Тизилген жан алгычтар. Карабахтын аянтын жарылуучу заттардан тазалаган видео

172
(жаңыланган 19:00 11.01.2021)
Россиянын Коргоо министрлигинин миналарды зыянсыздандыруу боюнча эл аралык борбору Тоолуу Карабахтын аймагын жарылуучу куралдардан тазалоо иштерин жүргүзүүдө.

RT телеканалынын маалыматына караганда, табылган куралдарды адистер атайын жабдылган полигонго алып барып жок кылып жатышат.

Ал эми башка жерге ташып барууга мүмкүн болбогон курал-жарактарды зарыл болгон эрежелерди бекем сактап, ошол жерде жардырып, жок кылышууда.

Мина коюлган талаалар, жарылбай калган ок-дары жана колго жасалган жарылуучу түзүлүштөр аймактардын жаңжалдан соңку башкы көйгөйүнө айланды.

Өмүргө дайым кооптуулук туудурган жагдайдан бир мисал – 23-ноябрдагы Мадагиз айылынын четиндеги Азербайжан, РФ аскер кызматкерлери жана таанылбаган Тоолуу Карабах республикасынын Өзгөчө кырдаал министрлигинин кызматкерлер тобунун жарылышы болду. Жаңжал аймагында мындай кооптуулук тынчтык орнотуучуларды, сапёрлор жана куткаруучуларды күн сайын тооруйт.

172
Белгилер:
жардыруу, Тоолуу Карабах, Азербайжан
Тема боюнча
Чагымчылдык өтпөйт. Россиялык тынчтык орнотуучулар Карабахка көз салып турат
Жардам күткөн бейтаптар. Россиялык медиктер Карабахтын элине кантип кам көрүүдө

Бишкектеги маршрутка айдоочулары күнүнө канча акча табат? Видео

372
(жаңыланган 18:49 22.01.2021)
Sputnik Кыргызстан маалымат агенттигинин кабарчысы Бишкекте маршруттук таксилердин айдоочулары менен сүйлөшүп, күнүнө канча акча табарын сураштырды.

18-январда айрым маршрутка айдоочулары жумушка чыкпай коюшкан. Алар жол кирени 5 сомго жогорулатууну талап кылып, жол акы 2012-жылдан бери көтөрүлө электигин белгилешкен. Мэр бул маселени чечүүгө убакыт керектигин айткан.

Анткен менен бүгүн киши ташуучу жеке компаниялардын жетекчилери мэрдин милдетин аткаруучу Балбак Түлөбаевден кичи автобустардагы жол кирени 19-20 сомго чейин көтөрүүнү талап кылышкан. Азырынча жол кире боюнча так бир чечим чыга элек.

Түлөбаев болсо мэриянын алдында транспорттук саясат боюнча кеңеш түзүүнү тапшырды. Ал борбор калаанын транспорттук тутумун реформалоо үчүн жарандардын, айдоочулардын, муниципалдык кызматкерлердин жана жеке транспорттук компаниялардын жетекчилеринин жолугушуусу үчүн аянтча болуп бермекчи.

Мэр, ошондой эле, натыйжалуу иш алып баруу үчүн жеке фирмалардын жетекчилеринин атынан бир өкүлдү тандап, аны өзүнүн коомдук кеңешчиси кылууну суранган.

Бүгүнкү күндө маршруттук таксилердин айдоочулары канча табарын сураштырдык. Алардын айтымында, киреше канча каттам жасагандыгына жараша түшөт. Айрымдары күнүнө 700 сомго чейин, кээ бири 1 500 сомго чейин акча каражаты өздөрүндө каларын айтышты.

372
Белгилер:
Киреше, жол кире, айдоочу, маршрутка, Бишкек мэриясы, Бишкек
Тема боюнча
Бишкекте маршруткалар боюнча абал кандай экенин мэриядан айтып беришти
Иш таштаган маршрутка айдоочулары. Үч компанияга эскертүү берилди
Маршрутка айдоочулары жол акыны 20 сомго көтөрүүнү талап кылды. Мэрдин сунушу

Жетер чегине жетти! Маркум депутаттын кызы ыйлап баяндама жасады. Видео

4039
Пандемия маалында бийлик тарабынан жасалган иштерди иликтеген жумушчу комиссия бүгүн маалымат жыйын өткөрүп корутундусун жарыялады. Анда маркум депутат Чыныбай Турсунбековдун баяндама жасаган кызы Айдай Турсунбекова ыйлап жиберди.

