Алдыда бир топ кызмат адамдары камалат. Баш прокурордун билдирүүсү. Видео
Зулушев президент Садыр Жапаровдун 10 жылга эркинен ажыратылган бир тууган эжеси Райкүл Жапаровага карата өкүмдү Жогорку сот жокко чыгарганын билдирди. Демек, ал Кыргызстанга эркин келе берсе болорун айтты. Жапарова Кыргызстанда 2015-жылы сыртынан соттолуп, былтыр Интерпол аркылуу Польшадан кармалган. Ага мыйзамсыз жол менен алынган акча каражатын же башка мүлктөрдү легалдаштыруу, шылуундук жана кызмат абалынан кыянаттык менен пайдалануу фактылары боюнча айып тагылган.
Ал эми экс-президент Сооронбай Жээнбеков мурдагы вице-премьер Дүйшөнбек Зилалиевдин иши боюнча сотко барып көрсөтмө бериш керек деп эсептейт. Башкы прокурор күбө катары барбай койгонго эч кимдин укугу жоктугун белгиледи.
Ошондой эле Саламаттык сактоо министрлигинин алдындагы Ооруларды алдын алуу жана мамлекеттик санитардык-эпидемиологиялык көзөмөл жүргүзүү департаменти пандемия маалында сапатсыз кол каптарды жана бир бахиланы 150 сомдон сатып алган компаниянын атын атады. Ал — "Фарватер" ишканасы. Бул иш боюнча бир нече кызмат адамдары тергелип жатканын, министрге дагы жетиши мүмкүндүгүн айтты.
©
Пресс-служба президента КР / Султан Досалиев
Эгер тергөө сапаттуу жүргүзүлсө, уурдалган каражат бул суммадан алда канча көп аныкталышы мүмкүн экенин айтты.
Башкы көзөмөл органынын жетекчиси буга чейин да коррупцияга шектелген кызмат адамдары камалганын белгилеп, алдыда дагы бир нече кызматкер кармаларын билдирди.
Марипов карылар үйүндөгү энелерди көрүп, көзүнө жаш алды. Видео
(жаңыланган 17:30 08.03.2021)
Премьер-министр Улукбек Марипов 8-март — Аялдардын эл аралык күнүндө Бишкектеги улгайган жана ден соолугунан мүмкүнчүлүгү чектелгендер жашаган социалдык мекемеге барды.Өкмөт башчы мекемеде жашаган аялдарды жаз майрамы менен куттуктап, аларга бекем ден соолук, бакыт, жаркын маанай жана күч-кубат каалады. Видеодон ал сүйлөп жатып көзүнө жаш алганын дагы байкоого болот.
"Бул сапар мага аябай көп эмоция берди. Ата-энелер өз балдарынан ушундай мамиле көрүүгө татыктуу эмес", — деп жазган Марипов.
Ошондой эле ал карылар үйүндөгү энелер жалгыз эмес экенин айтып, алар баарыбыздын ата-энебиз катары камкордукка алынарын белгилеген.
©
Фото / пресс-служба УПСМ Бишкека
Андан соң премьер-министр боорукердик бөлүмүндөгү саламаттыгынан абалы начар жарандардан кабар алып, ал-жайын сураган.
Ведомство тарабынан скандинавиялык таяктар менен камсыздоо өтүнүчү айтылып, Марипов алып берүүнү убадалаган.
Эшигин өзү ачып-жаап, баладай секирип ойноп. Чээнден чыккан аюунун видеосу
Мансур аттуу бул жаныбардын уйкулуу көздөрүн жана өзүнүн жыгач үйүнүн эшигин ичинен кадимки кишилерге окшоп жаап алганга аракет кылып жатканын көрөбүз. Бир нече ирет кылган аракетинен майнап чыкпагандан кийин 300 кг салмакка жакын аюу карды аралай эшикке чыккан.
Видеодон 20 күндүк уйкудан ойгонуп, чээнден чыккан Мансур кадимки жаш балага окшоп кар баскан таңгак чөптү чачып, ага оонап ойноп жаткандыгын көрүүгө болот. Вольерди аралап чуркап, бакка жөлөнүп, андан соң үйүлгөн карды алдыңкы эки буту менен шилеп жатканы кадрга түшүп калган.
Мансур - интернет жылдызы. Ал учурда Калуга облусундагы Орешково аэродромундагы вольерде жашайт. Facebook тармагындагы баракчасындагы маалыматта аюунун беш жашта экендиги, аны учкучтар өзүнүн камкордугуна алып багып келгендиги айтылат.
Мамалак кезинде белгисиз бирөөлөр аэродромго таштап кетип, аны Ил-14 учагын калыбына келтирүү менен алектенген авиаторлор багып алышкан.
Учурда Мансур жарым эркиндиктеги вольерде жашайт. Ага кам көрүп бүтүндөй бир команда иштесе, жырткычтын турган жайына Андрей Иванов аттуу учкуч гана кооптонбой кирип, карап турат.
Sputnik буга чейин да Мансурдун таңгак чөптү тажабай тоголоткон видеосун жарыялаган.
Апта ирмеми: асманга атылган жанар тоодон уурдалган окуучуларга чейин
Суматра (Индонезия) аралында Синабунг жанар тоосу атылды. Анын күлү менен түтүнү беш чакырым бийиктикке сапырылды.
Кыргызстандын президенти Садыр Жапаров Казакстанга мамлекеттик сапар менен барып, өлкө башчысы Касым-Жомарт Токаев жана туңгуч президент Нурсултан Назарбаев менен жолукту.
