Бишкектеги Ахунбаев көчөсүнүн бир бөлүгү кеңейтилет. Видео жана карта

562
(жаңыланган 18:20 06.02.2021)
Мэрияга айдоочулар Ахунбаев көчөсүнүн чыгыш тарабы авариялык кырдаалды шарттап жатканын айтып кайрылышкан.

Бишкек ШИИБдин Кайгуул милиция башкармалыгы Ахунбаев көчөсүнүн Байтик баатырдан Жукеев-Пудовкинге чейинки бөлүгүн кеңейтүүнү сунуштады. Бул тууралуу мэриянын маалымат кызматы кабарлады.

Муниципалитеттин билдиришинче, айдоочулар Ахунбаев көчөсүнүн чыгыш тарабы авариялык кырдаалды шарттап жатканын айтып көп кайрылышат.

"Байтик баатыр көчөсүнөн өткөндөн кийин жол дароо аялдама менен тротуарга кептелип, айдоочулар сол тарапка өткөнгө аракет жасашы керек болот", — деп билдирди мэрия.

Кечээ "Бишкек башкы архитектура", "Бишкек жашыл чарба", Капиталдык курулуш башкармалыгынын жана шаардык чарба департаментинин адистеринен турган топ Кайгуул милициянын сунушу менен аталган аймакка барган.

"Биз кырдаалды өз көзүбүз менен көрдүк. "Бишкек башкы архитектуранын" жол жана транспортту өнүктүрүү бөлүмүнүн адистери бул бөлүктү кеңейтүүнүн алдын ала схемасын даярдашты", — деп айтылат билдирүүдө.

"Бишкек башкы архитектура" көчөнү кеңейтүүнүн алдын ала схемасын макулдашып, бул маселе боюнча сунуштарды киргизүү үчүн тиешелүү органдарга кат жөнөттү.

562
Белгилер:
карта, көчө, Бишкек мэриясы, Бишкек
Тема боюнча
Мэрия: шаардын түштүгүнө парк, Көк-Жар конушуна мектеп курулат

Параплан менен акробатикалык трюк жасаган гимнасттар. Видео

53
Россиялык эки гимнаст параплан менен учуп баратып акробатикалык трюк көрсөттү. Алар абада учуп баратканына карабай коргоочу каражаттарды колдонушкан эмес.

Россиянын Бердск шаарынын спортчулары дээрлик 600 метр бийиктикте туруп өнөрүн тартуулашкан.

Алар дүйнөдө биринчи болуп асманга көтөрүлгөн учурда концерттик программасын аткарганы белгиленет. Гимнасттар муну менен эле чектелбей, дагы да көп ыкмаларды жасай турганын айтышкан.

53
Белгилер:
учуу, гимнастчылар, параплан, Россия
Тема боюнча
3 500 метр бийиктиктен парашют менен секирген КР десанттары. Сүрөт түрмөк
500 метр бийиктиктен кулаган франциялык спортчулардын видеосу

Эне жүрөгүн элжиреткен "Шумкарлар". Аскерлер айымдарга белек беришти. Видео

129
Ички иштер министрлигинин "Шумкар" атайын багыттагы полкунун аскерлери энелерин жана көчөдөн өтүп бараткан айымдарды куттуктады.

8-март — Аялдардын эл аралык майрамын утурлай жоокерлер өз апаларын, эжелерин айттырбай барып куттуктап, кубантышкан.

Энелердин жүрөгү элжиреп "силер бактылуу болсоңор, мен бактылуумун" деп алкап жатканын көрүүгө болот. Ал эми көчөдө баратып аскерлердин колунан гүл, открытка алган айымдар көңүлү көтөрүлүп рахматын айтышты.

"Жаздын алгачкы күнү менен келген бул майрамда сиздерге бакыт-таалай, бекем ден соолук, узун өмүр каалайбыз. Бар болуңуздар, кымбаттуу, нур жүздүү, ай-чырайлуу айымдар!" — деп жазылган маалымат кызматы тараткан билдирүүдө.