Турсунбекова комиссияга пандемияда каза болгондордун жакындарынын атынан кирген. Ал баяндамасын аяктап жатып өлкөнүн медицинасы дээрлик талкаланып бүтүп, жетер чегине жеткенин белгиледи.

"COVID-19 пандемиясы биздин саламаттык сактоо тармагынын абалын көрсөтүп койду. Мен көргөндөн бир гана саламаттыкты сактоо системасы чириген эмес, башкалары да бар. Ал жерде эч нерсе кылбай, жылдап жетекчилик кызматта отургандар, бир кызматтан экинчисине секирип жүргөндөр айрым олигарх врачтарга мамлекеттик ооруканаларда жеке бизнесин жүргүзүүгө шарт түзүп берип жатат. Ошол эле учурда биздин жаш, кесипкөй кадрлар жумуш издеп чет өлкөлөргө кетүүгө аргасыз болууда", — деди Турсунбекова.

Мындан улам ал пандемияда жакындарын жоготкон адамдар укук коргоо органдарынан гуманитардык жардамдар, донорлор берген каражат каякка жумшалганын тактап беришин сурана турганын белгиледи.

Себеби баасы 600-650 сом турган жеке коргонуучу бир костюмду мамлекет 6000 сомго сатып алган учурлар бар экенин айтат.

Пандемиянын кесепеттерин иликтеген комиссиянын курамына дарыгерлер, ыктыярчылар, журналисттер жана коронавирустун курмандыгы болгондордун жакындары кирген. Изилдөөнүн жыйынтыгы рекомендациялык мүнөзгө ээ жана ал Коопсуздук кеңешине өткөрүлүп берилет.

4039
Белгилер:
медицина, пандемия, иликтөө, комиссия
Тема боюнча
Комиссия Республикалык штабдын пандемиядагы эң биринчи катасын атады
Комиссия: пандемияда көз жумгандардын саны расмий маалыматка төп келбей жатат
Колл-центрдин ишкери. Архив

Бишкекте мугалимдер онлайн-сабак өтпөй жатса арызданууга болот. Номерлер

8
Ушул жумадан тарта борбор калаада 1, 5, 9 жана 11-класстын окуучулары мектепке барып окуй баштады. Калган класстар аралыктан билим алууну улантууда.

БИШКЕК, 23-янв. — Sputnik. Бишкек шаарынын вице-мэри Айжан Чыныбаева мугалимдер онлайн-сабакты өтпөй жатса кабарлап коюуну өзүнүн Facebook баракчасы аркылуу өтүндү.

Эске салсак, 18-январдан тарта борбор калаада 1, 5, 9 жана 11-класстын окуучулары мектепке барып окуй баштады. Ошол эле учурда бул класстын айрым окуучулары шартына жараша үйдөн да билим алса болору белгиленген. Аларга мугалим өзүнчө сабак өтөт, мындан сырткары, телеканалдарда телесабактар көрсөтүлөт.

"Социалдык тармактарда айрым мугалимдер онлайн-окутууну үзгүлтүккө учуратып, сабак өтпөй жатат деген маалыматтар пайда болду. Бул маалымат чындыкка дал келбейт. Биз жакынкы убакытта балдардын бардыгы окууну кадимкидей тартипте улантарына ишенебиз", — деп жазган Чыныбаева.

Вице-мэр окуу процессине байланыштуу педагогдор тарабынан мыйзам бузуулар болсо 0709 24 02 84 WhatsApp номерине кабарлап коюуну өтүндү.

8
Белгилер:
кайрылуу, мугалим, окуу, Бишкек мэриясы
Тема боюнча
Бишкектеги мектептерге 53,5 миңден ашуун окуучу бара баштады