Ереванда (Армения) премьер-министр Никол Пашиняндын кызматтан кетүүсүн талап кылган оппозициянын нааразычылык акциясы өттү.
©
REUTERS / Anushree Fadnavis
Нигериянын түндүк-батышында согушкерлер мектепке кол салышып, 317 окуучу кызды уурдап кетишкен. Кийинчерээк балдар куткарылды.
Кыргызстанда аскер кызматкерлеринин Ан-26 учагы менен парашюттан секирүү боюнча машыгуусу өттү.
Сенегалда оппозиция лидери жана президенттикке талапкер Усман Сонко камакка алынгандан кийин өлкөнүн Дакар жана башка шаарларында массалык митингдер өтүп, имараттарды өрттөө жана мародерлук менен коштолду.
Италияда салттуу Милан мода жумалыгы өттү.
Бишкектин четиндеги Дача СУ айылында миңдеген атчандардын катышуусунда аламан улак болду. Улакчылар 70 килограммдык торпокту марага таштап мелдешти.
© REUTERS / ANTARA FOTOИндонезиянын Суматра аралында Синабунг жанар тоосу атылып, анын күлү менен түтүнү беш чакырым бийиктикке сапырылды. Жаракат алгандар жана өлүм болгон эмес. Ага карабастан өлкө бийлиги кырсык болгон жердин үч чакырым айланасындагы жашоочулардан коопсуз жакка көчүүнү өтүнүшкөн
© AFP 2021 / PUNIT PARANJPEМумбайдагы (Индия) Тадж-Махал мейманканасынын алдында жубайлар сүрөткө түшүп жатышат
© Sputnik / Табылды КадырбековКыргызстанда аскер кызматкерлери Ан-26 учагы менен парашюттан секирип, машыгуу өткөрүштү
© REUTERS / KAI PFAFFENBACHШвециялык спортчу Астрид Норстедт лыжа спорту боюнча Германияда өтүп жаткан Дүйнө чемпионатында машыгуу секириктерин жасап жатат
© REUTERS / AFOLABI SOTUNDEНигериянын түндүк-батышында согушкерлер уурдап кеткенден кийин бошотулган мектеп-интернаттын окуучу-кыздарынын сүрөтү. 26-февралда боевиктер Замфара штатындагы мектепке кол салып, 317 окуучу кызды уурдап кетишкен. Нигерияда куралчан топтор акча талап кылуу максатында окуучуларды уурдап кеткен учурлар көп кездешет
© AFP 2021 / PAU BARRENAИспаниянын Айтоне аймагындагы шабдаалы багында сейилдеп жүргөн кыз
© Пресс-служба президента КР / Султан Досалиев2-3-мартта Кыргызстандын президенти Садыр Жапаров Казакстанга мамлекеттик сапары менен барды. Ал кошуна өлкөнүн башчысы Касым-Жомарт Токаев жана туңгуч президенти Нурсултан Назарбаев, Мажилис (парламент) төрагасы Нурлан Нигматулин жана премьер-министр Аскар Мамин менен жолукту. Иш сапарда бир катар келишимдерге кол коюлду
© REUTERS / MARIA ALEJANDRA CARDONAАКШнын Флорида штатындагы колледждин студенттери деңиз жээгинде жазгы каникулду майрамдап жатышат
© REUTERS / MONICAH MWANGIНайробиде (Кения) аял коронавируска каршы AstraZeneca вакцинасы менен эмделип жатат
© AP Photo / Leo CorreaСенегалда оппозиция лидери жана президенттикке талапкер болгон Усман Сонконун камакка алынышы массалык толкундоолорго алып келди. 4-марттан 5-мартка караган түнү Дакар шаарында, анын четинде жана башка шаарларда митингдер өтүп, имараттарды өрттөө, эстеликтерди талкалоо жана мародерлук менен коштолду
© AP Photo / Kiichiro SatoЯпониялык макака (маймылдын түрү) Нагано префектурасынын Дзигокудани чөлкөмүндөгү жылуу сууда жуунуп жатат
© AP Photo / Daniel ColeМарселде (Франция) коменданттык саат алдында деңиз жээктей сейилдеген кыздын сүрөтү
© Sputnik / Арам НерсесянЕревандын (Армения) Баграмян проспектисинде өлкөнүн премьер-министри Никол Пашинянга каршы өткөн оппозициянын нааразычылык акциясынын катышуучусу
© REUTERS / VALENTINOМиландагы (Италия) мода жумалыгында Valentino күз/кыш–2021 коллекциясы көрсөтүлдү
© Sputnik / Сергей ПятаковЭл аралык аялдар күнүн утурлай Москва метрополитенинде гүл кучактап турган кыз
© Sputnik / Табылды Кадырбеков6-мартта Бишкектин четиндеги Дача СУ айылында миңдеген атчандардын катышуусунда аламан улак өттү. Бул оюн көк бөрүнүн бир түрү. Мында ар бир катышуучу өзү үчүн ойноп, улакты марага ташташы керек. Улакчылар 70 килограммдык торпокту марага таштап, кызыктуу мелдеш көрсөтүштү
© Фото / пресс-служба РоскосмосаКазакстандагы Байконур космодромунан "Союз-2.1б" космос кемеси "Арктика-М" аппараты менен кошо асманга учурулду. "Арктика-М" бул Арктика чөлкөмүндөгү климатка жана айлана-чөйрөгө байкоо салуучу алгачкы россиялык космостук аппарат болуп саналат
© AP Photo / Robert F. BukatyАКШнын Нью-Гэмпшир штатында кар баскан токойду аралап бара жаткан киши