Видео Ички иштер министрлигинин YouTube каналына жайгаштырылган.

129
Белгилер:
майрам, куттуктоо, айым, эне, Аскер
Тема боюнча
Инспекторлор айдоочу айымдарды ыр окуп, шоколад тартуулап куттуктады. Сүрөт
Кыргызстандык кыздардын көбү канча жашында турмушка чыгат. Статистика
Касым Тыныстановго арналган китеп. Архивдик сүрөт

Касым Тыныстанов өмүр баяны

0
(жаңыланган 16:46 09.03.2021)
Касым Тыныстанов 1901-жылы 10-сентябрда Ысык-Көл облусундагы Чырпыкты айылында дыйкандын үй-бүлөсүндө жарык дүйнөгө келген.

Билими:

Тилчини атасы Тыныстан сегизге чыкканда айылдагы молдодон билим алууга жөнөтөт. Диний мектепте үч жыл арабча тамга тааныган соң Касым Тыныстанов Сазановка айылында башталгыч мектепте окуп баштаган. Бирок болочоктогу илимпоз үчүн айыл жергесиндеги жөнөкөй мектептер берген билим жетишсиз эле. Мындан улам 1914-жылы өз мезгилинин эң алдыңкы окуу жайларынын бири болгон Каракол шаарындагы жергиликтүү орус мектебине кабыл алынат. Бул жерде орус тили, география, арифметика жана тарыхтан сабак алган.

1916-жылы эл менен кошо Тыныстанов да Үркγндүн запкысын тартып, ата-энеси менен Кытайга качкан. Бөтөн жерде жергиликтүү байларга жалданып иштеп, эки жыл жүргөн соң 1918-жылы өз мекенине кайтып келишет. Тыныстанов билим алууну улантууну каалагандыктан Ысык-Көлдүн Тепке айылындагы таякелеринин жанында калат. Бирок бул жердеги окууга ичи чыкпай, Ташкенттеги Агартуу институтунун даярдоо бѳлүмүндө окуган.

Эмгек жолу:

Тыныстановдун илимий ишмердиги жогорку окуу жайда окуп жүргөн кезинде эле башталган. 1920-жылы казак тилинде чыккан "Жаңа Өрис" гезитине бөлүм башчысы болуп дайындалат. Бирок бул кызматта бир жыл турган соң катуу ооруп, кичи мекени Караколго жөнөөгө аргасыз болгон. Кичи мекенинде жөн отурбай драматург катары талантын сынап, Кыргызстандагы алгачкы театр труппасын түзгөн. Дартынан айыккан соң окуусун улантуу үчүн кайрадан Ташкентке сапар алып, ал жерде "Ак-Жол" гезитинде, "Жас Кайрат", "Сана" журналдарында иштеген. Аталган басылмаларда кыргыз тилиндеги материалдарды уюштуруп, алардын басмага берилүүсүнө жооптуу болгон. Ошол эле маалда Түркстан АССРинин Агартуу комиссариатындагы Кыргыз илимий комиссиясынын мүчөлүгүнө кабыл алынып, институтту 1924-жылы бүтүргөн.

Тыныстанов 1925-жылы 24 жашында Кыргыз автономиялуу облусундагы Академиялык борбордун кыргыз бѳлүмүнүн катчылыгына дайындалган. Кийин Кыргыз педагогикалык институтунда мугалим болуп иштеп, студенттерге сабак берип жүрүп 1932-жылы доценттик, 1936-жылы профессорлук наамын алган. Өлкөдөгү мугалимдердин санынын өсүүсүнө анын салымы көп. Тыныстанов азыркы кыргыз орфографиясынын негизги принциптерин иштеп чыгып, окуу китептерин, алгачкы грамматикасын жана тил илими боюнча кыргызча терминологияны түзгөн. Кыргыз тилин алгач араб алфавитине, андан соң латынчага жана акыркы болуп орус тамгаларына ылайыкташтырууга алгачкылардан болуп үндөгөн.

