UFC "Мушкерлер аралындагы" мыкты жеңиштердин видео топтомун жарыялады
(жаңыланган 18:24 10.01.2021)
Абсолюттук мушкерлер чемпионаты (Ultimate Fighting Championship) өткөн жылы "Мушкерлер аралы" спорттук жайында өткөн мелдештердеги мыкты нокауттардын видео-жыйнагын жарыялады. Жыйнак уюмдун YouTube-каналына чыкты.Анда Хабиб Нурмагомедов, Магомед Анкалаев, Исраэль Адесанья, Хоакин Бакли, Ян Блахович жана башкалардын атаандаштарын кулата соккон нокауттары, муунтуп, колу-бутун кайрып уткан ыкмалары камтылган.
Беш саат кармашса да баласын алдырып жиберди. Антилопанын кейиштүү видеосу
(жаңыланган 15:47 20.01.2021)
Түштүк Африкадагы Крюгер жаратылыш паркында антилопа жаңы туулган баласын ошол жердеги жырткычтарга алдырып жиберди.National Geographic Россия бул туурасында жазды.
Алгач эне-антилопа ар тараптан, ал тургай асмандан улам келип аңдыган башка жаныбарлардан чүрпөсүн коргогонго аракет кылган.
Энеси улам жер челип, бирде кабыланды, бирде каманды качырганы баары бир жыйынтыгын берген эмес.
Улам келип тап берген жырткычтар акыры анын музоосун алып кетип тынган.
Окуяны кызыктуу видеолорду дайыма жүктөп турган https://www.latestsightings.com/ аянтчасынын негиздөөчүсү 24 жаштагы Надав Оссендривер өзү тарткан.
Токойчу мүйүздөрү чырмалган эки эликти бир ок менен куткарды. Видео
(жаңыланган 13:06 20.01.2021)
АКШлык токойчу сүзүшүп жатып мүйүздөрү кайчылашып, бири-биринен бошоно албай калган эки эликти бир ок менен таамай атып бошотту.Канзастын жаныбарлар коругунда аңчы мүйүздөрү менен бекем чырмалышкан эки эликти байкаган. Бул тууралуу Fox23 жарыялады.
Күбөлөрдүн айтымында, жаныбарлар сүзүшүп жатып мүйүздөрү кайчылашып, экөө такыр ажырай албай калган. Бири бошонууга аракет жасаса, экинчисин тартып кеткен. Аңчы жергиликтүү мергенчилик боюнча башкармалыкка кайрылып, токойчулар жардамга келишкен.
Алар аркан жана керектүү шаймандарды алып, аралыктан туруп эликтерди бири-биринен ажыратууга аракет жасашкан, бирок андан майнап чыккан эмес.
Жефф Клоузер аттуу кызматкер жаныбарлар токойчулардан үркүп качпашы үчүн алардын мүйүзүнө төшөнчөнү ыргытып, көзүн жапкан. Эликтер качпай, бир саамга тыным алып калган учурда рейнжер бир ок менен кайчылашкан мүйүзгө таамай аткан.
Жаныбардын мүйүзүнүн учу сынып түшүп, алар чырмалышкан жеринен заматта бошонгон. Жаныбарлар октон жабыркаган эмес.
Белгилер:
Кыргызстандан үч калыс ФИФАнын абройлуу тизмесине алынды
(жаңыланган 18:41 20.01.2021)
Дүйнөлүк уюмда Кыргызстандан жалпысынан 17 калыс бар. Алардын алтоосу футбол калысы, сегизи жардамчы (каптал калысы) жана үч калыс футзалдан.БИШКЕК, 20-янв. — Sputnik. Кыргызстандын үч калысы Дүйнөлүк футбол федерациясынын (ФИФА) 2021-жылдагы тизмесине киргизилди. Бул тууралуу өлкөнүн футболдук союзунан кабарлашты.
Ата мекендик футбол адистери Медербек Тайчиев, Зайниддин Алимов жана Нурзат Аскат уулу алгачкы ирет аталган тизмеге алынган. Дүйнөлүк уюмда Кыргызстандан жалпысынан 17 калыс бар. Алардан алтоосу футбол калысы, сегизи жардамчы (каптал калысы) жана үч калыс футзалдан.
©
Sputnik / Алексей Майшев
Сергей Грищенко, Исмаил Талипжанов, Замир Чыныбеков, Элдияр Салыбаев, Рамина Цой, Артем Скопинцев, Хусан Джалалдинов, Канат Мырсабеков реферинин жардамчысы болуп саналат.
Ал эми Нурдин Букуев, Чыңгыз Мустафаев жана Элдияр Келдибеков ФИФАнын футзал калыстарынын катарында.