"Кандай сүйкүмдүү". Кичине кыздын бөлмөсүн жөргөмүш каптаган видео

468
(жаңыланган 20:11 04.02.2021)
Австралиялык үй-бүлөнүн батиринде топтошкон жөргөмүш дубалды каптап, көпчүлүктү таң калтырууда. Үйдүн ичинен тартылган видео интернетке өткөн аптада жүктөлгөн.

National Geographic Россия басылмасынын жазганына караганда, окуя Сидней шаарында болгон. Өз бөлмөсүнөн 50-60ка жакын жөргөмүштү көргөн кичине кыз апасына чуркап барган. Бул көрүнүштү кыздын энеси видеого тартып алган.

Кызыгы, автордун үйүн каптап келе жаткандарды карап туруп "кандай сүйкүмдүү жандыктар" деп айтканын угууга болот.

Квинсленд штатындагы био ар түрдүүлүк музейинин бөлүм башчысы Роберт Рэйвендин айтымында, мергенчи деп аталган жөргөмүштөр жайкысын оголе көбөйүп, айрым учурда үйлөргө кирип кетет.

Адистер бул жөргөмүштөр өтө ысык жана нымды жаман көргөндүктөн, балалуу болору менен үйлөргө кирүүгө аракет кылышат.

Ошондой эле булар такай ушунча көлөмдө топтошуп жүрүшпөйт. Анткени чоңоюп келе жатканда эле бири-бирин жеп коюшат.

468
Белгилер:
видео, жөргөмүш, Сидней, Австралия
Тема боюнча
Кышылдап, күрүлдөп кишиге айбат кылып. Кар кечип жүргөн крокодилдин видеосу
Беш саат кармашса да баласын алдырып жиберди. Антилопанын кейиштүү видеосу

Алдына 4 "чычкан" чогултуп. Референдум дайындоого добуш берген депутаттардын видеосу

1218
Бүгүн ЖК депутаттары жаңы Конституциянын долбоору боюнча референдум дайындоо демилгесин биринчи окууда колдоп берди. Өлкөнүн маанилүү документи каралып жатканына карабай бир эле депутат төрт кесиптешинин ордуна добуш берди.

Алгач Дастан Бекешев жок депутаттардын ноутбугун өчүрүүнү талап кылды, бирок андай болгон жок. Аңгыча эле Самат Исманов алдына төрт ноутбуктун "мышкасын" чогултуп жатканы көзгө урунду. Аны менен катар Акылбек Жапаров дагы төрт депутат үчүн добуш берди. Натыйжада 87 макул, 9 каршы добуш менен демилге колдоо тапты. Баса, УКМКнын тергөө абагында жаткан депутат Дүйшөн Төрөкулов да "макул" деген добуш бергени айкын болду. Анын ордуна ким кнопка басканы белгисиз.

Долбоор экинчи-үчүнчү окуудан дагы колдоо тапса, президентке жөнөтүлөт. Ал кол койгондон кийин жалпы элдик добуш берүү дайындалат. Референдумду жергиликтүү кеңештердин шайлоосу менен кошо 11-апрелде өткөрүү сунушталууда.

1218
Белгилер:
добуш берүү, дайындоо, референдум, депутаттар, Жогорку Кеңеш
Тема:
Жаңы Конституциянын долбоору жана референдум
Тема боюнча
Референдум дайындоого кайсы депутат кандай добуш берди. Тизме
Жерде, түрмөдө жаткан депутаттар кантип кол койду? Момбековдун ачууланган видеосу

Жерде, түрмөдө жаткан депутаттар кантип кол койду? Момбековдун ачууланган видеосу

621
Жогорку Кеңеште жаңы Конституциянын автору делген 80 депутаттын ким экени белгисиз болуп, талаш жаратууда.

Депутат Рыскелди Момбеков демилгечи катары документке 1-мартта кол койду делген депутаттардын арасында 28-февралда көз жумган Алмасбек Акматов, тергөө абагында отурган Кубанычбек Жумалиев дагы бар экенине таң калды.

"Долбоор 1-мартта киргизилиптир. Урматтуу төрага, айтып коюңузчу, Алмасбек Акматов кечээ эле жерге берилди го, өлүп калган кишини кантип кол койдурдуңар. Кубанычбек Жумалиев түрмөдө отурат, ал кантип кол койду? Анан демилгечи 80 депутат болушу керек, бул жерде автор катары 60 гана депутат турат", — деди Момбеков.

Андан соң төрага Талант Мамытов юридикалык жол-жобосу бар экенин айтып, бирок аларды тактаган жок.

621
Белгилер:
Рыскелди Момбеков, Жогорку Кеңеш, долбоор, кароо, конституция
Тема:
Жаңы Конституциянын долбоору жана референдум
Тема боюнча
Жогорку Кеңеш жаңы Конституциянын долбоорун талкуулап жатат. Видео
Мамытов Конституция долбоорун талкуулабай, референдум дайындоого чакырды
Иманалиев: негизги эки документ жок, Конституция долбоорун карай албайбыз
Партктагы гүлдөр. Архив

Бейшембиге карата аба ырайы

0
(жаңыланган 21:08 03.03.2021)
4-мартка караган түнү республиканын көпчүлүк аймактарында жаан, тоо этектеринде жана тоолуу райондорунда кар жаашы күтүлөт. Жолдорго муз тоңуп, тайгак болот.

БИШКЕК, 3-мар. — Sputnik. Бейшемби күнү өрөөндөрдө жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир аймактарда 14 метрге жетет. Бул тууралуу Кыргызгидромет билдирди.

Абанын температурасы Чүй, Талас жергесинде +9...+14 градус, Ош, Жалал-Абад жана Баткен облустарында +10...+15, Ысык-Көлдө +3...+8, ал эми Нарын аймагында -1...+4 градуска чейин жылуу болору айтылды.

Борбор калаада күн ачык болуп, күндүн табы +12...+14 градуска чейин көтөрүлсө, Ош шаарында мезгил-мезгили менен жаан жаап, +13...+15 градус жылуу болот.

0
Белгилер:
март, Кыргызстан, аба ырайы
Тема боюнча
Төө-Ашуудагы тайгактан жүк ташуучу унаалар өйдө чыга албай жатат. Видео