Кесепети кийин билинет! Кышында жеңил бут кийим кийгендерге арналган видео

1791
Өлкөнүн Саламаттык сактоо министрлиги кышында жеңил бут кийим кийип жүрүү бир катар ооруларга алып келерин эскертти.

Видео мекеменин YouTube каналына жарыяланды.

Министрлик кышында кеда, кроссовка, кээде туфли кийип алгандар бар экенин айтып, үшүп калуу бир нече убакыттан кийин өнөкөт илдеттерди пайда кыларын билдирди.

"Биринчи кезекте, дене чыйрыкканда иммунитет алсырайт. Экинчиден, мурун, тамак, кулак сезгенип, отит, гайморит, ангинага алып келет. Мындан тышкары, жыныстык дарттар, муун оорулары, радикулит, остеохондроз, ревматизм, неврит жана башкалар келип чыгышы ыктымал", — деп айтылат видеодо.

Мындай ооруларды алдын алуу үчүн ным өтпөгөн, таманы калың, ичи жылуу бут кийимдерди кийиш керектиги кошумчаланды.

1791
Белгилер:
эскертүү, оору, бут кийим, суук, кыш, КР Саламаттык сактоо министрлиги, Кыргызстан
Тема боюнча
Медиктер кышында баш кийим кийбегендерге кайрылып, үч кесепетин айтты. Видео

Түрк футболчусу автогол киргизип, Европа чемпионатынын тарыхында калды. Видео

597
Футбол боюнча Европа чемпионатынын эң алгачкы голу оюнчу өзүнүн дарбазасына топ киргизип алышы менен башталды. Мындай жагдай чемпионаттын тарыхында биринчи жолу катталды.

12-июнга караган түнү Рим шаарында Евро-2020 старт алып, оюнду Түркия менен Италиянын курама командалары ачып берди.

Беттештин 53-мүнөтүндө Түркиянын коргоочусу Мерих Демирал өз дарбазасына гол киргизип алып, эсеп санын ачып берди. Анын каршылашы тепкен топту башы менен тосом деген аракети оңунан чыкпай калган.

Демирал Европа чемпионатында автогол киргизген алгачкы футболчу катары тарыхта калды.

597
Белгилер:
автогол, Италия, Түркия, Европа чемпионаты, футбол
Тема боюнча
Футбол: Кыргызстан Мьянманын дарбазасына киргизген голдордун видеосу

Быйыл Кыргызстанда Россия күнү алгачкы ирет масштабдуу түрдө белгиленди. Видео

87
(жаңыланган 18:18 12.06.2021)
Бүгүн борбор калаада Россия күнү белгиленип, майрам элдик оюн-зоок программасы менен шаңдуу өткөрүлдү. Чыңгыз Айтматов атындагы Орус драма театрынын алдында "Русская душа" аталышындагы фестиваль уюштурулду.

Майрамдык иш-чаранын алкагында орус элдик ырларын жана бийлерин аткарган чыгармачыл топтордун концерти, оюндар, балдар жана чоңдор үчүн викториналар болуп, жеңүүчүлөргө эстеликке сыйлыктар берилди.

Ошондой эле орус тамактарынан даам татуу, Россия элинин кол өнөрчүлүк искусствосунун көргөзмөлөрү жана жарманкелер ачылган.

"Кыргызстан менен Россиянын тарыхы бир, достук мамилеси бекем өлкөлөр. Ошондуктан биз элдик оюн-зоок стилиндеги майрам уюштурууну чечтик. Бири-биризге руханий жактан көбүрөөк аралашуу дурус, андыктан биз Карамзиндин "Мамлекеттин коопсуздугу үчүн бир гана кара күч эмес, адеп-ахлак дагы керек" деген сөзүн слоган катары алдык. Бизди бириктирип турган жан дүйнө, салт-санаа тууралуу сүйлөшкүбүз келди", — деди фестивалдын уюштуруучусу Галина Кетова.

Кыргызстанда быйыл биринчи ирет Россия күнү масштабдуу түрдө белгиленип жатканы айтылат.

Эпидемиологиялык абалга байланыштуу бардык салтанат таза абада, Бишкек, Каракол, Кант, Кара-Балта шаарларында өттү.

87
Белгилер:
фестиваль, концерт, майрам, Россия күнү
Тема боюнча
Бишкекте Россия күнү белгиленип жатат. Сүрөттөр
"Русский мир" фестивалында көк бөрү мелдеши өтөт
Оорукана. Архив

9 киши каза таап, 600дөн ашыгы оор абалда жатат. COVID статистикасы

4
(жаңыланган 12:17 13.06.2021)
Бир сутка ичинде Кыргызстанда коронавирустан тогуз бейтап көз жумган. Анын бешөө Бишкекте, экиден киши Ысык-Көл менен Чүй облустарында катталды.

БИШКЕК, 13-июн. — Sputnik. Өткөн суткада коронавирус 558 кишиден катталып, 319 бейтап айыкты. Бул тууралуу Республикалык штаб кабарлады.

Жуктургандар:

  • Бишкек шаары – 231;
  • Ош шаары – 77;
  • Чүй облусу – 57;
  • Ош облусу – 78;
  • Талас облусу – 9;
  • Нарын облусу – 13;
  • Ысык-Көл облусу – 15;
  • Жалал-Абад облусу – 55;
  • Баткен облусу – 23.

Ушуну менен коронавирус жуктургандардын саны өлкөдө жалпы 110 370ке жетти. Анын ичинен 102 633ү дартты жеңген.

Айыккандар:

  • Бишкек шаары – 178;
  • Ош шаары – 18;
  • Чүй облусу – 66;
  • Ош облусу – 17;
  • Нарын облусу – 6;
  • Ысык-Көл облусу – 19;
  • Жалал-Абад облусу – 12;
  • Баткен облусу – 3.

Бир сутка ичинде өлкө боюнча 29 медицина кызматкери коронавирус жуктуруп алды. Алар:

  • Бишкек шаары – 4;
  • Чүй облусу – 4;
  • Ош шаары – 8;
  • Ош облусу – 5;
  • Жалал-Абад облусу – 5;
  • Баткен облусу – 1;
  • Ысык-Көл облусу – 1;
  • Нарын облусу – 1.

Тилекке каршы, бир сутка ичинде Кыргызстанда коронавирустан тогуз бейтап көз жумган. Анын бешөө Бишкекте, экиден киши Ысык-Көл менен Чүй облустарында катталган. Муну менен коронавирус жалпы 1 890 адамдын өмүрүн алды.

Стационарларда 1 976 адам дарыланып жатат. Анын ичинде 579у оор абалда болсо, 85 бейтаптын абалы өтө оор деп бааланды.

4
Белгилер:
абал, медик, статистика, өлүм, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Москвада COVID күч алып бир апталык локдаун жарыяланды