9 жылдан бери Жогорку Кеңешке кире элек экенмин. Ташиевдин толкунданган видеосу

(жаңыланган 14:14 03.02.2021)
УКМК төрагасы Камчыбек Ташиев тогуз жылдан бери Жогорку Кеңештин жыйынына катыша электигин айтып, бүгүн толкунданып турганын билдирди. Ошондой эле бир аз ыңгайсыз болуп жатканын да жашырган жок.

Жаңы өкмөттүн курамын карап жаткан парламенттин жыйынына Ташиев өкмөт мүчөсү катары келген. Эл өкүлдөрү андан коррупцияга каршы күрөш тууралуу жасалып жаткан иштерди сурады.

"Бюджетке, мүлккө талап-тоноочулук кылган мамлекеттик кызматкерлердин баарын бирден териштирип чыгабыз. Алардын мамлекетке келтирген зыяндарын кайра бюджетке кайтарабыз. Мындан ары да кызматкерлер, жаңы өкмөттүн мүчөлөрү коррупцияга аралаша турган болсо, аларды да сөзсүз түрдө жоопко тартабыз. 2020-жылы 10 айда УКМКнын Коррупцияга каршы кызматы 116 миллион сомдун тегерегинде бюджетке акча кайтарган. Ал эми биз эки айда 2,8 миллиард сомдон ашыгыраак кайтардык. Январь айында дагы жарым миллиарддан ашып калды", — деди Ташиев.

Ошондой эле ал баарын тегиз камоодон алыс экенин айтты. Уурдаган акчасын бюджетке кайтарса, "тергөө менен кызматташууга макул болду" деген берене менен бошото турганын белгиледи.

Белгилер:
камоо, кайтаруу, урдоо, коррупция, Камчыбек Ташиев
Тема боюнча
Зеленскийдин киносундай болбойлу. Марипов транспорт министри болчу аял тууралуу
Жакшы жагынан билем! Ташиев Нургазы Анаркуловдун кармалышы боюнча үн катты
Учактан колун кайрып алып түшүштү. Депутат Төрөкуловдун кармалган видеосу

Кер мурут жигит Сүймөнкул Чокморов. Улуттук банктын улуу инсан тууралуу видеосу

(жаңыланган 01:10 15.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актёр, сүрөтчү Сүймөнкул Чокморов тууралуу видеоролик жарыялаган.

Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.

Кадр алмашып, Чокморов "Ысык-Көлдүн кызгалдактары" тасмасындагы Карабалтанын образында болуп калат.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.

Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.

Белгилер:
сүрөтчү, актер, видео, Улуттук банк, Сүймөнкул Чокморов
Тема боюнча
Улуттук банк Алыкул Осмонов тууралуу таасирдүү ролик тартты

UFC Валентина Шевченконун мыкты ирмемдерин жарыялады. Видео

(жаңыланган 19:18 14.04.2021)
UFC Russia уюмунун YouTube-каналында дивизиондун эң жеңил салмактагы чемпиону Валентина Шевченконун видеосу жарыяланды.

Ага мушкер кыздын акыркы беттештери, шумдуктуудай нокауттары, жеңишин майрамдаганы жана октагондон тыш жашоосунун ирмемдери камтылган.

Ролик Шевченконун Жессика Андраде менен кездеше турчу UFC 261 турниринин алдында тартууланды. Спорттук иш-чара 24-апрель күнү Жексонвилл шаарында өтөт (АКШ, Флорида штаты).

Кыргызстандык мушкердин беттеши турнирдин башкы кармашы болмокчу.

Белгилер:
беттешүү, кармаш, нокаут, мушкер, Валентина Шевченко
Тема боюнча
Шевченко бразилиялык Андрадени ута алабы? Букмекерлердин пикири
UFC Валентина Шевченко катыша турган мелдештин трейлерин жарыялады. Видео
Ай чырайлуу мушкер дебюттук кармашында атаандашын оор нокаутка кетирди. Видео