Кытай: окурман талашып, кайым айтышкан роботтор. Жылмаюу чакырган видео

224
Интернет айдыңында Кытайдын Цзянси провинциясындагы китепканада "иштеген" роботтор кайым айтышты деген видео тарады. Ал эми маалыматтар жергиликтүү порталга жайгаштырылган.

Бир катар интернет колдонуучулар жасалма интеллектиге ишенбей, анын ичине киши отуруп алгандай сезим калтырат деген пикирлерин жазган.

Роликтен эки робот-ассистентти көрүүгө болот. Ал жакка келгендер күлкү чакырган бул диалогду жазып алып, интернетке таратып жиберишкен. Цзянси провинциясынын Нанчан шаарындагы темир китепканачылардын аттары Туту жана Ванбао экени белгилүү болду. Маалыматка караганда, алар китепканага келгендерге тиешелүү адабияттарды таап берип, көмөктөшөт.

Китепканадан алардын "кайым айтышуусу" эмнеден чыгып кеткендигин түшүндүрүп беришкен. Кайрылган окурманга алардын бири тиешелүү китебин таап берүүсү керек болгон. Ал роботтордун биринин QR-кодун сканерден өткөрө баштаганда, экинчиси "уруштун сөзүн сүйлөй баштаган". Ошентип, алар айтышып кеткен деп жазылган маалыматта.

Анткен менен робот Ванбао элдешкенге кадам таштаган:

— Күнөөмдү мойнума алам, Туту, мындан ары урушпайлычы!
— Маанайың дайыма эле өзгөрө берет!

— Кайра баштадыңбы, мен элдешип жатам го, а сен жинденесиң.
— Макул, анда сени кечирдим!

— Бүттү, кечир. Жакшы тур.

Ал эми видеодон диалогду уккандардын күлүп жатканын угууга болот.

Аны менен эле экөөнүн талашы бүтүп калган эмес.

— Эми мага таарынып жатасыңбы. Бурулуп мени карасаң, — деген Туту.
— Эч качан.

— Мейли, болуптур.

Ошентип, эки роботтун кайым айтышуусу аяктаган.

224
Тема боюнча
Аюуларды коркутат дешти. Үрөйдү учурган роботтордун видеосу
Робот-хамелеонго "алданган" айбанаттардын видеосу

Тамак жасап, идиш жууган роботтун таң калтырган видеосу

11
CES 2021 деп аталган көргөзмөдө Moley Robotics компаниясы ашкана ишин кынтыксыз аткарган роботту элге тааныштырды. Анын кадимкидей эле тамак жасай аларын айтышты.

Роботтун эки колу бар, ал кудум адамдыкына окшош. Текчеден тиешелүү азык-түлүктү өзү эле алып, кууруп, бышырып, ал тургай күйгүзүп жибербей аралаштырып да турат. Отту азайтып же керек болсо көбөйтөт.

Бир нерсе төгүлүп же чачылып кетсе, жыйнап да коёру маалым болду. Идиш-аякты кадимкидей жууйт.

Түзүүчүлөр темир ашпозчунун эсине тамак-аш жасоонун беш миң ыкмасын киргизип коюшкан. Авторлор ээси тажап кетпеш үчүн кулинария китебин ай сайын жаңылап турууну пландап жаткандыктарын айтып беришкен.

Роботтун баасы учурда болжол менен 40,8 миң — 74,8 миң доллардын тегерегинде экендигин айтышты.

11
Белгилер:
кулинария, ашкана, тамак-аш, робот
Тема боюнча
Индияда роботтор COVID менен күрөшкөн дарыгерлерге жардамчы болууда. Видео

Атаандашын башка чапкан Месси биринчи жолу кызыл айып кагазын алды. Видео

561
Аргентиналык футболчу командалашына топту өткөрүп берип, чабуулду коштоп чуркаган. Бул учурда Асьер Вильялибр менен кагылыша кеткен.

"Барселона" клубунун капитаны Лионель Месси бильбаолук "Атлетик" командасы менен Испаниянын суперкубогунун финалында орой оюну үчүн беттештен куулду. Бул тууралуу Р-Спорт маалымат булагы жазды.

Чыр кошумча бөлүктүн экинчи, 15 мүнөттүк таймынын акыркы ирмемдеринде чыккан. Аргентиналык футболчу командалашына топту өткөрүп берип, чабуулду коштогону чуркаган. Бул учурда Асьер Вильялибр менен кагылышып, аны башка чаап, кулатып салган.

Севильяда өткөн чечүүчү беттеште "Атлетик" 3:2 эсеби менен утуп, Испаниянын суперкубогун алды.

Интернеттеги жеткиликтүү маалымат базасы менен алектенген Gracenote компаниясы Месси "Барселона" клубундагы карьерасында өткөргөн 753 беттешинде биринчи ирет кызыл айып кагазын алып, оюндан четтетилгенин Twitter баракчасында белгиледи.

561
Белгилер:
Испания, "Атлетико" командасы, Барселона ФК, Лионель Месси
Тема боюнча
Контрчабуулду куулук менен токтоткон швециялык футболчу жазаланды. Видео
Манас аэропортундагы жүргүнчүлөрдү текшерүү. Архивдик сүрөт

Коронавирустун жаңы штаммы. Кыргызстанга келчүлөр кандай тартип менен кирет?

