Бишкекти каптаган ыш Deutsche Welle берүүсүнүн башкы темасы болду. Видео

345
(жаңыланган 15:55 05.01.2021)
Германиядагы телеканалдын репортажында Кыргызстандын баш калаасына экологиялык өзгөчө кырдаал режимин киргизүү зарылдыгы айтылды.

Бишкекти каптаган ыш Германиядагы эл аралык Deutsche Welle телерадиокомпаниясынын репортажындагы башкы тема болду.

Репортаж 28-декабрда эфирге чыккан. Анда Кыргызстандын баш калаасындагы кооптуу ыш жана абанын булганышы тууралуу айтылган.

Журналисттер Бишкек декабрь айында абанын булганганы боюнча эл аралык рейтингде кытайлык шаарлардан ашып өтүп, бир нече күн бою эң алдыңкы сапка чыкканын белгилешкен.

"Борбор Азиядагы бул шаарда болгону бир миллионго чукул киши бар. Шаар тургундарынын көпчүлүгү үйлөрүн кышында көмүр менен жылыткандыктан, шаар кышкысын бир нече жылдан бери ыш каптаган шартта күн кечирет. Коронавирус пандемиясы өлкө экономикасына катуу сокку урганы аз келгенсип, калыңдаган коюу түтүн түйшүк жаратып жаткандай", — дешет журналисттер.

Абанын мындай деңгээлде булганышы бет кап кийүү, үйлөрдү табигый газ же электр энергиясы менен жылытуу жолуна өтүү зарылдыгын жаратат. Бирок өлкөдө мындай мүмкүнчүлүгү жок экени репортажда белгиленет.

Мындан сырткары, Бишкекке экологиялык өзгөчө кырдаал режимин киргизүү зарыл экени тууралуу пикир айтылды.

5-январь саат 15:30га карата абанын булганганы боюнча эл аралык рейтингде Бишкек экинчи орунга түштү. Борбордо абанын сапатынын көрсөткүчү (AQI) 288 бирдикти түзгөн. Тизменин сап башында Катманду турат (403 бирдик).

345
Белгилер:
Бишкек, аба, булгануу
Тема боюнча
Бишкекке экологиялык өзгөчө кырдаал киргизүү сунушуна Түлөбаев жооп берди
Бишкек дүйнөдөгү абасы кир шаарлардын ичинен биринчи орунга чыкты

Арстандар үйдү "ээлеп алганда". Түштүк Африкадан тартылган видео

27
Түштүк Африканын Худспрут шаарында жашаган жубайлар Дэвид жана Маришка Де Бир туугандарынын бош турган үйүнө көз салып коюу үчүн келип, арстандардын үйүрүнө туш болгон.

Daily Mail аял-күйөөсүн күтүүсүз коноктор "тосуп алгандыгын" жазды.

Алар бош үйүндөгү "конокторду" видеого тартып алышкан. Кадрдан айнек терезенин алдында жайбаракат күн чубактап жаткан алты арстанды көрүүгө болот.

Жырткычтар эшикти акырын ачып кирип келе жаткан кишини алгач байкаган эмес. Качан гана кыймылды сезип калганда үркүп кетип, жапырт тура калышкан. Жубайлардын айтымында, айланчыктаган арстандар алгач дароо эле кетип калган эмес.

Маалыматта үй улуттук Крюгер паркынын жанына жайгашып, Дэвиддин атасына тиешелүү экендиги жазылган. Адатта ал тегеректен ээн-эркин жүргөн жырткычтарды көп кездештирүүгө болот.

Там сатыкка коюлуп, бир нече мезгилден бери бош турган. Адам жыты келбегендиктен, жырткычтар ал жерди байырлай баштаган.

27
Белгилер:
арстан, Түштүк Африка Республикасы
Тема боюнча
Жыра тартып... Крокодилдердин олжосун илип кеткен бегемоттордун видеосу

Дача-СУга кулаган учак. 39 кишинин өмүрүн алган авиакырсыктын айтыла элек сыры

154
(жаңыланган 10:53 16.01.2021)
Дача СУдагы авиакырсыктын көптөгөн майда-чүйдө, бирок маанилүү учурлары төрт жыл өткөндөн кийин белгилүү болду. Эл аралык авиация комитети каргашаны иликтөөнүн жыйынтыгын былтыркы жылдын май айында гана жарыялады.

Sputnik агенттиги даярдаган даректүү тасма кырсыктын себептерин иликтөө боюнча документтин негизинде даярдалды. Ал кырсык тууралуу көп жазылды, бирок табышмак бойдон калган нерселер али да арбын.

Көпчүлүк учактын кулашына учкучтар күнөөлүү экенин уккан. Бирок эмне себептен тажрыйбалуу учкучтар мындай ката кетиргенин биле беришпейт.

Ошондой эле каргашада 39 адам каза болгону айтылат. Алардын 35и жергиликтүү тургундар болсо, төртөө — экипаждын мүчөсү. Анда эмне үчүн эстелик ташка 40 адамдын ысымы чегилген. Атургай кээ бирөөлөр 43 кишинин өлгөнүн айтышат. Анда аты айтылбаган төрт киши ким?

Бул суроолорго Sputnik даярдаган даректүү тасмадан жооп аласыз. Эгер даректүү тасмага убактыңыз тар болсо, анда видеоинфографиканы көрүңүз.

154
Белгилер:
трагедия, видео, авиакырсык, Дача СУ
Тема:
Дача айылындагы авиакырсыктын кесепеттери
Тема боюнча
Өлөр алдында учкучтар уруша кетишкен. Дача СУга учактын кулаган себеби
Дача СУга кулаган учак. Каргашанын себеби айтылган отчёт чыкты
Лаборатория кызматкери иш учурунда. Архив

Россияда COVID-19ду бир саатта аныктай турган тест-система жасалды

0
(жаңыланган 11:03 16.01.2021)
Россиялык окумуштуулар жугуу жагынан күчтүүрөөк деп айтылып жаткан жаңы штаммдарды тез аныктоону максат кылууда.

БИШКЕК, 16-янв. — Sputnik. Роспотребнадзор мекемесинин Эпидемиология институту COVID-19ду 60-90 мүнөттүн ичинде аныктап берчү тест-система иштеп чыкты. Бул тууралуу аталган институттун директору Василий Акимкиндин сөзүнө таянып РИА Новости жазды.

"Биз вирусту аныктоо убактысын үч-төрт эсеге кыскарта алдык. Мунун негизинде тест-система иштеп чыктык. Эффективдүүлүгү жагынан кадимки ПЦР-тесттерден калышпайт. Жакынкы күндөрү аны COVID-19дун Улуу Британияда табылган жаңы штаммын аныктап көрүү үчүн жөнөтөбүз", — деди Акимкин.

Окумуштуулар жугуу жагынан күчтүүрөөк деп айтылып жаткан жаңы штаммдарды тез аныктоону максат кылууда.

Ошондой эле адистер жаңы тест-система вирустун мутация болгонун же болбогонун дагы так көрсөтүп берерин кошумчалашты.

0
Белгилер:
тест, коронавирус, Россия
Тема:
Дүйнөгө жайылган коронавирус
Тема боюнча
Кыргызстанда дагы бир менчик лабораторияга ПЦР-тест жүргүзүүгө уруксат берилди
Финпол ПЦР-тесттин жасалма жыйынтыгын саткан кылмыштуу топту кармады. Сүрөт
Россияда COVID-19га каршы массалык эмдөө башталат