Эмгектери:

Ал — "Окуу китеби", андан соң "Чоңдор үчүн алиппе", "Эне тил", "Социалдык-экономикалык сѳздүк", "Кыргыз тилинин морфологиясы" жана "Кыргыз тилинин синтаксиси" аттуу эмгектердин автору.

Сынган кылыч тарыхый романындагы жазуучу Төлөгөн Касымбековдун сүрөтү
© Sputnik / Нургуль Максутова
Тыныстанов көп өмүрүн мамлекеттик жана илимий иштерге сарптаган. Бирок адабият үчүн да кошкон салымы зор. Ал 1922-жылы "Ала-Тоо" аттуу ыры жарык көргөн. Ошондой эле "Мариям менен көл боюнда" чыгармасы да бар. Анын "Касым ырларынын жыйнагы" 1925-жылы Москвада басылган. Жеке чыгармачылык менен гана чектелип калбай, кыргыз элине таандык оозеки эмгектерди, "Манас" эпосун жыйноого зор көңүл бөлүп, бул жаатта бир нече көлөмдүү илимий макалаларды жазган. Улуу манасчы Саякбай Каралаевдин айтуусундагы "Манас" үчилтигин толук жазып алуунун демилгечиси болгон. Ага кошумча, Тыныстанов тунгуч көркөм котормочу катары да белгилүү. Ал орус жазуучусу Иван Крыловдун тамсилдерин жана Коммунисттик партиянын гимни "Интернационалды" биринчилерден болуп кыргызчага которгон. Ошондой эле орус революциячыл ырларын "Өзгөрүштүн ырлары" деген ат менен которуп, китеп кылып чыгарган.

Касым Тыныстанов жаш кезинде кургак учук менен ооруп, айыккандан кийин ага "эл душманы" деген жалаа жабылат. Буга ошол кездери театрда коюлуп жаткан Тыныстановго таандык "Академиялык кечелер" спектакли негиз болот. 1933-жылдын башында жазуучу Аалы Токомбаев "Кызыл Кыргызстан" гезитине "Академиялык кече тууралуу" жана "Академиялык кеченин тыянагы" деген эки макала жазат. Анда Тыныстановго карата катуу сын айтылып, улутчулдукка, панисламчыл, пантүркчүл идеяларына сугарылган, эски заманды, бай-манаптарды мактаган деген айыптар тагылат. Ошондой эле жаш кезинде "алаш ордочулар" (1917-20-жылдардагы Казакстан менен түндүк Кыргызстандагы саясий кыймыл) менен санаалаш болуп, алардын пикирлерин колдогон деген күнѳѳ да коюлган.

Тыныстанов 1938-жылы 5-ноябрда СССР Жогорку Аскер сотунун жабык жыйынында күнөөлүү деп табылып, атууга чечим чыгарылат. Өкүм эки күндөн кийин, 7-ноябрда, аткарылган.

Үй-бүлөсү

Касым Тыныстанов менен жубайы Турдубүбү эки уул, эки кызды тарбиялашкан. Алар балдарына Теңдик, Эркиндик, кыздарына Бирдик, Кишимжан аттуу ысымдарды берген.

Жубайлардын тун уулу Теңдик туугандарынын эскерүүсүнө караганда, атасын тарткан өткүр, зээндүү бала болгон. Ал Улуу Ата Мекендик согуш башталганда кан майданга аттанып, ал жактан башына ок тийип, жарадар болуп келет. Ага карабай дарыгер болууну самап, медициналык окуу жайга тапшырат. Бирок дарт коё бербей, 1947-жылы энесинин колунда кыйналып жатып каза табат. Агасынын жетпей калган кыялын экинчи уулу Эркиндик орундатат. Ал хирургия бөлүмүн аяктап, бир нече райондук ооруканаларда башкы дарыгер болуп иштеп, медицина илимдеринин кандидаты, доцент наамдарын алган.

0
Белгилер:
билим, илим, адабият, тил, өмүр баян, Касым Тыныстанов
Тема боюнча
Бексултан Жакиев — өмүр баяны
Касымалы Жантөшев — өмүр баяны