Чекистке пара берип кармалган Соцфонддун Таластагы жетекчиси. УКМКнын видеосу

196
(жаңыланган 18:08 12.01.2021)
Чекисттерге пара берүүгө шектелген Социалдык фонддун Талас облусу боюнча башкармалыгынын жетекчисин кармоо учурунан тартылган видеону УКМК жарыялады.

Кадрдан атайын кызматтын өкүлдөрү кабинетке кирип келип, столдун үстүндөгү папкадан 5000 сомдук акчаларды тапкан.

УКМКнын маалыматына ылайык, Ы. И. С. аттуу жетекчи Талас облусу боюнча башкармалыгынын кызматкерлерине командировка акысы катары бюджеттен бөлүнгөн акчаны менчиктеп алуу фактысы боюнча ачылган кылмыш ишин токтотуу үчүн УКМКнын кызматкерине 70 миң сом сунуштаганы аныкталган.

Шектүү Талас облустук милициясынын убактылуу кармоо жайына киргизилип, тергөө иштери уланууда.

196
Белгилер:
УКМК, кармоо, жетекчилик, Социалдык фонд
Тема боюнча
УКМК "Бишкек" эркин экономикалык аймагынын мурдагы жетекчисин кармады
Соцфонддун төрагасы Медер Ирсалиев эки айга тергөө абагына камалды

Беш саат кармашса да баласын алдырып жиберди. Антилопанын кейиштүү видеосу

161
(жаңыланган 15:47 20.01.2021)
Түштүк Африкадагы Крюгер жаратылыш паркында антилопа жаңы туулган баласын ошол жердеги жырткычтарга алдырып жиберди.

National Geographic Россия бул туурасында жазды.

Алгач эне-антилопа ар тараптан, ал тургай асмандан улам келип аңдыган башка жаныбарлардан чүрпөсүн коргогонго аракет кылган.

Энеси улам жер челип, бирде кабыланды, бирде каманды качырганы баары бир жыйынтыгын берген эмес.

Улам келип тап берген жырткычтар акыры анын музоосун алып кетип тынган.

Окуяны кызыктуу видеолорду дайыма жүктөп турган https://www.latestsightings.com/ аянтчасынын негиздөөчүсү 24 жаштагы Надав Оссендривер өзү тарткан.

161
Белгилер:
каман, жырткыч, музоо, кабылан, антилопа, Түштүк Африка Республикасы
Тема боюнча
Токойчу мүйүздөрү чырмалган эки эликти бир ок менен куткарды. Видео
Арстандар үйдү "ээлеп алганда". Түштүк Африкадан тартылган видео

Токойчу мүйүздөрү чырмалган эки эликти бир ок менен куткарды. Видео

189
(жаңыланган 13:06 20.01.2021)
АКШлык токойчу сүзүшүп жатып мүйүздөрү кайчылашып, бири-биринен бошоно албай калган эки эликти бир ок менен таамай атып бошотту.

Канзастын жаныбарлар коругунда аңчы мүйүздөрү менен бекем чырмалышкан эки эликти байкаган. Бул тууралуу Fox23 жарыялады.

Күбөлөрдүн айтымында, жаныбарлар сүзүшүп жатып мүйүздөрү кайчылашып, экөө такыр ажырай албай калган. Бири бошонууга аракет жасаса, экинчисин тартып кеткен. Аңчы жергиликтүү мергенчилик боюнча башкармалыкка кайрылып, токойчулар жардамга келишкен.

Алар аркан жана керектүү шаймандарды алып, аралыктан туруп эликтерди бири-биринен ажыратууга аракет жасашкан, бирок андан майнап чыккан эмес.

Жефф Клоузер аттуу кызматкер жаныбарлар токойчулардан үркүп качпашы үчүн алардын мүйүзүнө төшөнчөнү ыргытып, көзүн жапкан. Эликтер качпай, бир саамга тыным алып калган учурда рейнжер бир ок менен кайчылашкан мүйүзгө таамай аткан.

Жаныбардын мүйүзүнүн учу сынып түшүп, алар чырмалышкан жеринен заматта бошонгон. Жаныбарлар октон жабыркаган эмес.

189
Белгилер:
куткаруу, ок атуу, окуя, элик, токойчу
Тема боюнча
Ата албай калган камандан чаңырып жатып кутулган. Италиядагы аялдын видеосу
Аткаминер иш учурунда. Архив

Калктын кыргыз бийлигине ишеними азайып кетти. Статкомдун изилдөөсү

0
(жаңыланган 19:04 20.01.2021)
Сурамжылоонун жыйынтыгында аткаруу бийлигине элдин ишеними 2019-жылдын ушул мезгилине салыштырмалуу 2,8 баллга төмөндөгөн.

БИШКЕК, 20-янв. — Sputnik. 2020-жылдын экинчи жарым жылдыгында калктын ишеним индекси кыргыз бийлигине былтыркыга салыштырмалуу төмөндөп кетти. Бул туурасында Улуттук статистика комитети билдирди.

Изилдөө декабрь айында жүргүзүлүп, 18 жаштан 75 жашка чейинки Кыргызстандын 3600 жараны сурамжылоого алынган.

Натыйжада аткаруу бийлигинин, Бишкек, Ош шаарларынын мэрияларынын, өкмөттүн облустагы өкүлдөрүнүн жана жергиликтүү өз алдынча башкаруу органдарынын ишмердигине калктын ишеним индекси 25 баллды түзгөн. Муну менен 2019-жылдын ушул мезгилине салыштырмалуу 2,8 баллга төмөндөгөн.

  • Ишеним индекси жана төмөндөшү;
  • Облустук, райондук маанидеги шаарлар жана жергиликтүү өз алдынча башкаруу органдары — 47,8 ( -2,3) балл;
  • Өзгөчө кырдаалдар министрлиги — 44,6 (-1,1);
  • Жергиликтүү мамлекеттик администрация — 44,2 (-47,6);
  • Өкмөттүн облустагы ыйгарым укуктуу өкүлдөрү — 47,2 (-3,5);
  • Жергиликтүү өз алдынча башкаруу органдары — 40,4 (+0,1);
  • Экономика министрлиги — 15,1 (-5,5)
  • Мамлекеттик мүлктү башкаруу фонду — 14,2 (-2,5)
  • Мамлекеттик соттук-экспертиза кызматы — 13,3;
  • Жаза аткаруу мамлекеттик кызматы — 10,3 (-1,3);
  • Мамлекеттик бажы кызматы — 3,6 (-1,5)
0
Белгилер:
Улуттук статистика комитети, ишеним, бийлик, кыргыз
Тема боюнча
Статком: Баткен, Жалал-Абад жана Нарындын эли жакыр жашайт
Кыргызстандын ИДПсы 598 млрд. сомду түзүп, экономика 9%га төмөндөдү