Акчаны сүйөсүзбү, чачыңыз эмнеге агарды? Премьерди дайындоодогу кызыктар видеодо

933
Бүгүн Жогорку Кеңештин көпчүлүк коалициясы премьер-министрлик кызматка Улукбек Мариповду жактырды. Анын талапкерлигин кароо учурунда айрым депутаттар адаттан тыш суроолорду узатты. Буга тамаша иретинде жооп берүү менен кутулду.

Эл өкүлү Зарылбек Рысалиев өкмөт башчы боло турган адамдын акчага болгон сүйүүсү канчалык экенине кызыкты. Аны менен катар кесипкөйлүгүнөн шек санап, "атанын эрке баласы эмессизби?" деп сурады. Ал тургай мамлекетке жасаган кайсы кызматы үчүн чачы агарганын дагы сындады. Марипов мындай суроолорго тамаша аралаштырып жооп берип жатты.

Дагы бир депутат Улукбек Садиков талапкерди "Улукбек" деген атка татыктуу болушун каалады эле, ал Улукбектерди уят кылбай турганын билдирди.

Өз кезегинде Марипов мамлекеттик кызматта 20 жылдан бери иштеп келе жатканын айтып, бул аралыкта бир дагы саясий партияга мүчө болбогонун билдирди. Өзүн саясий амбициясы жок, чарбачыл, экономиканы түшүнгөн кадр катары сыпаттады.

Ал эми өкмөттүн жаңы курамында азыркылардын жарымы алмаша турганын айтты. Аларды үч принцип менен тандайт: биринчи — тазалык, экинчиси — тажрыйба, үчүнчүсү — ниет.

933
Белгилер:
Зарылбек Рысалиев, премьер-министр, тамаша, дайындоо, коалиция, Улукбек Марипов
Тема боюнча
Дарыгер, экс-депутаттын уулу. Улукбек Марипов тууралуу 7 факты
Тилек Токтогазиев кызматтан кетер-кетпеси тууралуу комментарий берди

Бир айыл 5 уулун жоготту. Турдубайдын чек арада окко учканын 4 баласы биле элек

147
(жаңыланган 17:11 06.05.2021)
Балдары көчө чаң ызгыта ойноп, күлкүсү жаңырчу Кара-Бак айылында энелердин көз жашы төгүлүп, боздогон ыйы угулуп жатат. Кыргыз-тажик жаңжалында бул айылдан беш жигит набыт болгон. Алардын бири 33 жаштагы Турдубай Саттаров.

Ал чыр чыккан күнү кечинде көзү өтүп кеткен атасына куран окутуп, ооз ачырмак. Эртең менен базарга барып азык-түлүк алып жүргөндө тажик тарап "Головной" суу бөлүштүрүүчү жайын "басып алган жатат" деп уккан. Бирок ал учурда акыркы суусун ичип жатканын билген эмес. Тилекке каршы, кечинде атасына куран окутуунун ордуна өзү шейит кетти.

Sputnik Кыргызстандын кабарчылары барганда маркумдун апасы үйүндө өзүнө келе албай жатканын айтышты. Ал эми балдары атасынын көз жумганын биле элек экен.

Маркумдун агасы (атасынын бир тууган иниси) Илияз Саттаров Турдубай суунун башында окко учканын айтат.

"Базардан алган азык-түлүгүн үйгө алып келип таштап, кайра "Головнойго" бараткан машинанын артынан өзүнүн унаасы менен кууп барып, чыгып кетиптир. Унаасын тээ май куюучу жайдын жанына калтырган экен. Булар барганда эле куралчан тажиктер атып, кырып салыптыр да. Турдубай иним токтоо, кичи пейил, адамгерчиликтүү, бүт эл-журтка, туугандарга күйүмдүү эле. Ушуга чейин бир жерде бейчеки басканын көргөн жокмун", — деди Саттаров.

Турдубай Саттаровдун артында жубайы Кайры Абдирашит кызы чиедей бир уул, үч кызы менен калды.

"Эми эл катарына кошулуп Москвада кыйналып, аялы менен иштеп заңгыратып үй салды эле. Быйыл толук бүтүрүп күздө той кылам деп жаткан. Келиним эми ал үйдө кантип жашайт, балдары жаш болсо. Чоң уулу 3-класста окуйт, кичине кызы бир жашар. Кичүүсү үйгө машина келген сайын "ата" деп издеп жатат. Балдары билбейт азыр, "атаң Россияга кетти" деп койгонбуз", — деди маркумдун бир тууган эжеси Салтанат Саттарова.

Турдубай Саттаров жалгыз инисин 10 күн мурун Россияга иштеп келгени жөнөткөн. Суук кабарды угары менен ал айылына кайтып келди.

"Головной" суу таратуучу пункту Баткен районунун Кара-Бак айылынын тургундары үчүн да маанилүү. Себеби ошол жактан чыккан суу менен эгиндерин сугарышат.