0
(жаңыланган 10:48 19.01.2021)
Төрт министрлик жана "Манас" эл аралык аэропорту, Мамлекеттик чек ара кызматы тарабынан чыккан буйрукка 13-январда кол коюлган.

БИШКЕК, 18-янв. — Sputnik. Кыргызстандын бийлиги коронавирусту, анын ичинде жаңы штаммын өлкөгө киргизбөө жана жайылтпоо максатында алгоритм иштеп чыккан.

Саламаттык сактоо, Тышкы иштер, Жолдор жана транспорт, Маданият, маалымат жана туризм министрликтери "Манас" эл аралык аэропорту жана Мамлекеттик чек ара кызматы менен биргеликте буйрук чыгарып, ага 13-январда кол коюлган.

Алгоритм Бишкек, Ош, Ысык-Көлдөгү аэропортторго эл аралык каттамдар менен келген бардык адамдарга тиешелүү экени айтылды.

Аба каттамы менен келгендерге алгоритм:

  • Кыргызстанга эл аралык каттам менен келчүлөрдө акыркы 72 сааттын ичинде коронавируска тапшырган тесттин жыйынтыгын терс деп көрсөткөн маалымкаты болушу шарт;
  • Бул эреже чет өлкөлүк элчилик, консулдук, эл аралык уюмдардын кызматкерлерине, экипаж мүчөлөрүнө тиешелүү эмес. Ошондой эле ата-энелери менен келе жаткан 7 жашка чейинки балдарга да колдонулбайт. КРдеги шайлоо процесстерине көз сала турчу эл аралык байкоочулардан маалымкат суралбайт;
  • Кыргызстанга келе жаткан жүргүнчүлөргө учактын ичинде анкета таратылат;
  • Кыргызстандын аймагына кирерде жүргүнчүлөр санитардык-карантиндик пункттун кызматкерлерине маалымкаты менен толтурулган анкетаны беришет;
  • Жүргүнчүлөр сөзсүз түрдө бет капчан болушу керек жана антисептик колдонушу шарт;
  • Эгер борт кызматкерлери бир жүргүнчүдөн коронавирустун белгилери байкалгандыгы тууралуу маалымат берсе, анда аны менен байланышта болгондор аныкталат. Булар учакта алдыңкы, арткы орундуктагы эки адам жана капталында отурган бир адам. Байланышта болгондор жашаган жеринде медициналык кароодон өтүшү керек.
  • Эгер дарыгерлер байланышта болгондорду аныкташы керек болсо, анда аэропорттор жүргүнчүлөрдүн тизмеси менен алар тууралуу маалыматты бериши шарт;
  • Санитардык-карантиндик пункттун адистери келген жүргүнчүнүн дене табын атайын жабдуу менен текшеришет. Эгер клиникалык белгилер байкалбаса, анда жүргүнчү андан ары кете берет. Эгер байкалса, Тез жардам борборунун кызматкерлери Саламаттык сактоо министрлиги тарабынан көрсөтүлгөн ооруканага жаткырышат;
  • Эскертүү: эгер ПЦР-тест тууралуу маалымкаттын мөөнөтү каттамдар кармалгандан улам же башка бир маанилүү себептер менен өтүп кетсе, анда тестти жүргүнчү баргандан кийин тапшырат.

Мындай алгоритм ички каттамдар менен жүргөндөргө да тиешелүү.

КРге транспорт менен келчүлөр үчүн алгоритм:

Кыргызстандыктардын да, башка өлкөнүн жарандарынын дагы тест тапшырган маалымкаты болушу керек. Бул эреже чет өлкөлүк элчилик, консулдук, эл аралык уюмдардын кызматкерлерине, экипаж мүчөлөрүнө тиешелүү эмес. Ошондой эле ата-энелери менен келе жаткан 7 жашка чейинки балдарга колдонулбайт. Мындай документ эл аралык жүк ташуу менен алектенген айдоочулардан да суралбайт;

Чек арадан өтөрдө санитардык-карантиндик пункттун дарыгерлери келгендердин баарын текшерет. Эгер оорунун белгилери байкалса, анда ооруканага жаткырышат, эгер байкалбаса коё беришет;

Ал эми оору табылган адам менен байланышта болгондор милдеттендирилген анкета толтуруп, үйүндө өзүн-өзү изоляциялоодо болушу керек же чек арада алынган тесттин жыйынтыгы чыккыча обсервацияда жатып турушу шарт.

Бул буйрук Саламаттык сактоо министрлигинин сайтында да жайгаштырылган.

Декабрь айынын орто ченинде Улуу Британияда SARS-CoV-2 деп аталган коронавирустун жаңы мутациясы пайда болгону тастыкталган. Адистердин айтымында, вирустун жаңы түрү мурдагыга салыштырмалуу тез тарайт.

0
Белгилер:
буйрук, алгоритм, штамм, коронавирус
Тема:
Коронавируска байланыштуу Кыргызстандагы кырдаал
Тема боюнча
Штаб: коронавирустун жайылуу темпи боюнча Кыргызстан жашыл зона
Япония британиялык жаңы штаммдан улам өлкөгө кирип-чыгууга тыюу салды
КР калкынын канчасында коронавируска каршы антитело бар? Изилдөөнүн жыйынтыгы