

Так жана даана тартылган видео RT телеканалынын YouTube каналына жайгаштырылган.

Анда Этна өзүнүн түтүнү менен чаңын асманга бүркүп жатканы көрүнүп турат.

Италиянын вулканология жана геофизика боюнча улуттук институтунан өткөн жылдын 21, 22-декабрында Этнанын түштүк-батыш тараптагы кратеринде жанар тоонун активдүүлүгү байкалганын билдиришти.

Этна стратовулканы Европадагы ири жанар тоонун бири, узундугу 3 320 метр. Планетадагы активдүү вулкандардын ана башында турат. Этна акыркы жолу 2018-жылы атылган.

394
Белгилер:
түтүн, жанар тоо, Сицилия
Тема боюнча
Оюлган трасса, жарактан чыккан имараттар. Аляскадагы зилзаладан кийинки видео

Финпол сулуулук салонунун атын жамынып иштеген кумар оюндары клубун аныктады. Видео

27
(жаңыланган 10:52 21.01.2021)
Финпол Чүй облусунун Жайыл районунда "Сулуулук салону" деген атты жамынып иштеп жаткан кумар оюндары ойнолчу клубду аныктады.

Маалыматка караганда, аталган клуб Кара-Балта шаарынын Карл Маркс жана Бейшеналиев көчөлөрүнүн кесилишинде "Лаванда" деген сулуулук салон катары иштеп жаткан.

Тинтүү учурунда атайын программалар менен камсыздалган компьютердик жабдуулар, акча каражаты жана башкалар табылган. Ошондой эле ичинде кумар оюндарын ойноп жаткан кардарлар отурган.

Аталган факт боюнча сотко чейинки өндүрүш ачылды. Азыркы учурда тергөө иштери жүрүп жатат.

27
Белгилер:
аныктоо, казино, Кара-Балта, финансы полициясы
Тема боюнча
Финпол: Балыкчыга камера орнотууда 3 млн. сом сол чөнтөккө солонгон
Бишкекте мөөнөтү өткөн конфет-печенье сакталган дагы бир кампа табылды. Видео

UFC: Хабиб Нурмагомедовдун иниси алгачкы беттешинде атаандашын утуп алды. Видео

186
(жаңыланган 01:41 21.01.2021)
Россиялык мушкер казакстандык атаандашы Сергей Морозовду муунтуу ыкмасы менен жеңип алды. Беттеш 2-раундда соңуна чыкты.

Хабиб Нурмагомедовдун тууганы Умар UFC турнириндеги алгачкы беттешинде жеңишке жетишти.

Россиялык мушкер казакстандык атаандашы Сергей Морозовду муунтуу ыкмасы менен утуп кетти. Беттеш 2-раундда соңуна чыкты.

Ал беттеш аяктаган соң агасы Хабиб дагы алгачкы жеңишин дал ушундай ыкма менен багындырганын эске салды.

"Мен бактылуумун. Тогуз жыл мурда бул рингге Хабиб кирип, дал мендей болуп утуп чыккан. Анын ыкмасын кайталаганыма кубанычтамын”, — деди ал.

Таймашка секундант катары катышкан Хабиб Нурмагомедов өзү инисиндей болуп экинчи эмес, үчүнчү гана раундда жеңгенин кошумчалады.

186
Белгилер:
бир тууган, UFC, Хабиб Нурмагомедов
Тема боюнча
Чыканак менен башка уруп... Соңку UFC турниринин кызыктуу учурлары видеодо
Макгрегордун Нурмагомедов менен кармашканга чейинки жана андан кийинки видеосу
Италиялык Ювентус клубунун чабуулчусу Криштиану Роналду. Архивдик сүрөт

Роналду тарыхта расмий оюндарда эң көп гол киргизген футболчу болду

0
(жаңыланган 11:16 21.01.2021)
35 жаштагы спортчу кечээ Италиянын Суперкубогу үчүн "Наполи" менен оюнда гол киргизди. Беттеш 2:0 эсеби менен туриндиктердин пайдасына аяктаган.

БИШКЕК, 21-янв. — Sputnik. Италиялык "Ювентус" клубунун чабуулчусу Криштиану Роналду расмий беттештерде киргизген голдорунун саны боюнча футбол тарыхында биринчи орунга чыкты. Бул тууралуу Р-Спорт жазды.

35 жаштагы спортчу кечээ Италиянын Суперкубогу үчүн "Наполи" менен оюнда гол киргизди. Беттеш 2:0 эсеби менен туриндиктердин пайдасына аяктаган.

Бул Роналдунун профессионалдык карьерасындагы клуб жана улуттук командасы үчүн киргизген 760-голу болду. Муну менен ал Австрия жана чехословакиялык футболчу Йозеф Бицандан ашып өттү. 1950-жылдары ойногон чабуулчу атаандаштарынын дарбазасына 759 ирет топ киргизген.

0
Белгилер:
лидер, гол, Криштиану Роналду, футбол
Тема боюнча
Роналду XXI кылымдын мыкты футболчусу аталды. Спортчу эмне деди