Белгилей кетсек, "Головной" суу бөлүштүрүүчү жайында жалпысынан 25 жай тургун мерт болгон. Тажик тарап элге карата курал колдонуп, миномёт менен жардырган. Жаңы чыккан жагдайларда ылайык, бир чуңкурга жашынган 12 адамга миномёт снарядынын чачырандысы тийип жан берген. Ал жерге тез жардам унаасы да өтө алган эмес.

147
Белгилер:
бала, жубайлар, маркум, Баткен облусу, Кара-Бак
Тема:
Баткендеги кыргыз-тажик жаңжалы
Тема боюнча
12 адам жашынган жеринде жан берген. Кандуу окуянын очогу “Головнойдон” кадрлар
Садагам кызым, периштем... Мадинаны жоктоп кан жуткан ата-эненин күйүтү

Кежир мамалак, кежигесинен тиштеген энеси. Бассейнге келген аюунун видеосу

114
Калифорниядагы (АКШ) Аркадия шаарынын жашоочусу Эрик Лян жаратылыш паркына жакын жайгашкан үйүнө, тагыраагы, үйдүн бассейнине жапайы аюунун төрт мамалагы менен келип, "киринип" кеткенин видеого түшүрүп калган.

"National Geographic Россия" сайты жапайы конок Angeles National Forest коругунун жашоочусу экендигин жазды.

"National Geographic Россия" сайты Angeles National Forest коругуна жакын аймактагы үйлөргө жапайы жаныбарлар келип каларын, бирок адатта бул эне аюудай болуп, кожойке катары жүрбөй тургандыгын жазды.

Кадрдан алгач аюунун бассейндеги сууда жаткандыгын, ал эми кургакта төрт мамалагы жүргөнүн көрүүгө болот. Бир топ убакыттан кийин суудан чыккан жырткыч шашпай басып, балдарын ээрчитип токойду көздөй жөнөгөн.

Бул окуянын баарын үйдүн кожоюндары айнектен жасалган дубал аркылуу видеого тартып турушкан.

Аюу шашылбай басып, адамдар келип калат деп чочулабай балдарын ээрчитип кеткени менен, бирөө бассейнди айланчыктап кетпей койгон. Башка мамалактары менен кайтып келген эне аюу алгач баласын тумшугу менен түрткүлөп алып кетүүгө аракет кылган. Бирок кичинекей кежир кеткиси келбей, чачыраган сууну айланчыктап туруп алган. Ачуусу келдиби же тажадыбы энеси мамалактын кежигесинен аярлап тиштеп, бир нече кадам барган. Бир аз айланчыктаган соң энеси жолун улап, анын артынан балдары ээрчип кетип бараткан учур менен видео аяктаган.

114
Белгилер:
мамалак, аюу, парк, жаратылыш, Калифорния, АКШ
Тема боюнча
Эшигин өзү ачып-жаап, баладай секирип ойноп. Чээнден чыккан аюунун видеосу
Турак-жай үйү. Архив

7-майда Бишкектин бир бөлүгүндө жарык өчөт. Тизме

0
(жаңыланган 18:04 06.05.2021)
Өчүрүүлөр мурда пландалган боюнча жүргүзүлөт. Монтаждоо топтору электр чубалгыларын жана трансформаторлордун иштөөсүн жөнгө салышат.

БИШКЕК, 6-май — Sputnik. Жума күнү, 7-майда, Бишкектин бир катар райондорунда электр жарыгы өчүрүлөт. Бул тууралуу "Түндүк электр" ишканасы билдирди.

Электр кубаты төмөнкү райондордо болбой турганы айтылды:

  • 9:30дан 17:00гө чейин — 10-кичи райондо (№37 үйдө) жана Алтын-Ордо 3 конушунда;
  • 9:30дан 17:30га чейин — Арча-Бешик конушунда (Кең-Кол, Садыбакасов, Кара-Кужур, Шербет, Поваринский көчөлөрүндө);
  • 9:30дан 18:00гө чейин — Садырбаев, Курчатов, Серафимович, Серпуховский, Куба, Сельсовет, Ильменский жана Тверь көчөлөрүнүн бөлүктөрүндө жана Ак-Ордо конушунун (Курманжан датка, Алты-Бакан, Ташауз, Поваринский көчөлөрүндө);
  • 9:40тан 17:00гө чейин — Аул, Элебесов, 8-март, Хвойное жана Кожевенное көчө бөлүктөрүндө;
  • 10:00дөн 17:00гө чейин — Ибраимов, Шопоков көчөлөрүнүн жана Жибек жолу проспектисинин бөлүктөрүндө;
  • 13:00дөн 17:00гө чейин — Ак-Бата конушунда (6, 7, 8-көчөлөрдө).
0
Белгилер:
оңдоо иштери, "Түндүк Электр" ишканасы, өчүрүү, электр жарыгы
Тема боюнча
Бишкекте ысык суу качан өчүрүлөрү айтылды